Спорт
(Видео) Дабл-дабл и рекорд за Јокиќ, Зубац 100-отстотен против Бруклин

Денвер Нагетс ја победија Јта Џез со 129:93 во натпревар во кој Никола Јокиќ уште еднаш се запиша во историјата на НБА лигата.
Јокиќ одигра три четвртини од натпреварот и постигна 27 поени и 14 скока со шест асистенции, по што тренерот го одмори во последната четвртина.
Тие 27 поени му помогнаа да ја надмине границата од 16.000 поени и сега има 16.011. Со пробивање на таа граница, заедно со неговите претходни 8.000+ скокови и 5.000+ асистенции, Јокиќ стана играч кој најбрзо стигнал до ова остварување во историјата на лигата. .
На Јокиќ му беа потребни 739 натпревари за да го постигне овој подвиг, додека претходниот рекордер Лери Бирд го постигна на 799 меча.
Кај Денвер, Мајкл Портер Џуниор постигна 20 поени, Расел Вестбрук постигна 17 поени со седум асистенции, а Кристијан Браун уфрли 16 поени.
Најдобри играчи за Јута беа Колин Секстон со 20 и Кајл Филиповски со 18 поени и 13 скока.
Лос Анџелес Клиперс победија по десетта победа во последните 12 натпревари, вечерва со убедливи 132:100 на гостински терен над Бруклин Нетс. Ивица Зубац имаше одлична партија, забележувајќи го својот 50-ти дабл-дабл оваа сезона.
Зубац го заврши натпреварот со 21 поен и 12 скока, но одигра само 24 и пол минути и не се појави во последната четвртина. Подвигот го постигна без ниту едно промашување од поле (9/9 за два).
Последниот играч на Клиперс кој забележа 50 дабл-дабл во истата сезона беше Блејк Грифин. Првиот пик на драфтот го направи тоа во својата дебитантска сезона во 2010/2011 година, а тогаш имаше 63 такви настапи.
Леонард ги предводеше стрелците со 31 поен.
Резултати:
Детроит Пистонс – Кливленд Кавалирс 133:122
Торонто Рапторс – Шарлот Хорнетс 108:97
Милвоки Бакс – Њујорк Никс 107:116
Минесота – Феникс Санс 124: 109
Њу Орлеанс Пеликанс – Голден стејт Вориорс 95:111.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.
Спорт
(Видео) Хамилтон: Бескорисен сум

Луис Хамилтон се огласи по борбата за пол-позицијата за Големата награда на Унгарија.
Хамилтон го имаше 11-то најдобро време со 1:15.702 во квалификациите на Хунгароринг. Очекувано не беше задоволен од тоа настапот во квалификациите.
„Јас сум бескорисен, апсолутно бескорисен. Тимот нема проблем, можете да го видите автомобилот на пол-позиција. Веројатно треба да го сменат возачот“, изјави Хамилтон за „Скај Спортс“.
Неговиот колега Шарл Леклер го имаше најдоброто време и ќе стартува од пол-позицијата на трката во недела. Леклер беше најбрз со 1:15.372.
“It’s me every time. I’m just useless. The team has no problem. The second car is on pole, so they probably just need to change driver.”
Distraught Lewis Hamilton after qualifying 💔
— Ferrari News 🐎 (@FanaticsFerrari) August 2, 2025
Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi