Спорт
(Видео) Еланга како брз воз го реши Јунајтед, Арсенал го победи Фулам

Нотингем Форест продолжи таму каде што застана пред репрезентативната пауза. Избраниците на Нуна Еспирито Санто го совладаа Манчестер Јунајтед со резултат 1:0 во 30. коло од Премиер лигата.
„Шумарите“ поведоа во петтата минута со голот на поранешниуот играч на Јунајтед, Ентони Еланга. Репрезентативецот на Шведска, како брз воз претрча речиси 60 метри и го совлада Онана.
Јунајтед од тој момент имаше апсолутна доминација на теренот. Форест намерно им ја препушти иницијативата на „црвените ѓаволи“, но избраниците на Рубен Аморим немаа одговор на одличната одбрана.
Диого Дало имаше две шанси во првиот дел, а во второто полувреме неколку пати се закани Гарначо. Најдобрата шанса не ја искористи Мегваер чии удар од 97.минута од гол линијата го исфрли Мурило.
Избраниците на Артета не блескаа, но ја исполнија целта, со освојување на нови три бода ја намалија предноста на Ливерпул на девет бода, со натпревар повеќе од „црвените“.
Стрелец на водечкиот гол беше Микел Мерино во 37. минута по асистенција на младиот Итан Енванери.
На овој натпревар Букајо Сака се врати на теренот за прв пат од декември. Тој во 66. минута го замени младиот Енванери, а во 73. минута постигна гол. Габриел Мартинели овојпат забележа асистенција по уште еден добар потег на Микел Мерино.
Конечниот резултат го постави Родриго Муниз во четвртата минута од судиското надополнување. Доцна за Фулам, освен да го ублажи ударот. Можеби ќе беше поинаку за гостите доколку истиот играч претходно ја искористеше големата шанса во 81. минута кога практично промаши празен гол.
Вечерва играа Вулверхемптон и Вест Хем. „Волците“ беа подобри и славеа пред своите гледачи со резултат 1:0. Стрелец на голот беше Јерген Странд Ларсен во 21. минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Наполи сака да го врати Елмас

Елиф Елмас сака да го напушти Лајпциг до преодниот рок. Македонскиот репрезентативец се поврзува со неколку клубови, Торино сака да го откупи неовиот договор, а попладнево се појави информација дека тој би можел да се врати во Наполи.
Елмас е играч на Лакпциг од 1.јануари 2024 година, кога со клубот од Бундеслигата потпиша договор до јуни 2028 година. Лајпциг на Наполи му плати 24 милиони евра.
Минатата сезона, во првиот нејзин дел, одигра само 44 минути во Бундеслигата и 15 во Лигата на шампионите по што решпи да замиен на позајмица во Торино. За „биковите“ играше во препознатливата форма, постигна и четири гола. Торино сака да го откупи неговиот договор, но не може да ги испрати финасиските барања на Лајпциг.
Медиуми во Италија тврдат дека актуелниот шампион Наполи ќе испрати официјална понуда до Лајпциг за Елмас.
Елиф Елмас е роден во Скопје, играше за Работнички од кој се пресели во Фенербахче, а оттаму во 2019 година во Наполи за кој одигра речиси 185 натпревари и постигна 19 голови.
Ќе остане запишан во историјата на Наполи, како дел од тимот кој по 33 години ја врати титулата во градот под Везув.
Foto/ EPA/PAOLO MAGNI
Спорт
Македонија ќе игра контролен меч против Саудиска Арабија

Македонската фудбалска репрезентација ќе одигра контролен натпревар против Саудиска Арабија на 4. септември во рамки на официјалниот ФИФА термин. Дуелот ќе се одигра на стадионот „Викторија“ во Прага, Чешка, со почеток во 17:00 часот.
Ова ќе биде трет меѓусебен натпревар помеѓу двете репрезентации. Првиот се одигра на 1. август 2001 година во Ријад и заврши без победник (1:1). Вториот меч беше на 22. октомври 2022 година во Абу Даби, кога Саудиска Арабија славеше со 1:0. За Македонија на тој натпревар настапија фудбалери од домашниот шампионат.
Контролниот меч во Прага ќе биде важен тест за нашите најдобри фудбалери и можност за селекторот Благоја Милевски да ја провери формата и тактичките замисли пред продолжението на квалификациите за Светското првенство 2026.
Само три дена подоцна, на 7 септември, Македонија ќе го пречека Лихтенштајн на Националната арена „Тодор Проески“ во Скопје.
Извор/ ffm.mk
Спорт
Винисиус тајно преговара со Манчестер сити

Пред две години, Винисиус беше најголема ѕвезда, можеби дури и статусен симбол на Реал Мадрид. Но, многу работи се променија во нивниот однос. Односот е нарушен толку многу што се повеќе се зборува за разделба.
Сè започна со изборот за Златна топка, Бразилецот не ја доби престиѓната награда и покрај тоа што го сметаа за наголем фаворит. Потоа новодојдениот Килијан Мбапе се профилираше како прва ѕвезда на тимот.
Винисиус зад себе има солидна сезона, скромна за неговите стандарди. Лут е најмногу што смета дека Реал не му помогнал доволно за да ја освои Златната топка.
Сето тоа изгледа влијаеше врз Бразилецот да почне да размислува за заминување.
Имаше приказна дека најголемиот договор во историјата на фудбалот се подготвува за него во Саудиска Арабија. Но, тој сè уште сака да игра во Европа и тоа во најсилната лига во светот.
Одредени медиуми под кодот ексклузивно ја пренесуваат информацијата дека претставниците на Бразилецот тајно се сретнале со претставниците на Манчестер сити.
Сепак, Бразилецот не сака да брза ќе го чека расплетот во процесот од 115 тужби со кои се соочуваат „Граѓаните“.
Ситуацијата ја следат градските ривали на Јунајтед, Ливерпул, како и лондонските гиганти Арсенал и Челзи.
Фото/ Принтскрин