Спорт
(Видео) Дончиќ го сруши Сакраменто, па го прозва Дивац за драфтот

Лука Дончиќ ги постигна последните поени на мечот за Далас Маверикс во победата од 107:103 над Сакраменто Кингс претходната вечер.
Откако Данте Ексум ја постигна решавачката тројка со која го скрши отпорот на „кралевите“, Дончиќ од линијата за слободни фрлања стави точка на триумфот на Далас.
Во таа прилика направи нешто што малкумина го очекуваа. Постигна кош, се сврте кон Владе Дивац, поранешниот генерален менаџер на Сакраменто и го впери прстот кон него и му нешто му дофрли.
Додека одеше кон клупата неколку пати им рече на соиграчите:
„Требаше да ме драфтува!“
Luka Doncic as he puts away the Kings tonight in Sacramento with his final free throw, then as the final horn sounds, waves goodbye to former Kings GM Vlade Divac seated courtside and says "he shoulda' drafted me." pic.twitter.com/6j26cLprxA
— Sean Cunningham (@SeanCunningham) March 30, 2024
Дончиќ беше избран како трет пик на драфтот од страна на Атланта Хокс, но веднаш беше трејдуван во Далас Маверикс.
Пред драфтот прогнозите беа дека токму Сакраменто ќе го изберат Дончиќ, но Дивац се реши да го избере Диерон Фокс.
Очигледно Лука не го заборавил тоа и ја искористи оваа прилика јавно да му каже на Дивац што мисли.
Инаку, Дончиќ на овој меч постигна 26 поени, имаше 12 асистенции и девет скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дрес на Коби Брајант продаден за седум милиони долари

Дресот на Коби Брајант во предсезоната и дебито во регуларната сезона со Лос Анџелес Лејкерс беше продаден за седум милиони долари на аукција во „Сотбис“ во Њујорк, објави аукциската куќа.
Дресот се совпаѓаше со фотографии од седум натпревари од неговата дебитантска сезона 1996/1997, вклучувајќи го неговото деби во предсезоната на 16. октомври и дебито во регуларната сезона на 3. ноември 1996 година, како и неговиот ден за медиуми во НБА.
Со цена од седум милиони долари, овој дрес е четвртиот најскап користен спортски дрес, зад дресот „call shot“ на Бејб Рут (24 милиони долари), дресот на Мајкл Џордан од финалето на НБА во 1998 година (10,1 милион долари) и дресот на Диего Марадона од Светското првенство во 1986 година, кој беше продаден за 9,3 милиони долари.
„Првите натпревари се навистина уникатни моменти во кариерата на еден спортист“, рече раководителот на одделот за модерни колекционерски предмети на „Сотбис“, Брам Вахтер, во изјава за ESPN.
„Тие го означуваат почетокот на едно извонредно патување, а за легендарни спортисти како Коби Брајант, овие пресвртници имаат уште поголемо значење бидејќи претставуваат уникатен момент во времето што никогаш повеќе не може да се повтори.“
Оваа продажба ги надмина 5,85 милиони долари што беа платени за неговиот потпишан дрес што го носеше на натпреварот кога беше прогласен за МВП во сезоната 2007/2008.
Петкратниот шампион во НБА, Брајант, загина на 41-годишна возраст во хеликоптерска несреќа во јануари 2020 година, во која загинаа и неговата ќерка Џана и уште седум други лица.
Спорт
(Видео) Клиперсите го пречекаа Јокиќ со коњски глави

Денвер Нагетс претрпеа тежок пораз од ЛА Клиперс (83:117) во третиот натпревар од првото коло од плејофот на Западот. По првиот натпревар во Лос Анџелес, во серија која се игра на четири победи, Клиперсите водат со 2:1.
Кај гостите, Никола Јокиќ беше најдобар. Актуелниот и трикратен МВП на најсилната лига постигна 23 поени (9/14 шут од игра) со по 13 скока и асистенции. Јокиќ беше најдобар играч на натпреварот во сите три најважни категории, но неговиот тим убедливо загуби.
The Clippers gave fans horse hats to distract Nikola Jokić😂😂 #MileHighPlayoffs pic.twitter.com/Q0ZetbeqOX
— Guerilla Sports (@guerillasports_) April 25, 2025
Пред натпреварот, Клиперси им обезбедија на најстрасните навивачи специјални реквизити наменети да го провоцираат најдобриот противнички играч. За навивачите кои се зад кошевите, во делот од гледалиштето познат како „Ѕидот“, на столчињата имаше плишани коњски глави.
Клиперси им делеа реквизити на навивачите за да го одвлечат вниманието на Јокиќ, особено кога ги изведуваше слободните фрлања свртен кон „Ѕидот“.
Оваа бизарна провокација е насочена кон Јокиќ бидејќи тој е голем љубител на коњи и сопственик на хиподром во неговиот роден Сомбор.
The horse distractions worked on Jokic 😭 pic.twitter.com/86jWAKN5U8
— BricksCenter (@BricksCenter) April 25, 2025
Ова не е прв пат Јокиќ да биде пречекан со ваков вид провокација кај Клиперс. Минатиот декември, додека шутираше слободни фрлања во Лос Анџелес, еден домашен навивач држеше транспарент на кој пишуваше „Тато, ми недостигаш“, а носеше маска на коњ.
Српските медиуми бурно реагираа на оваа „акција“ на Клиперсите.
„Телеграф“ пишува за неа под наслов „Срамна провокација за Никола Јокиќ: Коњски глави го пречекаа Србинот во Лос Анџелес, НБА не паменти вакво нешто“. Насловот на „Блиц“ е „Отворена провокација од Клиперси за Јокиќ! Погледнете што го пречека Србинот во Лос Анџелес, ова никогаш не е видено во НБА“.
Спорт
Мобли е дефанзивец на сезоната во НБА-лигата

Кошаркарот на Кливленд, Еван Мобли, е прогласен за најдобар дефанзивец во американската професионална кошаркарска лига (НБА) за сезоната 2024/2025.
23-годишникот беше прогласен за одбранбен играч на месецот двапати во текот на сезоната, во декември и февруари.
Мобли оваа сезона имаше просек од 18,5 поени, 9,3 скока и 3,2 асистенции по натпревар, а имаше просек од 1,59 блокади, 0,9 украдени топки и седум дефанзивни скока по натпревар.
Тој ја освои наградата „Хаким Олаџувон“ пред Дисон Даниелс од Атланта и Дрејмонд Грин од Голден Стејт.
Кливленд го заврши регуларниот дел од сезоната како прв во Источната конференција со 64 победи и 18 порази, а во првото коло од плејофот играат против Мајами и моментално водат со 2:0 во серијата.