Спорт
(Видео) Бовен го шокира Арсенал, Вест Хем победи на „Емирати“

Ливерпул, во средата киксна кај Астон Вила (2:2), но и покрај тоа ја зголеми предноста во однос на Арсенал на табелата во Премиер лигата. Арсенал, во 26.коло, загуби ов градското дерби од Вест Хем (0:1). Интересно, гостите победија на петте натпревари кои се одиграа во терминот од 16 часот.
Немаше многу возбудувања во првото полувреме на „Емирати“ во Лондон. Вест Хем со добра дефанзива држеше реми до финишот на првиот дел. Во 44.минута Ван-Бисака го проигра Џерод Бовен, а тој им донесе водство на гостите.
Домашните тргнаа поофанзивно во вториот дел, имаа иницијатива и шанси, но не успеаја да постигнат гол.
Сите шанси за евентуален пресврт на Арсенал му ги уништи младиот Луис-Скели, кој доби директен црвен картон во 73. минута, неполни 20 минути по влегувањето на теренот.
Арсенал на табелата сега има осум бода помалку од Ливерпул.
Резултати:
Бурнмут – Вулверхемптон 0:1 (0:1)
/Куња 36/
Фулам – Кристал Палас 0:2 (0:1)
/Андерсен 37, Муњос 66/
Ипсвич – Тотенхем 1:4 (1:2)
/Хачинсон 36 – Џонсон 18, 26; Спенс 77, Кулушевски 84/
Саутемптон – Брајтон 0:4 (0:1)
/Педро 23, Ритер 57, Митома 71, Хиншелвуд 82/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.