Спорт
(Видео) Чолито за триумф на Атлетико над Лас Палмас

Фудбалерите на Атлетико Мадрид го победија Лас Палмас во натпреварот од 12. коло на шпанската Ла Лига, а еден од најзабележителните играчи на теренот беше – синот на тренерот на „јорганџиите“.
Натпреварот на стадионот „Метрополитано“ во Мадрид заврши со резултат 2:0 (1:0).
Атлетико апсолутно доминираше од првата до последната минута, но неговите играчи успеаја да постигнат само два гола. Лас Палмас во текот на целиот меч имаше само една опасна закана кон голот на Облак по ударот од далечина на Фабио Силва.
Натпреварот ќе остане запаметен по водечкиот гол, кој го постигна Џулијано Симеоне. Тоа е првиот гол во црвено-белиот дрес на Атлетико на 21-годишниот аргентински напаѓач, најмладиот син на тренерот Диего Симеоне.
Тој одлично реагираше во 37. минута по асистенцијата на сонародникот на Молина и ја затресе мрежата на гостите од Канарските острови.
Дилемите околу конечниот победник ги реши Александер Серлот во 83.минута и сега е најдобар стрелец на тимот со четири гола.
За жал, натпреварот го одбележа и повредата на гостинскиот голман Јаспер Силесен, кој се здоби со повреда на главата по Нахуел Молина, кој го удри со копачка во главата. Холанѓанецот продолжи откако му беше укажана лекарска помош, но по две минути повторно бараше помош и на носилки беше изнесе од теренот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Болоња го потврди пласманот во финалето на Купот

Фудбалерите на Болоња го потврдија пласманот во финалето во Купот на Италија. Откако во првиот натпревар победија со 3:0 и вечерва на домашен терен го совладаа Емполи со резултат 2:1.
За пехарот ќе се борат против Милан.
Домашните поведоа во 7. минута со голот на Џовани Фабијано.
Виктор Коваленко израмни во 33. минута, а Тијс Далинга и донесе победа на Болоња со гол во 86. минута.
Болоња двапати го освои Купот на Италија, последен пат во 1974 година.
Финалето ќе се игра на стадионот „Олимпико“ во Рим на 14 мај.
Спорт
(Видео) Ѓоковиќ ги загуби нервите: Да ти е..м тенисот

Новак Ѓоковиќ целосно ги загуби нервите на официјалниот тренинг во Мадрид.
Додека во главниот град на Шпанија се одржуваа натпреварите од второто коло, Ѓоковиќ одработи официјален тренинг на кој спаринг партнер му беше младиот Французин Артур Фис.
Интересно е што на тренингот се појави и Енди Мареј, кој во последно време не беше присутен на претходните турнири.
Тренингот се пренесуваше во живо на YouTube каналот „Tennis TV“, а на околу половина час пред крајот е снимен момент кој го привлече вниманието на тенискиот свет.
Ѓоковиќ побара крпа по ударот на Мари, очигледно изнервиран од условите на теренот.
Во таа прилика Србинот почна да пцуе.
„Тоа е колапс на системот. Целосен колапс на системот. У пи..у матер, да ти е.ам спортот, да ти е..м тенисот“, рече Ѓоковиќ, додека Мари му подаваше крпа.
Спорт
Ларкин го урна ПАО среде Атина, Фенербахче го декласира Париз

Ефес успеа да направи брејк во Атина, на теренот на европскиот шампион Панатинаикос, додека Фенербахче со убедливата победа над Париз дојде на чекор до пласман на завршниот турнир.
Кошаркарите на Ефес го совладаа Панатинаикос во вториот натпревар од четвртфиналната серија од плејофот во Евролигата со резултат 79:76 и го изедначи резултатот во серијата на 1:1.
Панатинаикос, водеше 39 поени, во текот на натпреварот два пати имае 15 поени предност, во решавачката четврина влезе со предност од 10 поени, но не успеа да победи.
Клучна беше серијата на Ефес од 9:0 која започна на 1:50 до крајот на натпреварот.
Во таа серија се истакна плејмејкерот на Ефес, Шејн Ларкин, кој во последната минута постигна седум поени, вклучувајќи ја и тројката за првото водство на Ефес 76:73.
Панатинаикос имаше напад за продолженија, но Кендрик Нан беше непрецизен.
Ларкин натпреварот го заврши со 20 поени, пет асистенции и три скока, Пи Џеј Дожер постигна 14, а Венсан Поаире забележа дабл-дабл со 16 поени и 10 скока.
Нјефикасен кај ПАО беше Чеди Осман со 16 поени, Нан забележа 14 поени и шест асистенции.
Третиот натпревар се игра во Истанбул на 29. април.
Фенербахче го победи Париз со 89:72. Екипата на Шарунас Јасикевичиус одигра брилијантно прво полувреме во кое постигна 61 поен и стекна преност од 23 поени, која во овој натпревар ниту Ти Џеј Шортс не успеа да достигне.
Најефикасен во победничкиот тим беше Тарик Биберовиќ со 20 поени (4/4 за два), Најџел Хејс-Дејвис постигна 16 поени, а Марко Гудуриќ 13.
На спротивната страна единствен расположен беше Ти Џеј Шорц со 18 поени, Надир Ифи имаше 15 поени (6/17 од поле), а Тајсон Варди 10 поени.
Третиот натпревар е закажан за 29 април во Париз.