Ракометната репрезентација на Данска четврти пат по ред стана светски шампион. Данска, во финалето во Осло, убедливо ја совлада Хрватска со 32:26 (16:12)

Ракометарите на Данска ја оправдаа улогата на фаворити во дуелот за златниот медал.

Селекторот Николај Јакобсен, кој ја предводи Данска од 2017 година, ја предводеше својата земја до четвртата последователна светска титула. Таа серија започна во 2019 година со убедливата победа над Норвежаните (31:22) на домашен терен во Хернинг. Славеа во Египет (финале против Шведска – 26:24) две години подоцна, а хет-трикот беше комплетиран во Стокхолм против Французите (34:29).

Скандинавците го диктираа темпото уште од стартот. Хрватска во првите 10 минути постигна само еден гол. Данска оствари предност од трии гола и таа предност лесно ја одржуваше во првиот дел.

Во вториот дел Данците влегоа фуриозно, а практично го решија мечот во 42.минута кога дојдоа до двоцифрена разлика (24:14).

Без сомнение, играч на натпреварот е 24-годишниот Матијас Гидсел. Десниот бек на Фуксе Берлин имаше импресивни учинок 10 гола од 11 удари, како и четири асистенции и една украдена топка. Извонреден на голот беше и Емил Нилсен со 14 интервенции.

Избраниците на исландскиот стручњак Дагур Сигурдсон беа комплетни аутсајдери во ова финале и не го повторија подвигот од Португалија во 2003 година.

Финалниот меч беше последен за Домагој Дувњак и Игор Карачиќ во дресот на Хрватска. Дувњак е рекордер според бројот на постигнати голови и одиграни натпревари во националниот тим.

Арсенал полесно од очекувањата го доби дербито против Манчестер сити. Арсенал го декласира актуелниот првак со 5:1 и ја продолжи трката со Ливерпул за трофејот оваа сезона.

Иако гостите успеаја да израмнат во 55. минута, до крајот Арсенал до врв ја наполни мрежата на Ортега.

Арсенал поведе по неполни две минути, по голем кикс во одбраната на Манчестер сити, Аканџи реагираше катастрофално, високиот пресинг на домашните вроди со плод, Рајс го проигра Хаверц, кој можеше да шутира, но му асистираше на Одегард.

„Граѓаните“ можеа да израмнат по првиот корнер во 23. минута, Мармуш нафрли одлично, Гвардиол се обиде со глава, но Раја го одбрани, а топката потоа се одби од гредата во шеснаесетникот.

Во 44. минута Раја уште еднаш беше на висина на задачата, по лошата интервенција на одбраната на Арсенал, шутираше Савињо, но шпанскиот голман уште еднаш беше сигурен.

Сепак, она што не им успеа во првото полувреме, гостите го направија на стартот од вториот дел, поточно во 55. минута. Савињо нафрли од десната страна, Холанд беше највисок во скокот и со прецизен удар со глава успеа да ја испрати топката во мрежата на Арсенал.

Тоа само како да ги налути „Топџиите“, кои брзо израмнија. Повторно причина за се беше киксот на играч на Манчестер Сити, овој пат на Фоден, по што Парте шутираше од 18 метри, топката се одби од Стоунс и го измами Ортега.

Во 62. минута Арсенал дојде до предност од два гола, Луис Кели ја прими топката во противничкиот шеснаесетник и стрелаше прецизно во спротивниот агол. 18-годишникот го постигна првиот гол во Премиер лигата.

Прашањето на победникот дефинитивно беше решено во 76. минута, Арсенал го постигна четвртиот гол по фантастичен контранапад, Мартинели несебично го пригра Хаверц, кој најде простор да шутира и од десетина метри го совлада Ортега.

Во судиското надополнување, уште еден тинејџер се запиша во листата на стрелците, по одличното додавање на Деклан Рајс, 17-годишниот Нванери лесно ја погоди противничката мрежа за да стави крај на агонијата на Сити за голема радост на домашните навивачи.

Во Премиер лигата, во терминот од 15 часот се одиграа два натпревари. Победија гостите со идентични 2:0.

Манчестер јунајтед ја прекина серијата од три победи (две во Лига Европа и една во Премиер лигата) на домашен терен против Кристал Палас. „Црвените ѓаволи“ го забележаа 11.пораз во Премиер лигата.

Победата на Кристал Палас му ја обезбеди Матета со головите во 64. и 89.минута.

Тотенхем во малото градскот дерби победи кај Брентфорд. Ова е прва победа за Тотенхем во Премиер лигата од почетокот на годината.

Авто гол си постигна Јанелт во првиот дел, а точка на мечот стави Сар во 87.минута.