Спорт
(Видео) Денвер лесно со Лејкерси, Њујорк ја доби драмата со Филаделфија
Кошаркарите на Денвер Нагетс и Њујорк Никс забележаа победи во првите натпревари, во плејофот, против ЛА Лејкерси и Филадлефија Сиксерс.
Актуелните шампиони, Денвер славеа во дуелот со Лејкерси 114:113. Избраниците на Мајкл Мелоун одиграа многу добар натпревар на стартот од серијата, а особено добри беа во второто полувреме кое го добија со 57:43.
Никола Јокиќ брилјираше, натпреварот го заврши со 32 поени, 12 скока, седум асистенции и без загубена топки.
Јокиќ во свој ритам го започна походот кон нова шампионска титула, а во тоа му помогнаа соиграчите, Џамал Мареј со 22 поени, Портер додаде 19, а Гордон и Колдвел-Поуп 12 поени.
Кај поразениот тим Дејвис постигна 32 поени, а Џејмс 27. Потфрли ДиАнџело Расел кој шутираше 6/20 од поле, 1/9 за три поени.
Њујорк Никс славеа во дуелот со Филаделфија 111:104.
Во култниот „Медисон Сквер Гарден“ одекнуваа извици „МВП, МВП“, тие не беа упатени до актуелниот МВП на лигата, Џоел Ембиид, туку за Џејлен Бренсон, кој го предводеше својот тим до победата со 22 поени.
Исто толку поени, заедно со неколку клучни тројки во последниот дел, постигна и Џош Харт, но овојпат славата отиде кај резервистот Дис Мекбрајд.
Ова момче го заврши натпреварот со 21 поен, реализираше четири тројки.
Филаделфија ја предводеше Џоел Ембид со 29 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Лејкерси го отпуштија тренерот
Лос Анџелес Лејкерс му врачија отказ на тренерот Дарвин Хем. Отказот е последица на елиминацијата, во првата плеј-оф рунда од актуелните шампиони Денвер Нагетс.
За две сезони на кормилото на Лејкерс, Хем забележа 90 победи и 74 порази, минатата сезона стигна до конференциското финале и беше елиминиран од Денвер со 4:0, исто му се случи и оваа сезона, разликата беше само што Лејкерс успеаја да добијат еден натпревар.
Исто така Лејкерси со Хем го освоија турнирот кој се одржува во текот на сезоната во НБА.
Претходно Хем беше асистент во Милвоки Бакс, Атланта Хокс и ЛА Лејкерс.
Спорт
На тренерот на Будуќност му се заканиле со киднапирање на ќерката: Ќе ја фрлиме во река
Црногорскиот фудбал долго време се наоѓа при дното во Европа, но ова што се случува во изминатите два месеци нема никаква врска со фудбалот.
Во црногорскиот фудбал во последно време имаше многу скандали, дивеењето на навивачите на Сутјеска во Тиват, тепачката меѓу играчите по завршувањето на натпреварот меѓу Бокељ и Ком, потоа тепачката меѓу челниците на клубовите Арсенал и Морнар во Тиват, инцидентото што го предизвика голманот на Будуќност, Ѓорѓија Пваличиќ кога нокаутираше соиграч…
Тренерот на Будуќност, Иван Брновиќ поднесе кривична пријава против непознато лице, бидејќи добил информација дека неговата ќерка е киднапирана и дека ќе биде фрлена во река доколку не плати 20.000 евра.
Се испоставило дека неговото 13-годишно дете е безбедно, но заканата била сфатена сериозно, но без сомнение Брновиќ и целото семејство се во во страв.
Заканите биле испратени по тренингот, кога тренерот требало да има средба со навивачката група на клубот, наречена „Варвари“, но таа била откажана поради грозоморните закани.
Спорт
Куртоа се враќа, но нема да брани во Лигата на шампионите
Првиот голман на Реал Мадрид, Белгиецот Тибо Куртоа би требало да се врати во првиот тим по тешката повреда на коленото, изјави на прес-конференција тренерот на Реал, Карло Анчелоти.
Реал игра против Кадиз во шпанската лига и тоа треба да биде првиот натпревар на Куртоа за „кралскиот клуб“ оваа сезона.
Анчелоти изјави дека Куртоа нема да брани во Лигата на шампионите.
Андриј Лунин е првиот избор на тренрот во среда, кога Реал во Мадрид ќе го одигра полуфиналниот реванш против Баерн.
Украинецот беше одличен за Реал во елитното европско натпреварување и Анчелоти не сака да го користи Куртоа кој штотуку се врати по тешката повреда.
На прашањето кој ќе брани доколку Реал влезе во финалето на Лигата на шампионите, Анчелоти одговори: „Не знам“.