Спорт
(Видео) Денвер без Јокиќ и Мареј го победи Голден Стејт, Дончиќ и Ривс за триумф на Лејкерс над СА

Кошаркарите на Денвер на гостински терен во Сан Франциско, без двајцата најдобри играчи Никола Јокиќ и Џамал Мареј, го совладаа Голден Стејт со 114:105. За Вориорс ова беше прв пораз по серијата од седум победи. Во исто време ЛА Лејкерс славеа во дуелот со Сан Антонио 125:109.
Најефикасен кај Денвер беше Арон Гордон со сезонски рекорд од 38 поени. Мајкл Портер Јуниор додаде 21 поен и 10 скока, Пејтон Вотсон имаше 13 поени и четири блокади, додека Расел Вестбрук забележа трипл-дабл со 12 поени, 16 асистенции и 12 скока.
Српскиот интернационалец Никола Јокиќ го пропушти натпреварот со повреда на лактот, додека вториот најдобра стрелец на Данвер, Мареј мечот го пропушти поради повреда на скочниот зглоб.
Џими Батлер беше најефикасен кај Голден Стејт со 23 поени, осум скока и шест асистенции. Стивен Кари додаде 20 поени и седум асистенции, додека Гери Пејтон постигна 18 поени. Дрејмонд Грин забележа 10 поени, шест скока, пет асистенции, пет блокади и три украдени топки.
Денвер е трет во западната конференција со 44 победи и 25 порази, додека Голден Стејт е шести со скор 39/29.
Лос Анџелес Лејкерс, предводени Остин Ривс (30 поени), го совладаа Сан Антонио со 125:109.
Лука Дончиќ натпреварот го заврши со 21 поен, 14 асистенции и девет скокови. Словенецот повторно лошо шутираше од поле, погоди само пет од 20 обиди. Дончиќ половина од поените постигна од линијата за слобидни фрлања (10/130.
Најефикасен кај Спарс беше рукито Стефон касл со 23 поени. Сан Антонио до крајот на сезоната е беа Виктор Вембањама и Диерон Фокс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ испратил понуда до Ван Дајк

Пари Сен Жермен трагна по потписот на капитенот на ливерпул, Вирџил ван Дајк.
Според француските медиуми, спортскиот дирекотр на ПСЖ започнал прелиминарни преговори со Холанѓанецот, што само долеа масло на огнот на видеото кое се појави по натпреварот помеѓу Ливерпул и ПСЖ.
Имено, по осминафиналниот реванш во Лигата на шампионите се појави видео на кое Ван Дајк комуницира со првиот човек на ПСЖ, Насер Ал-Келаифи и спортскиот директор Кампос.
Последните информации говорат дека ПСЖ на Ван Дајк му нуди двегодишен договор вреден 40 милиони евра (20 милиони годишно), со опција за продолжување на уште една сезона и со потенцијални бонуси и заработка од дури 50 милиони до 2027 година.
Навивачите на Ливерпул се загрижени бидејќи клубот се уште не направил конкретни потези во преговорите и знаат дека клубот не може да и парира на оваа понуда.
По елиминацијата од ПСЖ, Ван Дајк изјави дека тимот од Париз е „најтешкиот противник и најдобриот тим против кој Ливерпул играл во последните четири години“.
Спорт
Франција без Турам против Хрватска

Францускиот напаѓач Маркус Турам (27) поради повреда нема да настапи на двата меча против Хрватска во четвртфиналето на Лигата на нации. Турам, во понеделникот се појавил во Националниот фудбалски центар во Клерфонтен.
Напаѓачот на Интер бил прегледан од докторот Франк Ле Гал пред да биде подложен на дополнителни тестови.
„Тој имаше болки во левиот скочен зглоб, поради што нема да може да учествува на натпреварите закажани за четврток на 20 март во Сплит и в недела на 23 март на „Стад де Франс“ против Хрватска. Дидие Дешам му дозволи да се врати во Милано. Селекторот продолжува да работи со преостанатите 23 играчи“, соопштија од Фудбалската федерација на Франција.
Турам (29 настапи, 2 гола) одигра неколку натпревари под инјекции оваа сезона. Тој постигна два гола против Феенорд во Лигата на шампионите пред да биде заменет по 60 минути игра. Во неделата во Бергамо тој го одигра целиот натпревар против Аталанта при победата на Интер од 2:0, но не постигна гол.
Дешам сега остана со Бредли Баркола (ПСЖ), Усман Дембеле (ПСЖ), Дезире Дуе (ПСЖ), Рандал Коло Муани (Јувентус), Килијан Мбапе (Реал Мадрид) и Мајкл Олисе (Баерн) како напаѓачи.
Турам одигра 38 натпревари оваа сезона, постигна 16 голови во сите натпреварувања.
Спорт
И на Милан му е преку глава од петтиот најскап играч во историјата на фудбалот

Жоао Феликс (25), петтиот најскап фудбалер во историјата се соочува со нови проблеми во кариерата. Фабрицио Романо пишува дека Милан нема намера да го откупи од Челзи на крајот од оваа сезона. Тоа значи дека офанзивниот играч за врска летово ќе се врати во Лондон. Милан плати 5,5 милиони евра за неговата позајмица, а тој има девет настапи, на кои забележа гол и асистенција за Милан откако дојде во клубот.
Феликс ја започна својата кариера во младинскиот систем на Порто, но брзо се пресели во Бенфика, каде што стана еден од најдобрите млади играчи во Европа. Во 2019 година, тој се пресели во Атлетико Мадрид за клупски рекорд од сума од околу 127 милиони евра. Таа година ја доби наградата „Голден бој“ за најдобар млад играч во светот.
Неговата кариера во Атлетико не беше успешна како што се очекуваше. По сезоната 2020/21, во која заедно со Луис Суарез беше еден од клучните играчи за освојување на титулата во Ла Лига, неговите перформанси почнаа да опаѓаат.
Во јануари 2023 година, тој беше испратен на позајмица во Челзи, каде што дебитираше со црвен картон во поразот од Фулам.
Откако не успеа да се наметне во Челзи, Феликс се пресели во Барселона, кај Чави играше но најчесто како резерва, постигна неколку гола, вклучително и два против поранешниот клуб Атлетико. Тие голови бурно ги прослави и го навлече гневот на навивачите, кои јасно му порачаа на клубот дека не сакаат повеќе да го видат Португалецот на „Метрополитано“.
Некаде во финишот на преодниот рок, минатото лето, откако му истече позајмицата во Барселона, Атлетико успеа да го продаде во Челзи за околу 55 милиони евра.
Во јануари 2025 година, Феликс беше испратен на позајмица во Милан, каде што го имаше своето деби со гол во Купот на Италија против Рома. Феликс има 45 настапи за португалската репрезентација и има постигнато девет гола.
Сега неговата кариера е во криза и ќе мора да бара нов клуб. Додека беше во Атлетико, најчесто се пуишуваше за неговите несогласувања со тренерот Диего Симеоне. Најчесто дека Феликс не сака да игра одбрана, но не успе ада се наметне и кај други тренери, Чеви во Барселона, Маурисио Покетино и Енцо Мареска во Челси и сега кај Серж Консеисао во Милан.