Роџер Федерер наговести можност за сензационално враќање на тениските терени, а во целата идеја би можел да му се придружи и неговиот долгогодишен ривал и пријател Рафаел Надал. Двајцата великани на спортот размислуваат за учество во нова „сениорска“ турнеја, посветена на пензионирани тенисери, пренесува британскиот Mirror.

Федерер, кој официјално се повлече од тенисот пред речиси три години, остана активен преку тренинзи и појави на социјалните мрежи, што во последно време ја поттикна јавноста да се прашува дали можеби планира враќање.

Оваа недела, 44-годишниот Швајцарец јавно ја поддржа идејата за турнеја со поранешни професионалци, со можност повторно да заигра заедно со Надал – освојувач на 22 Гренд слем титули.

„Да, зошто да не? Го сакам Рафа. Играв четири часа тенис во Сан Франциско и час и половина во Лос Анџелес пред некој ден. Играм многу за да останам во форма. Знам дека и Рафа е отворен за играње тенис“, рече Федерер.

Иако во шега изјави дека „сениорска турнеја звучи ужасно“, тој предложи интересен концепт:

„Можеби би можеле да создадеме нешто свое – федерална турнеја. Би било одлично.“

Идејата за обединување на тениските легенди повторно на теренот ги возбуди фановите ширум светот и отвори ново поглавје во приказната на Федерер и Надал – едно од најголемите спортски ривалства во историјата.

Жозе Мурињо по четврт век се врати на клупата на Бенфика и со победа го започна вториот мандат.

Бенфика забележа гостинска победа кај АФС со 3:0.

Првите два гола Бенфика ги постигна од пенали. Судаков беше стрелец во судиското продолжение од првото полувреме, а Павлидис во 56-та минута.

Потоа Мурињо побара од своите играчи трет гол, односно гол од игра. Фрањо Ивановиќ го постигна во 64-та минута по асистенција од Павлидис. Тоа беше само причината Жозе да биде задоволен и тој гол го прослави со шутирање „нешто“ на клупата.

José Mourinho celebrating the goal on his debut game😂pic.twitter.com/yoXSWH8rym

— IM🇵🇹 (@Iconic_Mourinho) September 20, 2025

Фудбалерите на Црвена звезда го победија Партизан со 2:1, во 177-то „вечно“ дерби одиграно во рамките на деветтото коло од српската Суперлига.

По петти пат по ред во домашното првенство, а вкупно шести, црвено-белите ги надиграа своите ривали и со тоа уште еднаш ја потврдија, во овој момент, својата доминација во српскиот фудбал. Прв пат од 1974 година Црвенз звезда успеа два пати по ред да победи на теренот на најголемиот ривал. Минатата сезона црвено-белите славеа со 4:0.

Дербито донесе добар фудбал, двата тима играа на моменти во исклучително добар ритам, на крајот пресуди квалитетот и сикуството на српскиот првак. Особено Звезда беше сигурна во првиот дел и покрај тоа што Партизан при 0:0 имаше добра шанса за гол.

Словенецот Тими Макс Елшник го отвори резултатот во 27-та минута. Вториот гол е дело на Немања Радоњиќ по еден час игра, по првиот допир со топката откако влезе на теренот.

Откако не искористи шанса да го реши мечот, Црвена звезда прими гол, во 74-та минута погоди Милошевиќ. До крајот една голема шанса за Партизан и две за Звезда, но резултатот остана 1:2.

Црвенз звезда е лидер со максимални седум победи и натпревар помалку, Партизан е втор со 19 поени.

Foto/ Starsport/Srđan Stevanović