Спорт
(Видео) Феникс го победи Вашингтон, Милвоки славеше над Хјустон, Кари не погоди ниту една тројка
Милвоки Бакс, Феникс Санс и Голден стејт Вориорс забележаа победи во НБА лигата.
Феникс, предводен од Кевин Дурент, Девин Букер и Јусуф Нуркиќ го скрши отпорот на Вашингтон Визардс 112:108.
Дурент постигна 28 поени, имаше и по пет скока и асистенции, додека Букер постигна 27 поени, осум асистенции и четири скока. Нуркиќ мечот го заврши со шест поени, 17 скока и седум асистенции. Даниел Гафорд се истакна кај Вашингтон со 26 поени и 17 скока.
Милвоки на домашен терен победи над Хјустон, 128:119.
Ова е четврта последователна победа за Бакс, додека „Ракетите“ ја прекинаа серијата од пет победи.
Најефикасен на натпреварот беше Демиен Лилард со 39 поени, 11 асистенции и пет скока, а веднаш зад него беше Јанис Адетокумбо. Гркот на вечната листа го мина Карим-Абдул Џабар. Ја предводи франшизата според бројот на скоковите. Од претходно Адетокумбо е прв на клупските листи уште во две категории, поени и асистенции. Во историјата тоа им успеало само на Мајкл Џордан (Чикаго Булс), Леброн Џејмс (Кливленд Кавалирс) и Кевин Гарнет (Минесота Тимбервулвс).
На другата страна, Фред Ван Влит постигна 22 поени и шест асистенции, Алперен Шенгун, постигна 20 поени, осум скока и пет асистенции.
Голден стејт Вориорс славеа во Портланд со 118:114.
Стеф Кари не постигна ниту една тројка од осум обиди. Најдобриот шутер во историјата на НБА лигата ја прекина серијата од 268 натпревари на кои постигнал најмалку една тројка. Серијата ја започна пред пет години во Детроит. Ворирос до победата ги предводеа Клеј Томпсон со 28 поени и Ендрју Вигинс со 25 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Му платија 700 милиони долари, веднаш направи нешто што МЛБ досега не видела
Јапонскиот бејзбол играч Шохеи Охтани, изминатата ноќ, влезе во историјата на МЛБ.
Шохеи Охтани дојде во Лос Анџелес Ејнџелес како фрлач (pitcher) и веднаш стана голема ѕвезда бидејќи правеше работи кои не се видени во модерниот спорт, а тоа е да игра и во поле и покрај тоа што е фрлач.
Јапонецот уриваше рекорди во фрлања и погодоци (хоум ран), па го привлече вниманието на градскиот ривал Лос Анџелес Доџерс кој му плати дури 700 милиони долари.
Овој 10-годишен договор е најголемиот во историјата на спортот, а лудилото допрва ќе следи бидејќи Шохеи Охтани направи нешто што досега не е видено.
Шохеи Охтани игра на позицијата удирач и стана првиот играч во историјата на МЛБ кој има 50 хоум ран (погодок кога топката оди преку трибините и не може да се фати) и 50 украдени бази (кога играчот ќе стигне до базата пред да дојде топката до неа).
„Овој спорт се игра повеќе од 200 години, никој во историјата на лигата не го направил она што него му успеа“, изјави тренерот на Лос Анџелес Доџерс, Дејв Робертс.
Рекордот беше соборен во Мајами за време на натпреварот помеѓу Доџерс и Марлинс, во седмиот ининг Охтани влезе во историјата.
Спорт
Симеоне: Овој формат на ЛШ ве тера да играте на победа
Тренерот на Атлетико Мадрид, Диего Симеоне изјави дека е задоволен од исходот на натпреварот против Лајпциг.
Фудбалерите на Атлетик во четвртокот го победија Лајпциг со 2:1, во натпреварот од првото коло во Лигата на шампионите.
Шпанскиот клуб победи со голот на дефанзивецот Хосе Марија Хименез во 90. минута.
„Овој формат нè принудува да победиме, од нерешен резултат има малку корист. Целосно сум задоволен, натпреварот беше многу добрар. Ова ќе го кажев и доколку завршеше нерешено. Игравме на различни начини и со различни играчи. Играчите добро го протолкуваа тоа и добивме важен натпревар. Се се одвиваше онакак како што замисливме, контролиравме 80 проценти од играта“, изјави Симеоне по мечот.
Клубот од Мадрид во недела ќе му гостува на Рајо Ваљекано во шестото коло од шпанската лига.
Спорт
Ембид ќе заработува 64 милиони долари по сезона
Џоел Ембид е еден од најдобрите центри во денешната НБА и е член на Филаделфија ’76 од почетокот на кариерата.
Според Шемс Чаранија, моментално единствениот активен НБА инсајдер, Филаделфија ќе му плати на Џоел Ембиид 193 милиони долари во следните три сезони.
Максималниот договор трае до 2028/29 година и тоа значи дека Ембид ќе заработува 64,33 милиони долари годишно, или ќе инкасира над 301 милион долари за пет години со стариот максимален договор.
Тоа е еден од најголемите договори во историјата на НБА.
Ембид дојде од Универзитетот Канзас во НБА во 2014 година кога Фили го избра од третата позиција на драфтот. Тој беше МВП во 2023 година и член на идеалната петорка.
Ембид е седумкратен Ол-стар, двапати водечки стрелец во лигата, четири пати член на втората најдобра петорка во лигата и три пати се најде во вториот најдобар одбранбен тим во лигата.