Спорт
(Видео) Досега невидена снимка. Слушнете што му вели Хабиб на Мекгрегор додека го гуши
Борбата помеѓу Хабиб Нурмагомедов и Конор Мек Грегор од УФЦ 229 во октомври 2018 година е една од најлегендарните во историјата на оваа организација.
Вчера УФЦ објави досега невидено видео од борбата во која убедливо победи Нурмагомедов и откри досега непознати детали од тепачката.
Имено, во најновото издание на серијата „Muted“ – серија што се навраќа на борби без глас на коментатори со засилен звук од кафезот и аглите, може да се слушне дека Хабиб се однесувал во кафезот на начин на кој не сме навикнати. од него.
Се слуша што зборува додека го гуши Ирецот. Нурмагомедов вика: „Пи..о те растурив, те скршив! Те скршив, ку..о!”
Само неколку моменти подоцна, Нурмагомедов го фрли својот штитник за забите во правец на аголот на Мек Грегор и го прескокна кафезот за да го нападне Дилон Данис. Ова предизвика масовна тепачка за која се зборуваше и пишуваше со години потоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Де Брујне неизвесен за Арсенал
Манчестер сити не успеа да го победи Интер во првото коло од Лигата на шампионите, а дополнителен проблем за тренерот Пеп Гвардиола е повредата на Кевин Де Брујне.
Белгиецот поради повреда беше заменет на полувремето од натпреварот против тимот на Милано.
„Не знам точно во што е проблемот. Сè уште не сум разговарал со лекарите. Верувам дека се ќе биде појасно во петок“, изјави тренерот Пеп Гвардиола.
Според медиумите во Англија, мали се шансите Де Брујне да го започне натпреварот против Арсенал во Премиер лигата, во недела.
Сити освои четири последователни титули на островот, а Арсенал е нивниот главен ривал во последните две сезони.
Спорт
Си-би-ес: Јокиќ е најдобриот играч во НБА
Познатата американска телевизиска куќа Си-би-ес направи листа на 100 најдобри кошаркари во НБА. На прво место е Никола Јокиќ, најдобриот играч на Денвер.
„Јокиќ е единствениот играч во светот кој може да му гарантира на својот тим квалитетен шут во секој посед. Не постои ситуација надвор или внатре што не може да ја искористи. Многу се подобри и во одбраната. Тој е целосно ослободен од егото. Јокиќ е најчистото олицетворение на кошаркар“, се вели во образложението за одлуката.
Јокиќ три пати во последните четири сезони беше прогласен за МВП на сезоната.
Второто место на оваа листа го зазема Гркот Јанис Адетокумбо (Милвоки Бакс), додека на третото место е уште еден Европеец, Лука Дончиќ (Далас Маверикс).
Во првите десет се уште: Шеј Гилџес-Александер (Оклахома Тандер), Џоел Ембиид (Филаделфија ’76), Стеф Кари (Голден стејт Вориорс), Џејсон Тејтум (Бостон Селтикс), Леброн Џејмс (ЛА Лејкерс), Кевин Дурент (Феникс Санс) и Ентони Едвардс (Минесота Тимбервулвс).
CBS Sports' annual NBA Top 100 is here. 10 analysts voted on the top 100 players for the 2024-25 season.
99. Klay Thompson
68. Michael Porter Jr.
58. LaMelo Ball
30. Chet Holmgren
8. LeBron James
1. Nikola JokicFull list 👇https://t.co/TwneRW4Rit
— CBS Sports NBA (@CBSSportsNBA) September 17, 2024
Спорт
„Куртоа е Марадона, Меси и Роналдо меѓу голманите“
Легендарниот шпански голман, Сантијаго Кањизарес (54), изминатите неколку години работи како стручен коментатор на натпреварите од Ла Лига и Лигата на шампионите.
Голманот кој е легенда на Валенсија го прашаа кој во моментотв е најдобриот голман во светот. Рече дека и претходно рекол дека најдобра е Тибо Куртоа и дека не го сменил мислењето.
„Тибо Куртоа е Диего Марадона, Лионел Меси и Кристијано Роналдо меѓу голманите. Толку е добар што сме навикнати да брани одлично на секој натпревар, што е навистина нереално“, изјави Канизарес и на крајот додаде.
„За мене тој е без сомнение најдобриот голман што сум го видел и стојам на моите зборови“.
Куртоа кариерата ја започна во Генк, од каде се пресели во Челзи, а покрај за Реал Мадрид бранеше и за градскиот ривал Атлетико.