Спорт
(Видео) Ди Марцио тврди дека Ливерпул испратил понуда до Де Брујне

Водечкиот италијански фудбалски инсајдер Џанлука Ди Марцио вечерва објави сензационална вест. Тврди дека Кевин Де Брујне, покрај бројните понуди од Блискиот Исток и САД, има и две „жешки“ понуди од Европа, една од Наполи и една од Ливерпул.
Всушност, Ди Марцио се фокусираше на интересот на Наполи, кој изгледа дека ќе го освои скудетото оваа сезона во голема мера затоа што ја искористи катастрофалната проценка на Манчестер Јунајтед и го потпиша предвреме отпуштениот Скот Мектомини.
Ве потсетуваме, Де Брујне има 33 години, што во модерниот фудбал не значи многу, особено не во Серија А.
„Наполи сериозно се обидува да го доведе Де Брујне. Ова е сознанието на нашиот уреднички тим во соработка со Џанлуиџи Банула од „Скај Спорт“. Договорот на играчот од средниот ред со Манчестер сити истекува, па Наполитанците ќе се обидат да го доведат како слободен агент за следната сезона“, објави Ди Марцио и додаде:
„Белгиецот сака да остане во Европа и има понуда од Ливерпул. Сепак, Наполи смета и на одличниот однос што играчот, роден во 1991 година, го има со Ромелу Лукаку. Овој конкретен обид да се доведе Кевин Де Брујне е јасен показател за тоа колку Де Лаурентис сака да ги зголеми амбициите на Наполи во наредните сезони.“
„Твитер“, заедницата веднаш се сети на фактот Кевин во детствот навивал за Ливерпул.
🗞️ Kevin De Bruyne (33) would prefer to remain playing at the highest level & is not ready to move to Saudi.
The possibility of joining a rival side like Liverpool isn’t out of the question, with the club holding a special connection to his family 👀
(Source: @DeStandaard) pic.twitter.com/hGjQcIVKrh
— Anything Liverpool (@AnythingLFC_) April 16, 2025
Де Брујне е еден од најважните фудбалери во историјата на Манчестер сити. Тој пристигна во клубот на 30. август 2015 година од Волфсбург за рекордни 55 милиони фунти во тоа време, а дебитираше на 12. септември истата година против Кристал Палас.
За Сити одигра 413 натпревари, постигна 106 голови, забелеша 176 асистенции. Освои 16 трофеи, меѓу кои шест во Премиер лигата, еден во Лигата на шампионите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Мекинли Рајт – МВП на АБА-лигата

Кошаркарот на Будуќност, Мекинли Рајт, го доби трофејот „Дејан Милојевиќ“ како најкорисен играч (MВП) од регуларниот тек на АБА лигата.
Американецот победи со 39,1 процент од гласовите пред неговиот клупски соиграч Кенан Камењаш (26,8 проценти) и Брајс Џонс (Игокеа, 23,9 проценти).
Рајт оваа сезона имаше просек од 12,8 поени, 2,4 скока, 4,9 асистенции и една украдена топка.
Претходни победници:
2014/15 Никола Јокиќ (Мега);
2015/16 Миро Билан (Цедевита);
2016/17 Никола Јанковиќ (Олимпија);
2017/18 Лука Жориќ (Цибона);
2018/19 Гога Битадзе (Иднина);
2020/21 Филип Петрушев (Мега);
2021/22 Никола Калиниќ (Црвена звезда);
2022/23 Лука Божиќ (Задар);
2023/24 Лука Божиќ (Задар);
2024/25 Мекинли Рајт (Будуќност).
Спорт
Енрике: Жал ми е што Мбапе замина, но очигледно е дека сме подобар тим без него

ПСЖ се пласира во финалето на Лигата на шампионите откако го победи Арсенал во реваншот на домашен терен. По победата со 1:0 во Лондон, славеше со 2:1 на домашен терен во Париз и се пласираше во финалето. Таму ги чека Интер, а натпреварот за титулата ќе се игра на 31. мај во Минхен.
ПСЖ на патот до финалето победи дури четири англиски клуба. Во главната, лигашка фаза го победи Манчестер сити со 4:2. Потоа во трите нокаут рунди ги нанижа, Ливерпул во осминафиналето, Астон Вила во четвртфиналето и Арсенал во полуфиналето.
По натпреварот, Луис Енрике доби големи пофалби, бидејќи е блиску до освојување на Лигата на шампионите во првата сезона без Килијан Мбапе.
Мбапе го напушти ПСЖ минатото лето, за „светците“ тој играше седум години, одигра 308 натпревари, постигна 256 гола и забележа 107 асистенции.
Иако остана без најдобриот играч и најдобриот стрелец во клупската историјата, Енрике импресивно стигна до финалето на Лигата на шампионите. Шпанецот се присети на изјавата што ја даде кога Мбапе замина во Реал:
„Бев многу храбар минатата сезона кога реков дека ќе имаме подобар тим без Мбапе. Сè уште го мислам тоа, а статистиката го потврдува тоа“, рече тој и додаде.
„Штета е што Мбапе си замина, но играчите го сфатија тоа како предизвик. Би сакал Мбапе да останеше, но другите играчи брилијантно одговорија на предизвикот. И секогаш ќе претпочитам да имам четири играчи кои постигнуваат по 12 гола отколку еден кој постигнува 40.“
Спорт
Кари ќе пропушти најмалку три натпревари

Стеф Кари сигурно ќе пропушти следните три натпревари на Голден Стејт Вориорс, односно ќе биде надвор од терените најмалку една недела поради повреда на задниот дел од левата нога.
Вориорс имаат скор од 1-0 во серијата од четири натпревари против Минесота Тимбервулвс во второто коло од плејофот на Западната конференција на НБА. До брејк во Минеаполис (88:99), Вориорс дојдоа без Кари, кој во првиот натпревар одигра само 13 минути.
„Секоја година плејофот е со прилагодувања, без разлика дали станува збор за тактики, повреди или состави, па затоа едноставно мора да се прилагодиме. Го направивме ова и претходно и сме уверени дека можеме да го направиме повторно“, рече тренерот Стив Кер.
Лидерот на Вориорс и четирикратниот шампион во НБА би можел да се врати на теренот во петтиот натпревар од серијата закажан за 14. мај во Минеаполис. Поверојатно е дека тој би можел да биде подготвен за евентуален шести натпревар во Сан Франциско на 18. мај.