Спорт
(Видео) Брајтон со гол во 88.минута до првото место во Б групата, Ренџерс го испрати Бетис во Конференциската лига

Вечерва заврши фазата по групи во Лига Европа. Најголем добитник е Брајтон, кој со победата над Марсеј ја освои првата позиција во Б групата, додека најголем губитник е Бетис, со поразот на домашен терен од Глазгов Ренџерс, падна на третото место во Ц групата и ќе продолжи во Конференциската лига.
На „амекс“ стадионот во Брајтон, домашниот тим ја доби пресметката со Марсеј и ја презеде првата позиција од францускиот тим. Стрелец на едноствениот гол беше Жоао Педро во 88.минута.
Во оваа група Ајакс со победата против АЕК (3:1) обезбеди опстанок во Европа и ќе го продолжи натпреварувањето во Конференциската лига.
Бетис, во последната рунда влезе како лидер во Ц групата, но по вечерашните натпревари падна на третото место. Спарта Прага во Лимасол го победи Арис со 3:1, а Бетис загуби дома од Ренџерс 2:3.
Ренџерс двапати водеше во првото полувреме, прво преку Сим, а потоа преку Десерс. И двапати Бетис се врати преку на Миранда и Перез.
Во 69. минута на Бетис му беше поништен гол поради играње со рака на Перез, а во 78. минута Шкотите победија со голот на Руф.
Пласман во нокаут фазата вечерва изборија: Вест Хем, Фрајбург, Брајтон, Марсеј, Ренџерс, Спарта Прага, Аталатна и Спортинг.
Во Конференциската лига се селат Олимпијакос, Ајакс, Бетис и Штурм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сане како слободен играч ќе го засили Галатасарај

Лирој Сане одби да го продолжи договорот со Баерн, а германските медиуми тврдат дека тој сигурно ќе го напушти клубот. Сане, според овие извори бил блиску до преселба во Галатасарај.
Сане отпатува во САД со Баерн на Светско клупско првенство, но дека само прашање на денови е кога ќе потпише со турскиот првак.
Турскиот шампион ги подобри финансиските услови што му ги нуди на Сане, играч чиј договор со германскиот шампион истекува на крајот на јуни. Тотенхем и Арсенал исто така беа заинтересирани за неговите услуги.
Сане ја започна својата професионална кариера во Шалке, а потоа играше за Манчестер сити од 2016 до 2020 година. Тој се пресели од англискиот клуб во Баерн, за кој одигра 153 натпревари во Бундеслигата и постигна 40 голови. Со Сити освои две титули во Премиер лигата, а со Баерн четири во Бундеслигата.
Галатасарај работи на зајакнување на играчкиот кадар пред сезоната во која ќе игра во Лигата на шампионите. Вредноста на Сане според „Трансфермаркт“ е 32 милиони евра.
Спорт
Чиле остана без пласман на СП и без селектор

Фудбалерите на Чиле забелаа уште еден пораз во квалификациите за пласман на Светското првенство следната година. По поразот од Боливија (2:0), Чилеанците остнаа без шанси за пласман на Мундијалот.
Ова е вистинска катастрофа за националниот тим, бидејќи не учествуваа и на претходните две Светски првенства, во Русија 2018 и Катар во 2022 година. Сето тоа се случи откако Чилеанците ја освоија Копа Америка во 2015 и 2016 година.
По поразот од Боливија, Чиле е на последното место на табелата во Јужна Америка. Како резултат на лошиот пласман, веднаш по поразот во Боливија, 67-годишниот Аргентинец Рикардо Гарека, доби отказ. Гарека го презеде Чиле во 2024 година, забележа само една победа во 13 официјални натпревари со Чиле.
Спорт
Сити го потврди трансферот на Рејндерс

Манчестер сити потврди уште едно засилување. Дресот на клубот од „Етихад“ ќе го носи и Холанѓанецот Тижани Рејндерс.
Сити го потврди трансферот од Милан на својата веб-страница, и иако не открија финансиски детали, медиумите објавија дека Сити ќе плати 70 милиони евра за трансферот на холандскиот репрезентативец, кој потпиша договор до летото 2029 година.
„Чест ми е што потпишав за Сити. Горд сум што сум дел од тимот на Пеп Гвардиола, чија работа ја следам со години, уште од Барселона со Лео Меси. Едвај чекам да почнам да работам со него и сигурен сум дека Гвардиола ќе ме направи уште подобар играч“, рече Холанѓанецот.
Пред Рејндерс, Сити ги претстави Рајан Аит-Нури и Рајан Шерки, додека голманот Маркус Бетинели пристигна од Челзи, кој ќе биде трет избор зад Едерсон и Стефано Ортега.
Нури пристигна за сума од околу 45 милиони евра, Шерки од Лион за 36+6 преку бонуси, што значи дека Сити потроши околу 150 милиони евра за летни засилувања.
Важно е да се истакне дека Пеп ќе може да смета на сите играчи на претстојното Светско првенство за клубови во САД.