Спорт
(Видео) Доминација на Европејците во НБА-лигата
![](https://makfax.com.mk/wp-content/uploads/2024/04/14-15-27.jpg)
Уште една ноќ во НБА лигата мина во знакот на кошаркарите од Европа. Двајца забележаа по трипл-дабл, Никола Јокиќ постигна 42 поени, а Виктор Вембањама беше блиску до квадрупл-дабл (двоцифрени бројки во четири статистички категории).
Литванецот, Домантас Сабонис постигна 22 поени, 20 скока и девет асистенции во победата на Сакраменто Кингс над Лос Анџелес Клиперс со 109:95.
„Кралевите“ се во жестока трка со Њу Орлеанс Пеликанс и Феникс Санс за шестото место, кое обезбедува дирктен пласман во плеј-офот. Диарон Фокс постигна 20, а Киган Мареј 19 поени за „кралевите“, додека Клиперси беа без Кави Ленард, кој се повреди во текот на натпреварот.
Лука Дончиќ, реално единствениот конкурент на Јокиќ во трката за МВП наградата, утрово во Сан Франциско го забележа својот 20-ти трипл-дабл сезонава. Далас Маверикс загубија од Голден стејт Вориорс со резултат 104:100.
Тоа беше крај на серијата од седум победи на Мавс.
Словенецот, водечки стрелец во лигата со просек од 33,9 поени (со 9,1 скока и 9,8 асистенции), забележа 30 поени, 12 скока и 11 асистенции против Вориорс, што беше 48-ми пат оваа сезона кога постигнува 30 или повеќе поени во еден натпревар.
Сабонис е лидер во лигата по бројот на трипл-дабл натпревари (26), пред Јокиќ (23) и Дончиќ (20).
Јанис Адетокумбо забележа трипл-дабл во поразот на Милвоки Бакс од Вашингтон Визардс со 113:117. Гркот имаше учинок од 35 поени, 15 скока и десет асистенции.
Со 42 поени, 16 скока и шест асистенции на Никола Јокиќ го предводеше Денвер до победата 110:105 над Сан Антонио Спарс. Блескаше кај Сан Антонио, Виктор Вембањама со 23 поени, 15 скока, осум асистенции и девет блокади, од кои три беа над Јокиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Седумкратниот шампион на Вимблдон Новак Ѓоковиќ се пласираше во четвртфиналето
![](https://makfax.com.mk/wp-content/uploads/2024/07/NOVAK-NOVOO.jpg)
Седумкратниот шампион на Вимблдон Новак Ѓоковиќ се пласираше во четвртфиналето победувајќи го Данецот Холгер Руне со 3-0 во сетови – 6:3, 6:4, 6:2. Натпреварот траеше два часа и три минути.
Четвртата победа на Новак Ѓоковиќ над Холгер Руне, трета во низа во шест меѓусебни дуели, изгледа никогаш не била полесна.
Данецот, кој пред една година беше четврти тенисер во светот, а сега е на 15.место, не покажа дека се уште е блиску до враќање меѓу првите десет во светот. На Ѓоковиќ повеќе му пречеле „стомачни проблеми“ отколку Руне.
Надмоќта во дуелот беше означена преку серија од 12 поени на самиот почеток за експресни 3:0.
На почетокот на вториот сет Ѓоковиќ почна да го држи стомакот, но не се работеше за повреда на мускулот, туку за потреба да оди во соблекувалната.
Тоа е и периодот на најдоброто издание на Руне. Само што Новак се врати од брејкот во соблекувалната, следуваше брејк за 4:2 во вториот сет.
Ѓоковиќ пропушти дури шест брејка и воедно постави поени во деветтиот гем за предвреме да го заврши вториот сет. Тоа не го поколеба, но ја искористи седмата сет-поен на свој сервис за да го удвои водството.
Интензитетот на вториот тенисер во светот не се намали ниту во третиот сет, бидејќи веќе во првиот гем стигна до третиот брејк во мечот.
Пресвртот се случи во седмиот гем од третиот сет, кога Ѓоковиќ дојде до недостижна предност од 5:2 и рутинска завршница.
Негов ривал во четвртфиналето ќе биде Австралиецот Алекс де Минор, кој го совлада Французинот Артур Фис со 3:1, по сетови 6:2, 6:4, 4:6, 6:3.
Спорт
(ВИДЕО) Дарио Шариќ и Ивица Зубац во центарот на вниманието
![](https://makfax.com.mk/wp-content/uploads/2024/07/ZUBATS.jpg)
Американските медиуми прикажаа видео од тепачката во која учествуваа Дарио Шариќ и Ивица Зубац.
Хрватските медиуми први објавија дека дошло до голема тепачка во ноќен клуб во Грција и дека учесници биле Дарио Шариќ и Ивица Зубац.
Американскиот таблоид „ТМЗ“, прв го доби видеото од големата борба.
Јасно се гледа дека во тепачката учествуваат двајцата кошаркари.
Ivica Zubac & Dario Saric were involved in a bar fight 😳
(Via @TMZ_Sports )
— NBACentral (@TheDunkCentral) July 8, 2024
Спорт
Дешан: Ако Франција е здодевна, гледајте нешто друго!
![](https://makfax.com.mk/wp-content/uploads/2024/07/Didije-Desan-photo-AP-Photo-Hassan-Ammar.jpg)
Селекторот на француската фудбалска репрезентација Дидиер Дешан изјави дека не го интересираат критиките за неговата репрезентација дека игра „досаден“ фудбал.
Франција утре во Минхен ќе игра против Шпанија во полуфиналето на Европското првенство во Германија.
Тоа ќе биде дуел на репрезентации со различни стилови на игра и според рејтинзите, дуел помеѓу репрезентација која игра „досадно“ – Франција и репрезентација која игра „интересен“ фудбал – Шпанија.
Шпанија ги доби сите пет натпревари на Европското првенство во Германија .
Шпанија постигна најмногу голови на турнирот – 11, а Франција се уште нема постигнато гол од поле, туку еден од пенал и два автогола на противникот.
„Ако ви е досадно со нас, можете да гледате нешто друго, не е важно“, изјави Дешан на прашањето за критиките упатени кон неговиот тим.
“Ова е специфично Европско првенство, со помалку голови од вообичаеното. Имаме шанса да ја израдуваме Франција, во деликатна ситуација за нашата земја. Ако на другите им е досадно, мене не ми е гајле”, додаде францускиот селектор.
Дешан денеска одбележа 12 години како селектор на Франција, со која го освои Светското првенство во Русија во 2018 година, а второто место четири години подоцна во Катар.
Ја освои и Лигата на нации во сезоната 2020/2021, а во 2016 година беше финалист на Европското првенство.
Имаше успешна играчка кариера, а со репрезентацијата го освои Светското првенство во 1998 година и две години подоцна Европското првенство.