Спорт
(Видео) Филаделфија без Ембид го победи лидерот

Филаделфија ја прекина серијата порази против најдобриот тим во НБА лигата. Без Џоел Ембид, Филаделфија ги победи Кливленд Кавалирс со 132:129. Прв пат од почетокот на сезоната, лидерот на табелата забелажа два порази во низа.
Филаделфија на овој меч ја предводеше Пол Џорџ, кој за 36 минути постигна 30 поени, Тајрис Макси постигна само еден поен помалку со седум асистенции, додека Кели Убре забележа трипл-дабл со 22 поени и скокови. Дабл-дабл учинок на овој меч имаше и поранешниот играч на Реал Мадрид, Гершон Јабусуле со 12 поени и 13 скока.
Кливленд на овој меч беше поразен и покрај нереалната вечер на Тај Џером, кој го заврши натпреварот со 33 поени и беспрекорен учинок за три поени (8/8). Тој не беше најефикасен на овој меч, бидејќи Донован Мичел постигна 37 поени и седум скока. Единствен двоцифрен играч на Кавс покрај овие двајца беше Дариус Гарланд со 26 поени.
Мемфис ја забележа петтата последователна победа на гостувањето кај Њу Орлеанс (139:126).
Гризлис ја зацврстија својата позиција на третото место на Запад.
И на овој меч блескаше Џерен Џексон кој ги пополни сите колони со 29 поени, седум асистенции и пет скока. Одлична партија имаше и Лук Кенард со 27 поени, а Дезмонд Бејн забележа 20 поени и 14 скока.
За Пеликанс, Мареј постигна 26 поени со седум скока, додека Меколум го заврши натпреварот со 22 поени, исто колку што постигна и Марфи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Спектакл на 400 слободно, златото за Мертенс

Лукас Мертенс го освои првиот златен медал на Светското првенство во пливање во Сингапур.
Тој славеше во спектакуларното финале на 400 метри слободно и со тоа на олимписката круна го додаде и најсјаниот медал на планетарното првенство.
Тој стигна до целта за 3:42,35 и за само две стотинки од секундата во одличен финиш го победи Австралиецот Семјуел Шорт, светскиот шампион од Фукуока во 2023 година.
Третото место со 25 стотинки минус го освои Вомин Ким кој не успеа да го одбрани златниот медал освоен во Доха минатата година.
Оваа година, Мертенс успеа по 16 години да го собори светскиот рекорд на Пол Бидерман на 400 метри слободно. Тој ја запре стоперката на 3:39,96.
Фото/ Принтскрин
Спорт
Лилард по отпуштањето од Милвоки: Не беше фер

Кошаркарот на Портланд, Демијен Лилард, зборуваше за отказот што го доби во Милвоки и враќањето во Блејзерс.
Дејм Лилард отсекогаш мислеше дека ќе се пензионира со Портланд Треил Блејзерс и ќе заврши во „Куќата на славните“ како играч на овој тим, но неговата кариера пред две сезони тргна во друга насока.
Тој го напушти Орегон за да се бори за шампионски прстен, а со Милвоки Бакс не успеа. Откако ја скина Ахиловата тетива во април на почетокот од плејофот, беше отпуштен, а Бакс го откупија неговиот договор, со што стана слободен агент.
Според извештаите, Јанис Адетокумбо бил многу незадоволен од одлуката на тимот, но одлуката веќе била донесена и сега Лилард проговори за она што се случуваше.
„Мора да имаш малку среќа за да бидеш шампион во НБА. Мора да бидеш здрав и да играш најдобра кошарка во најдобро време, мислам дека воопшто имавме среќа“, рече Лилард во интервју со Џим Овчарски за „Милвоки џурнал сентинел“.
Тие говореше и за еден од најдобрите играчи во лигата, Јанис Адетокумбо.
„Јанис и јас имавме најмногу постигнати поени во целата лига како тандем на НБА тимови. Го освоивме НБА Купот. Многу луѓе сакаа да ме видат во најдобра форма, а јас играм со човек кој постигнува над 30 поени по натпревар и често ја држи топката во свои раце, што го правев во текот на целата моја кариера. Тој е агресивен и често напаѓа, а сепак успеав да постигнам просек од 25 поени и 7 асистенции за две години. Не беше фер, изгледав поинаку и повторно мислам дека бевме многу продуктивни“, рече Дам.
Фото/ Принскрин
Спорт
Детали го делат Лукман од трансфер во Интер

Адемола Лукман донесе одлука да ја напушти Аталанта.
Тој имаше неколку понуди, но пред два дена им изјави на италијанските медиуми дека единствена опција за трансфер е Интер. .
Члениците на Интер испратија официјална понуда од 55 милиони евра, плус бонуси. Италијанските медиуми тврдат дека одличниот напаѓач е на еден чекор од потпишување на договор.
Foto/ EPA