Спорт
(Видео) Џокерот на Мартинез спречи изненадување во Лајпциг – Португалија ја победи Чешка

Во последниот натпревар од првото коло од групната фаза на ЕУРО 2024, Португалија ја совлада Чешка со 2:1. Португалците до победата дојдоа со голот на Консеисао во 92.минита. Консеисао така гстана херојот на Португалија, а апосолутен трагичар е дефанзовецот на Чешка, Хранач.
Од самиот старт Португалеците ја зедоа топката и го контролираа натпреварот. Главно имаа околу 70% од поседот, но иако ја пропуштија целосната иницијатива на избраниците на Роберто Мартинез, Чесите компактно се бранеа и навремено се појавуваа пред пртугалскиот гол.
Португалија во првиот дел имаше две сериозни шанси. Кристијано Роналдо ги имаше и двете кога излезе очи в очи со голманот Станек. И двата пати голманот на Чешка излезе како победник, па полувремето заврши без голови.
Португалците продолжија да го диктираат темпото и во вториот дел, но Чесите покажуваа поголеми амбиции во нападот.
Во 62. минута го упатија првиот удар во рамката од голот. Брилијантен гол постигна Провод, кој ја погоди малата мрежа и голманот Коста не можеше да направи ништо.
Португалците експресно изедначија, седум минути по примениот гол, по уште еднадна долга акција, многу допири на топката, Мендеш ја врати топката пред голот, одличниот голман Станек ја одби, но за негова несреќа таа од ногата на Хранач влезе во голот.
Португалија постигна гол во 88. минута, кој беше поништен поради офсајд во кој се најде Роналдо на почетокот на нацијата.
Сепак, наградата за вложениот труд и доминацијата во поголемиот дел од натпреварот дојде во судиското продолжение. Во втората минута од судиското надополнување гол постигнува Флавио Консеиао, кој една минута претходно влезе на теренот. На голот му претходеше лошата интервенција на трагичарот Хранач.
Во следното коло дербито од групата се игра меѓу Португалија и Турција, а тој натпревар е закажан за в сабота. Истиот ден се среќаваат Чешка и Грузија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Евертон плати 40 милиони евра за Диблинг

Поранешниот фудбалер на Саутемптон, 19-годишниот Тајлер Диблинг, ќе ја продолжи кариерата во синиот дрес на Евертон.
Клубот од Ливерпул потпиша четиригодишен договор со талентираниот фудбалер, а „Светците“ ќе добијат 35 милиони фунти (околу 40,5 милиони евра) како обештетување, евентуално уште пет милиони во бонуси, што е вкупно 40 милиони фунти (околу 46 милиони евра).
Диблинг дебитираше за Саутемптон кога имаше само 17 години, а во Евертон ќе го носи дресот со број 20.
Диблинг е осмото засилување за тимот на Дејвид Мојес ова лето.
Пред него пристигнаа Џек Грилиш (позајмен од Манчестер сити), Карлос Алкараз (Фламенго), Тиерно Бери (Виљареал), Марк Траверс (Борнмут), Адам Азну (Баерн), Кирнан Дјусбери-Хол (Челзи) и Том Кинг (Вулверхемптон).
Во второто коло од Премиер лигата, Евертон за прв пат играше на новиот стадион „Хил Дикинсон“ и го победи Брајтон со 2:0.
Foto/ Everton FC
Спорт
16-годишно момче во 100-тата минута му донесе победа на Ливерпул – Кој е Рио Енгумоу?

Неверојатно драматичен натпревар на „Сент Џејмс Парк“, синоќа одиграа Њукасл и Ливерпул. „Црвените славеа со 3:2, во последниот натпревар од второто коло на Премиер лигата.
Со играч помалку и два гола негатива, Њукасл успеа да израмни во 88-та минута и реално, според сè што се случуваше на теренот, домашните не само што заслужија бод, тие заслужија да победат.
И кога изедначија, и покрај тоа што беа со играч помалку, тие напаѓаа за победа. На крајот едно невнимание и лошата поставка во одбраната, го искористи тинејџерот на Ливерпул, Рио Енгумоу.
Тој влезе во игра во шестата минута од судиското продолжение наместо Коди Гакпо и во 100-та минута му донесе победа на Ливерпул.
Тој стана најмладиот стрелец во историјата на клубот. И тоа на своето деби во Премиер лигата.
Рио Енгумоу има 16 години (за неколку дена, на 28 август, ќе го прослави својот 17-ти роденден).
Станува збор за поранешен ученик на Академијата на Челзи и младински репрезентативец на Англија по потекло од Нигерија. Англиските медиуми велат дека не можат да си простат на „Стемфорд Бриџ“ што дозволиле таков талент да го напушти клубот. Тој дојде во Ливерпул минатото лето, играше во младинската Лига на шампиони, но Арне Слот брзо го префрли да тренира со првиот тим.
Дебитираше за првиот тим на Ливерпул на 11 јануари 2025 година и стана најмладиот стартер во историјата на клубот во победата од 4:0 против Акрингтон Стенли во ФА Купот. Имаше точно 16 години и 135 дена.
Значи, за неколку дена ќе наполни само 17 години, а веќе покажува неверојатен талент и спортска дрскост. Англиските медиуми ја објавија неговата самоуверена изјава пред неколку месеци:
„Навистина верувам дека еден ден можам да ја освојам Златната топка. Сакам да станам фудбалска легенда и еден од најдобрите играчи на сите времиња“, рече Рио Енгумоа.
A star is born 🌟
Rio Ngumoha's dramatic winner for Liverpool made the wonderkid the fourth youngest goalscorer in Premier League history pic.twitter.com/MXJ4ZyVq8T
— Transfermarkt.co.uk (@TMuk_news) August 25, 2025
Спорт
Легендарниот Џејми Варди се сели во Серија А

Фудбалскиот клуб Кремонезе, по пауза од три години се врати во Серија А. Новата сезона во елитното друштво на италијанскиот фудбал, Кремонесе ја започна со сензационална победа на „Сан Сиро“ против Милан (1:2).
И покрај тоа што сезоната започна Кремонезе планира да донесе уште неколку играчи до крајот на преодниот рок. Кремонезе започна преговори со легендарниот напаѓач на Лестер, Џејми Варди (38), кој е слободен откако го напушти англискиот клуб, пишува „Скај Спорт Италија“.
Иако го прослави својот 38-ми роденден во јануари, Варди верува дека сè уште може да игра на највисоко ниво.
Тој стана достапен на пазарот откако му истече договорот со Лестер, клубот каде што помина 13 години и со кој, под водство на тренерот Клаудио Раниери, сензационално ја освои титулата во Премиер лигата во 2016 година.
Искуството од работата со италијанскиот стручњак би можело да го охрабри да се испроба во Серија А, што е она на што се надеваат во новиот италијански прволигаш.
Добро познатиот експерт за трансфери Џанлука Ди Марцио потврди дека преговорите се во тек и дека Кремонезе вложува големи напори да го убеди англискиот напаѓач дека доаѓањето во Италија е вистинскиот чекор за продолжување на кариерата.
Варди не е единственото големо име поврзано со клубот. Кремонезе наводно е блиску до договор за позајмица со право да го купи камерунскиот напаѓач Фарис Мумбања (25) од Олимпик Марсеј.