Спорт
(Видео) Филалделфија ги растури Лејкерси, Денвер без Јокиќ ги победи Клиперси
Кошаркарите на Денвер Нагетс во Лос Анџелес ги победија Клиперси со 113:104, во најпрвивлечниот натпревар, одигран изминатата ноќ во НБА лигата. Големо внимание привлече и катастрофалниот пораз на Лејкерси, на домашен терен од Филаделфија. Севентисиксерси победија со 44 поени разлика.
Победата Денвер ја извојува без тројцата најдобри играчи: Никола Јокиќ, Џамал Мареј и Арон Гордон.
Нагетс победата ја извојуваа со серијата 18:4 во последната четвртина. Во победата се истакнаа поранешниот играч на Клиперси, Реџи Џексон и ветеранот Деандре Џордан.
Џексон го одигра најдобриот натпреварт откако во февруари од Клиперси пристигна во Денвер. Забележа 35 поени и 13 асистенции, додека Џордан имаше 21 поен и 13 скока.
Кај Клиперси, Кавии Ленард беше нанајдобар со 31 поен со осум скока, а го следеше Ивица Зубац кој постигна 23 поени и имаше 14 скока.
Расел Вестбрук имаше учинок од 14 поени и 11 скока, но тоа не беше доволно за да се избегне деветтиот пораз сезонава.
Филалделфија ги декласира Лејкерси со 138:94. Ова е најтешкиот пораз во кариерата на Леброн Џејмс.
Џоел Ембид со шесттиот трипл-дабл во кариерата (30 поени, 11 скока и 11 асистенции). Најефикасен кај Сиксерси беше Тајрис Мекси со 31 поен и осум асистенции. Кај Лејкерси Леброн постигна 18, а Ентони Дејвис 17 поени и 11 скока. Леброн прв пат од ноември 2010 година одигра натпревар во кој немаше ниту еден скок.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Шок во Минхен, Рагник не сака да биде тренер на Баерн
Ралф Рагник сепак нема да биде тренер на Баерн Минхен. Кристијан Фалк, веројатно најпознатиот инсајдер кога станува збор за она што се случува во германскиот великан, тврди дека 65-годишниот стратег решил да се заблагодари на понудата и да ја продолжи работата како селектор на Австрија.
Баерн Минхен по завршувањето на сезоната ќе остане без Томас Тухел. Резултатите му пресудија на тренерот и тој ќе го напушти клубот, дури и да ја освои Лигата на шампионите.
Баварците, од јануари, се бво потрага по нов тренер. Најпрвин ги одби Чаби Алонсо, а потоа и Јулијан Нагелсман. Алонсо реши да остане во Баер Леверкузен, а Нагелсман го продолжи договорот со Фудбалскиот сојуз на Германија.
„Скај Спортс Германија“, вчера објави дека Рагник е во завршни преговори со Баерн.
„Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави вчера претседателот Херберт Хајнер.
Преговорите со Рагник сепак не завршија поволно за Баерн. Тренерот решил да ја одбие понудата и да остане селектор на Австрија. Со Фудбалскиот сојуз на оваа земја тој има договор до 2026 година.
Спорт
Ванкувер ќе потроши 442 милиони долари за организација на Мундијалот
Проценетите трошоци за одржување на Светското првенство во 2026 година на „Би Си Плејс“ стадионот во Ванкувер, дупло се зголемиле во последните две години, изнесуваат 422 милиони долари.
Во март 2022 година беше најавено дека во Ванкувер ќе се одиграат пет натпревари на Мундијалот чии домаќини ќе бидат Канада, Мексико и САД. Во меѓувреме Меѓународната фудбалска федерација (ФИФА) го зголеми бројот на натпревари на седум.
Документот се наведени торошоците на градот и покраината, заедно со работите на стадионот. Во ажурираните проценки влегуваат и факторите за сместување, работењето и барањата по посетата на ФИФА, зголемените претпоставки за инфлација и трошоците за основните услуги во јавниот сектор.
„Се разбира, ќе има повеќе трошоци и повеќе приходи, но ако се прошири на долг рок, придобивките се огромни и тие повеќе од сигурно ќе го исплатат тој дефицит“, рече градоначалникот на Ванкувер, Кен Сим.
Владата на Британска Колумбија соопшти дека натпреварите ќе привлечат околу 350.000 фанови во покраината и ќе генерира повеќе од една милијарда канадски долари, околу 727 милиони долари во туризмот во петте години по турнирот.
За реновирање на стадионот „Би Си Плејс“ е планирана инвестиција од 142 милиони американски долари.
Спорт
(Видео) Ѓоковиќ со неверојатен гест ги воодушеви најмладите во Црна Гора
Најдобриот светски тенисер, во регионот се подговтува за претстојните предизвици: Мастерсот во Рим, втроиот грен слем во сезоната Ролан Гарос, Вимблдон и Олимписките игри во Париз.
Ѓоковиќ од Дубровник се пресели во Тиват, каде со еден потег ги воодушеви најмладите.
Црногорските медиуми објавија дека тој се шетал во Тиват маскиран во рибар и играл тенис со најмладите низ градските улици.
По десетина минути Србинот ја тргнал маската (капата и брадата), настанала ерупција од воодушевување кога луѓето забележаа дека тоа е Новак Ѓоковиќ.
👋 @DjokerNole in Tivat,Montenegro today 🇲🇪#Djokovic @NDjokofan #Montenegro #NoleFam
📸:https://t.co/ffzvnRfzFq pic.twitter.com/lubTMT2DJK
— Milica Milutinovic (@MilicaM84932667) May 1, 2024