Спорт
(Видео) Депај погоди со помош на Димитриевски, Атлетико го победи Рајо Ваљекано
Фудбалерите на Атлетико Мадрид и Барселона забележаа тешки победи во заостанатите натпревари во шпанската Примера. Атлетико го победи Рајо Ваљекано со 2:1, а Барселона со 1:0 славеше против Осасуна.
Тренерот на Атлетико, Диего Симеоне, поради густиот распоред во кој се наоѓа неговиот тим, реши да го почне натпреварот со комбиниран состав и за малку тоа можеше скапо да го плати.
„Јорганџиите“ дојдоа до предност со голот на Мандава во 35.минута, а Рајо изедначи од првата добра акција на мечот преку Кике Перез во 42.минута.
Прирезултат 0:0, поради офсајд беше поништен голот на Анхел Кореа.
Во вториот дел, Симеоне во игра ги стави Гризман, Коке, Де Пол, Лино и Молина, но Атлетико никако не успеваше да го пробие бедемот пред голот на Столе Димитриевски.
Постигна Депај гол во 80.минута, но тој беше поништен поради милиметарски офсајд.
До победата домашните дојдоа во 91.минута. Гризман доби воздушен дуел со Чеверија, играчите на Рајо бара фаул, фрнацускиот репрезентативец испрати топка по земја на која меѓу двајца противнички играчи налета Депај и со помош на Димитриевски постигна гол.
Барселона повторно се мачеше, не блескаше, но како и во Суперкупот забележа минимална победа над Осасуна. Единствениот гол, прв за него во дресот на Барселона го постигна Витор Роке во 63.минута.
18-годишниот Бразилец во игра влезе 65 секунди пред постигнувањето на голот.
Атлететико и Барселона имаат по 47 поени, осум помалку од лидерот Џирона.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Челси заинтересиран за Јан Облак
Челзи е заинтересиран за Јан Облак, голманот на Атлетико Мадрид и репрезентацијата на Словенија, пренесуваат шпанските медиуми.
Облак (31) е член на Атлетико од 2014 година, а има договор со „јорганџиите“ до 30 јуни 2028 година.
Шпанските медиуми пренесуваат дека Атлетико би можел да го продаде словенечкиот репрезентативец во летниот преоден рок за да обезбеди пари за трансфери на нови играчи.
„Трансфермаркт“ истакнува дека Облак вреди околу 30 милиони евра. Словенецот бранел за Атлетико на 442 официјални натпревари. За репрезентацијата на Словенија, со која ќе настапи на ЕУРО 2024 иа одиграно 64 натпревари.
Шпанските медиуми истакнуваат дека Челзи е во потрага по нов голман, иако лондонскиот клуб ги има на располагање Ѓорѓе Петровиќ, Роберто Санчез и Маркус Бетинели, како и Капа Аризабалага, кој моментално е на позајмица во Реал.
Спорт
Шампионската титула на Реал ќе му биде врачена зад затворени врати
Фудбалскиот сојуз на Шпанија не го прифати барањето на реал Мадрид, 36.шампионска титула да им биде врачена по натпреварот со Алавес на 14.мај.
Реал, во саботата, математички ја обезбеди шампионската титула во Шпанија. Планот на Фудбалскиот сојуз на Шпанија беше трофејот на „кралскиот клуб“ да му биде врачен во сабота во Гранада.
Овој предлог Реал го одби од почит кон противникот. Одбија да слават на теренот на тимот кој испаѓа од Примера.
Поради тоа Флорентино Перез побара титулата на играчите да им биде врачена на 14.мај кога на „Сантијаго Бернабеу“ ќе гостува Алавес. Овој предлог Фудбалскиот сојуз на Шпанија го одби и најави дека трофејот ќе биде врачен во 12 мај наутро во тренинг центарот на Реал во Валдебебас, зад затворени врати.
Федерацијата го извести Реал Мадрид да ги извести играчите дека треба да бидат во Валдебебас во недела наутро, бидејќи планот е церемонијата да се во 9:30 часот, а на доделувањето на трофејот нема да присуствуваат навивачите.
Трофејот ќе го врачи претседателот на шпанската фудбалска федерација Педро Роча.
Спорт
(Видео) Ова е совршено изведен пенал
Многумина тврдат дека ова е најдобро изведениот пенал во историјата на фудбалот.
Често велат дека пеналите се лотарија и не постои перфектно изведен пенал. Сепак, за шутирање од белата точка е потребен и тренинг, а не само талент. И ако ги комбинирате двете, тој пенал навистина може да биде совршен.
Во шпанската Сегунда на четири кола пред крајот се води голема борба за пласман во Ла Лига. Во моментов водат Леганес и Ваљадолид со по 67 бодови, а зад нив е Еибар со 64 бодови.
Токму Еибар, викендов славеше со убедливи 5:0 против Аморебиета, а мечот го одбележа пеналот на Агер Акече.
Otro ángulo del gol de Aketxe. #SDEibar pic.twitter.com/n40j2V88t5
— El Milagro de Valencia (@EibarXtra) May 6, 2024