Кошаркарите на Минесота, Бостон и Индијана поведоа со 3:1 во четвртфиналните конференциски серии против ЛА Лејкерс, Орландо и Милвоки.

Лејкерси, во Минеаполис паднаа во финишот, откако во речеиси целиот тек од натпреварот имаа предност, најчесто до 10 поени. Минесота, предводена од Ентони Едвардс победи со 116:113.

Неверојатно, но вистинито, тренерот на Лејкерси, Џеј Џеј Редик, второто полувреме го одигра со само пет кошаркари.

Најефикасен на натпреварот беше неверојатниот Ентони Едвардс (12/23), со 43 поени. Покрај тоа, тој имаше девет скока и шест асистенции.

Го следеше Џулиус Рендл со 25 поени и седум скока, Џејден МекДениелс го заврши натпреварот со 16 поени и 11 скока, а Наз Рид беше двоцифрен со 12 поени.

За Лејкерси, Лука Дончиќ имаше 38 поени (13/28), Леброн Џејмс беше на работ на трипл-дабл со 27-12-8, додека Руи Хачимура имаше 23 поени и пет скока. Остин Ривс имаше 17 поени, седум скока и четири асистенции.

Бранителите на титулата, Бостон Селтикс славеа во Орландо со 107:98. Селтиксите до победата ги предводеше Џејсон Тејтум со 37 поени, 14 скока и три асистенции.

По него следуваа Џејлен Браун со 21 поен и 11 скока, Кристапс Порзингис со 19 поени и Дерик Вајт со 18 поени и седум скока и асистенции. На Орландо не му помогна ниту одличната игра на Паоло Банкеро, кој постигна 31 поен и имаше седум скока, додека Германецот Франц Вагнер даде 24 поени, запиша шест скока и седум асистенции.

Уште поубедлива победа од 129:103 забележаа Индијана Пејсерсе во Милвоки, но поразените треба да бидат повеќе загрижени за повредата на Дамијан Лилард, кој замина во соблекувалната со помош на тренерскиот штаб.

„Искрено,состојбата не е ветувачка… Веднаш знаев, ми е жал за него, а тој само сакаше да се врати во тимот. Ова е тешко, прво имаше проблем со тромбозата, а сега ова“, истакна тренерот на Бакс, Док Риверс.

Лилард се држеше десниот глужд, а се стравува дека ја скинал Ахиловата тетива.

Индијана славеше на крилата на Мајлс Тарнер (23 поени), а по него следеше Канаѓанецот Метју Нембхард со 20.

Уште пет играчи на Пејсерс имаа двоцифрен број на поени. Тајрис Халибартон запиша дабл-дабл со 17 поени и 15 асистенции.

На спротивната страна, најмногу се истакна Јанис Адетокунбо со 28 поени, 15 скока и шест асистенции, Боби Портис забележа 23 поени, пет скока и шест асистенции.