Спорт
(Видео) Дончиќ херој, Далас го прегази Бостон
![](https://makfax.com.mk/wp-content/uploads/2024/06/12299094.jpg)
Далас Маверикс го победија Бостон Селтикс со 122:84 во четвртиот натпревар од финалето на НБА лигата.
Бостон Селтикс рутински ги добија првите три натпревари во финалето, за во четвртиот Далас Маверикс да се реваншира и да избегне „метла“ со победа од 38 поени.
Бостон има огромна предност од 3-1 и петтиот меч ќе го игра на домашен терен., каде ќе има шанса да го подигне шампионскиот трофеј што го носи името на легендарниот Лери О’Брајан.
Лука Дончиќ на критиките одговори со 29 поени и по пет скока и асистенции, Кајри Ирвинг имаше 21 поен, четир скока и шест асистенции, Тим Хардавеј 15, Дерек Лајвли 11 и 12 скока, а Данте Ексум постигна 10 поени.
Џејсон Тејтум го предводеше Бостон со 15 поени, Сем Хаузер имаше 14, Пејтон Причард 11, а Џејлен Браун и Џру Холидеј постигнаа по 10 поени.
Кристапс Порзингис го пропушти вториот последователен натпревар во финалната серија, бидејќи во вториот меч се здоби со ретка повреда на тетивата
Следниот меч ќе се игра ноќта помеѓу понеделник и вторник во Ти-Ди Гарден во Бостон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Роналдо вечерва ќе постави уште еден рекорд
![](https://makfax.com.mk/wp-content/uploads/2024/06/2024-06-07T173420Z_239741267_UP1EK671CT5F6_RTRMADP_3_SOCCER-FRIENDLY-POR-CRO-PREVIEW.jpg)
Кристијано Роналдо треба да биде дел од стартната постава на Португалија на натпреварот против Чешка кој се игра од 21 часот во рамките на 1. коло од групата Ф.
Доколку игра ќе стане единствениот фудбалер во историја кој настапил на шест различни европски првенства.
Ова ја докажува неговата долговечност, но и неговата извонредност, поради што се уште е на списокот на португалски репрезентативци.
Дебитираше за националниот тим на ЕП како 19-годишник во 2004 година. Дваесет години подоцна, зад себе има сезона во која одигра 45 натпревари за Ал Наср, со учинок од 44 гола и 13 асистенции.
Тој е рекордер на Португалија по бројот на одиграни натпревари (207) и постигнати голови (130). Роналдо постигна најмалку еден гол на досегашните настапи на ЕП. Во 2016 година, со Португалија беше европски првак. Вкупно, тој одигра 25 натпревари на ЕП во 2004, 2008, 2012, 2016 и 2020 година, има постигнато 14 голови, забележал девет асистенции.
Спорт
Лукаку го одигра најлошиот натпревар во досегашниот тек на ЕП
![](https://makfax.com.mk/wp-content/uploads/2024/06/12306590.jpg)
Репрезентацијата на Словачак го приреди најголемото изненадување во досегашниот тек од Европското првенство. Словаците, вечра, во Е групата ја победија Белгија со 1:0.
Стрелец на единствениот гол на натпреварот беше Иван Шранц во седмата минута.
Апсолутен трагичар на натпреварот беше Ромелу Лукаку. ВАР му поништи два гола и плус не реализираше три големи шанси. Тој доби најслаба оценка од сите актери на теренот. „Софаскор“ му додели шестка, бидејќи порај нереализираните шанси, загубил пет дуели, а имал само 27 допири со топката и само еднаш добил дуел со противничките дефанзивци.
Спорт
Дефанзивец на Реал трансфер цел на Наполи и Милан
![](https://makfax.com.mk/wp-content/uploads/2024/06/rafa-marin-has-everything-to-join-first-team-next-season.jpg)
Милан и Наполи му „фрлија око“ на младиот дефанзивец на Реал Мадрид, Рафа Марин. Фудбалерот се поврзуваше со Баер Леверкузен, неговиот трансфер во редовите на актуелниот германски шампион беше извесен, но во последен момент Чаби Алонсо ги смени плановите.
Марин има 22 години, а „кралскиот клуб“, сака да го продаде, но под услов во договорот да има клаузула со која за одредена сума би можел да го врати назад во Мадрид.
Милан и Наполи во малдиот дефанзивец гледаат голем потенцијал.
Марин кариерата ја започна во младинската школа на Севилја, но набрзо се пресели во Реал Мадрид. Минатата сезона беше на позајмица во Алавес.