Спорт
(Видео) Џон Дуран не можеше да одбие пет пати поголема плата
Колумбискиот напаѓач Џон Дуран, поранешен играч на Астон Вила, е новото засилување на Ал Наср, објави саудискиот клуб чии дрес го носат големите ѕвезди Кристијано Роналдо и Садио Мане.
Новиот напаѓач на тимот од Ријад на грбот ќе ја носи „деветката“.
Дуран во Астон Вила пристигна од Чикаго Фајр за 18 милиони фунти (околу 21,5 милиони евра) во јануари 2023 година.
Оваа сезона, 21-годишниот фудбалер постигна 12 гола на 29 натпревари за Вила. На вкупно 78 натпревари постигна 20 гола, од кои само седум ги започна како стартер.
Клубот од Ријад, престолнината на Саудиска Арабија не штедеше за обештетувањето, на Астон Вила и плати 65 милиони фунти или околу 77.731.200 евра. Дуран во новито клуб ќе добива пет пати поголема плата.
Годишно во Вила заработваше 3,9 милиони евра, а во Ал Насар неговата плата ќе изнесува 20 милиони евра.
A number that carries history and glory at AlNassr 🌟
The iconic No. 9 is back! 🔥#DuránIsYellow pic.twitter.com/PTyvfllhTS— AlNassr FC (@AlNassrFC_EN) January 31, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Атлетико го потврди доаѓањето на Ханцко
Атлетико Мадрид постигна договор со Феенорд за трансфер на дефанзивецот Давид Ханцко.
Словачкиот дефанзивец ќе помине медицински прегледи во наредните денови и ќе потпише договор со „јорганџиите“.
Ханцко (27) беше блиску до трансфер во Ал-Наср од Саудиска Арабија. Словакот се појави во новиот клуб и доживеа шок бидејќи клубото но клубот одлучи да се повлече од договорот во последен момент.
Во претходната кариера, Ханцко играше за Жилина, Фиорентина, Спарта Прага, а од 2022 година е член на Феенорд, со кого го освои холандското првенство во 2023 година.
Атлетико Мадрид, кој минатата сезона заврши трет во шпанската Ла Лига, донесе неколку засилувања во последните недели.
Десниот бек Марк Пубиљ дојде од Алмерија, 24-годишниот аргентински интернационалец Тијаго Алмада пристигна од Ботафого, Алекс Баена дојде од Виљареал, дефанзивниот играч од редот за врска Џони Кардозо пристигна од Бетис, додека левиот бек Матео Руџери дојде од Аталанта.
Фото/ Marca.com
Спорт
Барселона ја откажува азиската турнеја

Фудбалскиот клуб Барселона објави дека нема да патува во Јапонија за првиот пријателски натпревар на претходно договорената азиската турнеја.
Висел Кобе требаѓе да игра против Барселона на 27 јули. Каталонците го откажаа натпреварот бидејќи на сметката на клубот не била уплатена договорената сума. Од иста причина под знак прашалник се и двата натпревари во Јужна Кореја.
Во официјално соопштение, Барса изрази жалење за овој непрофесионален потег.
„За жал, клубот беше принуден да го откаже учеството на закажаниот натпревар во Јапонија во недела поради сериозно прекршување на договорот од страна на домаќините. Клубот ќе размисли дали да присуствува на преостанатите закажани натпревари во Јужна Кореја“.
Каталонците имаа закажан дуел со Висел Кобе во недела, 27 јули, а потоа уште два во Јужна Кореја, против Сеул (четврток, 31 јули) и Даегу (понеделник, 4 август).
Спорт
Сега е официјално, Екитике во Ливерпул

Францускиот напаѓач Уго Екитике (23) и официјално е играч на Ливерпул.
Англискиот шампион објави дека е постигнат договор со Ајнтрахт во врска со трансферот на Екитике, кој ќе стане втор највреден трансфер ова лето во Европа и Премиер лигата.
И највредниот го направи Ливерпул, за Флоријан Вирц на Баер му плати 125 милиони евра.
„Црвените“ платија за Екитике 80 милиони евра, со два бонус пакети.
Екитике успешно ги помина медицинските прегледи во својот нов клуб и наскоро ќе им се придружи на своите нови соиграчи на азиската турнеја.
Французинот зад себе ја има најдобрата сезона во кариерата, во 46 натпревари за клубот во сите натпреварувања, постигна 26 гола и беше избран во идеалниот состав на Бундеслигата.
Пред Ајнтрахт, тој играше за Ремс и Пари Сен Жермен.
Вкупно, Екитике е петтото засилување на Ливерпул ова лето, по Џереми Фримпонг, Милош Керкез, Флоријан Вирц и Георги Мамардашвили.
Фото/ Принскрин