Спорт
(Видео) Брутална партија на Јокиќ, Гордон херој, Холмгрен трагичар

Кошаркарите на Денвер Нагетс, во спектакуларен натпревар, се вратија по негативата од 14 поени и ги победија Оклахома Сити Тандер со 121:119 во првиот натпревар од полуфиналето на Западната конференција.
Херои на Нагетсите, во победата во Оклахома се Никола Јокиќ и Арон Гордон. Јокиќ одигра брутален натпревар, постигнува 42 поени, со 22 скока и шест асистенции, а Гордон на помалку од три секунди до крајот постигна тројка за победа.
Денвер имаше негатива во речиси целиот натпревар, на полувреме Оклахома водеше со 10 поени, во третиот период предноста измесуваше 82:68, а во последниот период Тандер влегоа со 90:85.
Трагичар на Оклахома е Чет Холмгрен кој ги промаши двете слободни фрлања за при резултат 119:118 на девет и пол секунди до крајот. Потоа следеше напад на Денвер, кој со тројка го заврши Гордон.
AARON GORDON 3 FOR THE WIN!!!@nuggets take Game 1 in a THRILLER 🤯 pic.twitter.com/fxV2ReRPZA
— NBA (@NBA) May 6, 2025
Покрај Јокиќ, најефикасен меѓу победниците беше „меч-винерот“ Гордон. Тој го заврши дуелот со 22 поени (7/15 од поле) и 14 скока, додека Џамал Мареј постигна 21 поен, Расел Вестбрук постигна 18 поени, а Кристијан Браун имаше 11.
Кај Оклахома, најдобар со 33 поени беше Шеј Гилгес-Александар (12/26 од поле, 7/9 пенали). Канадскиот бек имаше и 10 скока и 8 асистенции. Алекс Карузо беше одличен со 20 поени, а Џејлен Вилијамс додаде 16.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Арсенал се договорил со Реал Сосиедад и Зубименди

Фудбалерот на Реал Сосиедад, Мартин Зубименди, речиси сигурно ќе го засили Арсенал. Шпанскиот репрезентативец треба да се појави на лекарските прегледи, дознаваат британските „Би-би-си“ и „Скај Спортс“, а трансферот наскоро ќе биде завршен.
Единствената пречка за официјализирање на новото засилување на „Емирати“ е лекарскиот преглед.
Доколку Зубименди успешно го помине, тој ќе стане првото засилување на Арсенал за следната сезона.
Фудбалерот од средниот ред на Сосиедад има откупна клаузула во износ од 60 милиони евра. „Топџиите“ се договориле со шпанскиот клуб за начинот на кој ќе ги исплаќаат парите, а Зубименди се договорил за личните услови со Арсенал.
26-годишникот игра е централен фудбалер во редот за врска, тој ќе го замени Томас Парти чии договор истече и Арсенал нема да му понуди нов.
Спорт
Аморим пред тимот му порачал на Гарначо: Моли се да најдеш клуб кој ќе сака да те купи

Рубен Аморим го извести Манчестер јунајтед дека ќе остане менаџер и следната сезона и во исто време му порача на Алехандро Гарнача да бара нов клуб.
По поразот од Тотенхем, минатата среда, во финалето на Лига Европа, Португалецот понуди да го напушти клубот бесплатно доколку одборот или навивачите повеќе не веруваат дека тој е вистинскиот човек за тренерската функција.
Сепак, тој постојано повторуваше дека нема намера да поднесе оставка, и покрај тоа што Јунајтед се соочува со најлошиот пласман во Премиер лигата во историјата на клубот.
Според извори блиски до клубот, Аморим ги информирал играчите за своите планови на состанок на тренинг-центарот Карингтон во саботата. Одлуката дека Гарначо нема место во тимот за наредната сезона, Аморим на Аргентинецот му ја соопштил пред целиот тим со овие зборови: „Моли се да најдеш клуб кој ќе сака да те купи.“
Клубот не сакаше да коментира за настаните во соблекувалната, наведувајќи дека ваквите прашања се третираат како интерни.
По финалето во Билбао, Гарначо изрази фрустрација што влегол на теренот дури во 71-та минута, наведувајќи дека ќе види што ќе се случи по летната пауза.
Неговиот брат Роберто исто така го критикуваше ставот на тренерот на Инстаграм, пишувајќи дека Алехандро бил фрлен под автобус, сугерирајќи дека шансата што не ја резлисирал во реваншот од полуфиналето против Атлетик Билбао е причината зошто Мејсон Маунт започнал на негово место против Тотенхем.
Во декември, Гарначо и Рашфорд беа изоставени од составот за дербито на Манчестер, но младиот Аргентинец подоцна ја врати довербата на менаџерот и се врати во почетниот состав.
Во јануари, „Атлетик“ објави дека клубот размислува за продажба на Гарначо и Коби Мејно за да ги исполни финансиските прописи.
Понудата од Наполи беше одбиена, а преодниот рок помина без трансфер. Сепак, испадот на Гарначо откако беше заменет против Ипсвич во февруари го натера Аморим да го казни. Гарначо во знак на каење мораше на целиот тим да му плати вечера.
Спорт
Милевски повика 27 фудбалери за дуелите со Белгија и Казахстан

Извор/ ffm.mk
Селекторот на фудбалската репрезентација на Македонија, Благоја Милевски, го објави списокот на играчи повикани за претстојните квалификациски натпревари за Светското првенство против Белгија на 6. јуни во Скопјe и Казахстан на 9. јуни во Астана.
На списокот на селекторот Благоја Милевски, единствениот дебитант е Стефан Деспотовски од ОФК Белград.
Дефанзивците Дарко Велковски и Никола Серафимов, како и играчот од средниот ред Лирим Чамили, ќе пропуштат два натпревари од квалификациите за Светското првенство поради повреди.
Список на повикани фудбалери: