Луис Хамилтон претпладнево прв пат седна во болидот на Ферари. Поради правилата на Формула 1, го возеше болидот од 2023 година. За тифозите, кои во огромен број пристигнаа во Фиорано, ова беше повеќе од обичен тренинг.

Седумкратниот светски првак, Луис Хамилтон на 1.јануари официјално стана член на Ферари. Пред два дена Британецот пристигна во базата на Ферари, се запозна со персоналот, фабриката на славниот тим, а имаше можност да вози во симулаторот.

Утрово во Фирано се случи вистински спектакла. Навивачите од 5 часот наутро го чекаат моментот кога Луис Хамилтон за прв пат ќе излезе на патеката со црвениот болид.

Патеката беше опколена од илјадници навивачи кои поставија шатори, закачија црвени знамиња и ја окупираа секоја слободна педа долж патеката.

„Ова е сон на секој навивач на Ферари“, рече еден од тифозите кои со семејството пристигнал од Модена носејќи огромно знаме со логото на Ферари.

Како што излегувањето на Хамилтон се приближуваше, атмосферата на патеката се повеќе се вжештуваше.

Навивачите го скандираа неговото име, а секое појавување на црвениот болид од боксот беше проследено со овации.

„Кога конечно го видовме на патеката, тоа беше момент што ќе го паметиме до крајот на на нашите животи“, изјавија за италијанска „Газета дело Спорт“, група навивачи од Велика Британија, кои пристигнаа специјално за настанот.

„Никогаш не сум видел такво лудило“, призна еден од работниците на патеката, додавајќи дека Фиорано одамна не доживеал вакво нешто.

Многумина ја следеа секоја реакција на социјалните мрежи на своите мобилни телефони, каде се споделуваа снимки во живо и фотографии од моментот кога Хамилтон излегува од боксот.

Lewis out on track in a Ferrari 🔥 pic.twitter.com/sIMRLLZBSE

— Lewis Hamilton our champion (@lhourchampion) January 22, 2025

Вториот ден од претпоследното коло во реформираната ЛШ носи неколку потенцијално атрактивни дуели, но фокусот на јавноста ќе биде ставен на пресметката помеѓу Пари Сен Жермен и Манчестер Сити во Париз.

Поради големината на двата клуба, нивните буџети, амбициите… и пред се лошите резултати сезонава во ЛШ, постои реална шанса некој од овие тимови да не избори пласман во втората фаза.

ПСЖ по шест рунди се надвор од плејоф зоната. Тимот на Луис Енрике е 26. на табелата. За ПСЖ победата е императив, евентуален пораз сигурно ќе ги елиминира од ЛШ.

Подобро рангирани се „граѓаните“, на табелата се на 24.место, но Пеп Гвардиола и неговиот тим не се сигурни за место во втората фаза.

ЛШ, 7.коло:

Лајпциг – Спортинг 18.45
Шахтјор – Брест 18.45
ПСЖ – Манчестер Сити 21.00
Милан – Џирона 21.00 часот
Реал Мадрид – Салцбург 21.00
Арсенал – Динамо 21.00
Селтик – Јанг Бојс 21.00
Спарта – Интер 21.00
Феенорд – Баерн 21.00

Челниците на Борусија Дортмунд му врачија отказ на тренерот Нури Шахин по поразот од Болоња со 2:1 во Лигата на шампионите. Болоња во претпоследното коло ја забележа првата победа во елитното натпреварување, додека Борусија ја продолжи лошата серија. „Милионерите“ немаат победа во 2025 година, во серија се од четири несупеси.

„Сакавме Нури да биде долгорочно решение. Сепак, по четири последователни порази во сите натпреварувања, бевме принудени на овој чекор. Ќе мораме да бараме некој друг кој ќе ни помогне да ги постигнеме нашите цели“, изјави спортскиот директор Ларс Рикен.

Се уште не се знае кој ќе ја предводи Борусија Дортмунд на натпреварот против Вердер Бремен овој викенд во Бундеслигата.

Борусија има биланс од четири победи и три порази во Лигата на шампионите и речиси сигурно ќе игра во плејофот за пласман во осминафиналето.

Поголем проблем може да биде Бундеслигата каде Борусија е на десеттото место со седум победи, четири нерешени и четири порази. Заостануваат 20 бода зад лидерот Баерн.