Фудбалерите на Баерн предводени од расположениот голгетер Хари Кејн убедливо го совладаа Штутгарт во дербито од осмото коло на Бундес лигата.

Натпреварот на Алијанц Арената во Минхен заврши со резултат 4:0 (0:0).

Ова беше пресметка на второпласираниот (Штутгарт) и третопласираниот (Баерн) од претходната сезона.

Гостите се одлучија за дефанзива и во првите 45 минути ги неутрализираа нападите на Хари Кејн и неговите соиграчи.

Сепак, во продолжението од мечот Англичанецот конечно го најде патот до мрежата.

Најпрвин во 57. минута шутираше силно од околу 25 метри и го совлада Александар Нибел, а истото го направи три минути подоцна. Во тој момент беше јасно дека „Швабите“ ќе претрпат пораз во Минхен.

Во 80. минута Хари Кејн уште еднаш ја затресе мрежата на гостите. Тоа е негов втор хет-трик во Бундеслигата оваа сезона, првиот беше против Холштајн Кил минатиот месец.

Конечниот резултат го постави Кингсли Коман со првиот гол сезонава. Баерн по оваа победа се врати на врвот на табелата со ист број бодови како и Лајпциг, но со подобра гол-разлика.

Возачот на Ред Бул, Макс Ферстапен, триумфираше на спринт трка што се возеше во рамките на Големата награда на Соединетите Американски Држави на патеката во Остин.

Трикратниот светски шампион се најде на највисокото скалило на подиумот за прв пат по 29 јуни, кога беше најдобар во спринтот на Ред Бул Ринг во Австрија.

Оттогаш, се одржани осум трки, што е најдолгиот пост без на холандски возач од 2020 година.

Ферстапен водеше од почеток до крај во Тексас, а најблиску до него беше Карлос Саинц јуниор во Ферари, додека возачот на Мекларен Ландо Норис беше на третото скалило на подиумот.

Ваквиот исход значи дека Верстапен ја зголеми предноста во генералниот поредок пред Норис за два поени, па разликата меѓу нив сега е 54 поени.

Спринтото беше здодевен единствената вистинска акција ја понуди Саинц кој стартуваше од петтата позиција. Најпрвин го мина тимскиот колега Шарл Леклер, потоа Џорџ расел, а на влезот во последниот круг успеа да го остави зад себе и Ландо Норис.

Покрај најдобрите тројца бодови во спринт трката освоија и Леклер, возалите на Мерцедес Расел и Луис Хамилтон и довецот од Хас Нико Хулкенберг и Књевин Магнусен.

Точно на полноќ по македонско време во Остин ќе се возат квалификациите за главната трка, која в недела ќе започне во 20 часот.

Во последниот саботен натпревар од осмото коло на Премиер лигата, Борнмут на стадионот Виталити го победи Арсенал со 2:0 (0:0). Во овој момент само Манчестер сити остана единствениот тим во Премиер лигата без пораз.

Клучниот детал ово натпреварот се случи во 30.минута. Судијата Роберт Џонс беше повикан од ВАР-собата да го погледне видеото од ситуацијата во 29. минута кога му покажа жолт картон на Вилијам Салиба.

Судијата ја погледна снимката, го помишти жолтиот картон и му покажа црвен картон на Салиба Само пет минути подоцна Арсенал можеше да поведе, Микел Мерино имаше одлична можност, но беше непрецизен.

На крајот од првото полувреме најдобрата шанса ја имаше Маркус Таверние, но Раја го одбрани неговиот удар.

Борнмут започна поагресивно во вториот дел, имаше неколку шанси, но ниту Арсенал не беше безопасен. Габриел Мартинел имаше добра шанса по ударот од работ на шеснаесетникот, но овој пат Кепа Аризабалага одлично се снајде во својот гол.

За овој пропуст, казната стигна неполна минута подоцна, во 70. минута Рајан Кристи прерасна во херој на Борнмут кога мирно ја испрати топката во гредата за водство на својот тим.

А потоа седум минути подоцна домашните го решија прашањето околу победникот.Раја направи пенал врз Антоан Семењо судијата го виде тоа и покажа на белата точка.

Џастин Клајверт беше прецизен за 2:0.

Стрелците на головите за Бортнмут Кристи и Клајверт на теренот влегоа во 63.минута.