Антоан Семењо (25), крилниот напаѓач на Борнмут и репрезентацијата на Гана, се договорил со Манчестер Сити. Семењо беше голема желба на Ливерпул, Манчестер Јунајтед и Тотенхем. Сите тие преговараа со играчот, но Семењо го избра Сити.

Фабрицио Романо вчера објави дека има голем напредок во преговорите меѓу Борнмут и Сити и дека двете страни ги договориле финансиските услови.

„Работата е речиси завршена, остануваат само последните чекори. Реализацијата на трансферот се очекува наскоро“, додава Романо.

Сити ќе плати 75 милиони евра за крилниот напаѓач. Тоа е износот на откупната клаузула во неговиот договор со Борнмут, која важи од 1 до 10 јануари. Борнмут сакаше да го задржи Семењо на позајмица до крајот на сезоната, но брзо сфати дека тоа не е можно.

Сепак, тие би сакале да го задржат својот најдобар играч барем за следните два натпревари, против Арсенал на 3 јануари и против Тотенхем на 7 јануари.

На овој начин би го користеле во два важни натпревари, но и би го ослободиле пред истекот на клаузулата. Сити, од друга страна, сака Семенио да му биде на располагање на Гвардиола уште на 4 јануари и натпреварот против Челзи.

Foto/ depositphotos

Бурно беше на „Емирати“, по победата на Арсенал над Астон Вила. Лидерот победи со 4:1, ја прекина серијата на Вила од 11 победи во сите натпреварувања.

Првиот гол, во 48-та минута, го одреди текот на натрпреварот. Сега веќе заштитиниот знак на Арсенал, играта од прекин, повторно донесе резултат. Погоди Габриел, гостите бараа прекршок врз голманот Емилијано Мартинез, но за сите останати Аргентинецот направи кикс, ја испушти топката.

Инаку, Мартинез дојде во Вила токму од Арсенал, чии навивачи едвај чекаа да го провоцираат по неуспех на „Емирати“.

Тие го навредуваа додека го напушташе теренот, а инаку темпераментниот Аргентинец дури сакаше да се соочи со нив, но беше спречен поголем инцидент.

Hubo insultos de los hinchas de Arsenal para Emiliano Martínez cuando se retiraba a los vestuarios tras la derrota del Aston Villa. pic.twitter.com/WAzEYTK1MB

— Futbol de Inglaterra (@Mercado_Ingles) December 31, 2025

Медиумите истакнуваат дека Унаи Емери веднаш замина во соблекувалната, не се ракуваше со колегата Микел Артета.

„Едноставно е. Мојата рутина е секогаш иста и брза. Се ракувам, а потоа веднаш одам со играчите и тренерскиот штаб во соблекувалната. Чекав. Тој (Артета) славеше со своите помошници. Решив да влезам внатре. Нема проблем. Не можам да чекам засекогаш. Беше ладно“, изјави Емери за „Скај Спорт“.

Mikel Arteta was wondering where Unai Emery was. pic.twitter.com/Hb87o8ktXx

— The Nomad Post. (@the_nomad_post) December 30, 2025

Foto/ depositphotos

Фудбалерите на Арсенал, во дербито на 19-то коло ја победија Астон Вила со 4:1. „Топџиите“ ја прекинаа неверојатната серија на Астон Вила, од 11 победи во сите натпреварувања, осум од ив забелеани во Премиер лигата. Во истиот термин, Манчестер Јунајтед уште еднаш ги разочара своите навивачи, откако одиграа 1:1 со најлошиот тим во лигата, Вулверхемптон.

Арсенал продолжува да доминира во Премиер лигата и суверено ја држи првата позиција во најсилната фудбалска лига во светот со 14 победи во 19 натпревари и 45 освоени бода.

Последниот триумф, петти во последните шест натпревари, дојде во вторник вечерта против Астон Вила.

Астон Вила е еден од најдобрите англиски тимови оваа сезона, одигра егал со лидерот во првите 45 минути, период во кој двата тима имаа по една опасна шанса за гол.

Во второто, ситуацијата на теренот драстично се смени. Во 48-та минута од натпреварот, Габриел го постигна првиот гол и Арсенал поведе со 1:0, само четири минути подоцна Зубименди го зголеми резултатот на 2:0.

Во 69-та минута, Лео Тросар постигна гол за убедливи 3:0, а во 78-та минута, Жесус, на асистенција на Тросар, ја погоди мрежата на Вила за „покер“ на Арсенал и водство од 4:0,.

Оли Воткинс се погрижи за конечните 4:1 во 94-таа минута.

Во исто време, играчите на Манчестер Јунајтед, одиграа нерешено со Вулверхемптон, 1:1.

Јунајтед играше на „Олд Трафорд“ со најлошиот тим во Премиер лигата и не успеа да победи, поради што играчите беа со свирежи испратени во соблекувалната.

Џошуа Зиркзе постигна гол за водство на Манчестер Јунајтед од 1-0 во 27-та минута, а Вулверхемптон освои бод (трет за нив од почетокот на сезоната) откако Ладислав Крејчи израмни во 45-та минута.

Foto/ depositphotos