Спорт
(Видео) Французите ја тужат Аргентина поради расистичка песна – скандалот предизвика хаос во соблекувалната на Челси
![](https://makfax.com.mk/wp-content/uploads/2024/07/12370780.jpg)
Аргентина ја одбрани титулата на Копа Америка со победата над Колумбија 1:0. Голот го постигна Лаутаро Мартинез во 112.минута.
„Гаучосите“ ја освоија третата голема титула во последните три години, а по натпреварот повторно предизвикаа скандал со начинот на кој ја прославија победата.
Аргентинските фудбалери повторно ја отпеаја „проблематичната“ песна во која се навредуваат француските репрезентативци со африканско потекло. Истата песна ја пееја и во декември 2022 година кога против Франција ја освоија титулата на Светското првенство во Катар.
Текстот на „песната“ зборува за потеклото на повеќето француски репрезентативци.
„Играат за Франција, но се од Ангола. Неговата мајка е Нигеријка, татко му е од Камерун, но пасошот му е француски“, вакак некако одат зборовите на оваа навредлива песна.
🇦🇷🎥| A video of Argentina players singing a racist song about Mbappé and France.
🎶 “They play for France but they are from Angola
His mother is Nigerian,
His father Cameroonian,
But on the passport: French.” 🎶(@SelecaoTalk)pic.twitter.com/1Jzm3Gj6vw
— Football Latest (@footballatest_) July 16, 2024
Снимките на кои Аргентинците ја пеат брзо се проширија на интернет и Француската фудбалска федерација реши да реагира.
„Претседателот на Француската фудбалска федерација, Филип Диало ги осудува неприфатливите и дискриминаторски коментари кон играчите на францускиот тим како дел од песната што ја пееја играчите и поддржувачите на аргентинскиот тим по триумфот на Копа Америка. Соочена со сериозноста на искажаните зборови, спротивно на вредностите на спортот и човековите права, Француската фудбалска федерација одлучи директно да се обрати до Аргентинската фудбалска федерација и да поднесе тужба преку ФИФА за несоодветни коментари за расна дискриминација“, се наведува во соопштението.
Фудбалската федерација на Франција бара жестока казна и јавно извинување до Франција, репрезентацијата и нејзините фудбалери. Целиот овој скандал предизвика проблеми и во клубовите каде соиграчи се дел од француските и аргентинските фудбалери.
Најжестоко реагираа Французите од Челси, кои му се налутија на Енцо Фернандез, кој објави видео како ја пее навредливата песна.
„Лекип“ наведува дека цела соблекувална е лута со Фернандез, а својот гнев го искажаа и дел од француските играчи. Пред се Весли Фофана, кој напиша дека станува збор за чист расизам.
Le football en 2024 : racisme décomplexé 🤦🏽♂️🤦🏽♂️🤦🏽♂️ pic.twitter.com/MGkH5wPmNU
— Wesley Fofana (@Wesley_Fofana3) July 16, 2024
Покрај Фофана за Челси играат и Беноа Бадијашил, Мало Густо, Маланг Сар, Кристофер Енкунку, Аксел Дисаси и Лесли Угочукву. Повеќето од нив се повремени или потенцијални француски репрезентативци.
На „Стемфорд Бриџ“ затоа планираат да спроведат сопствена истрага за однесувањето на Аргентинецот, за кого платија 106,8 милиони фунти и кој има договор до летото 2031 година.
Кога виде колкава е „штетата“, Енцо Фернандез веднаш ја избриша снимката од својот профил на Инстаграм и уптати извинување.
„Искрено се извинувам за видеото на мојот Инстаграм, кое е направено за време на прославата. Песната содржи многу навредлив јазик и нема оправдување за моите зборови. Секогаш сум против дискриминација, се извинувам затоа што ме зафати еуфоријата во прославата. Тоа видео, тие зборови, тој момент не се одраз на моите верувања или карактер“, напиша Фернандез
Сето ова во Челси се случува кога во клубот пристигна новиот тренер Енцо Мареска и тимот практично е на нов почеток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Роналдо ќе добие уникатна награда од УЕФА
![](https://makfax.com.mk/wp-content/uploads/2024/08/1683762431434_cffa87c5-350c-4a54-9ba9-d32749064e38.jpg)
Португалскиот фудбалер Кристијано Роналдо во четврток ќе добие специјална награда од Европската фудбалска унија (УЕФА) за најдобар стрелец во Лигата на шампионите на сите времиња.
Како што е објавено на сајтот на УЕФА, претседателот Александар Чеферин ќе му ја врачи наградата на Португалецот за време на ждрепката за Лигата на шампионите во „Форумот Грималди“ во Монте Карло.
Роналдо постигна 140 гола на 183 натпревари во Лигата на шампионите за 18 години, следен на листата е Лионел Меси со 129 голови, додека Роберт Левандовски е трет со 94 гола.
Роналдо, моментално капитен на Ал Наср пет пати ја освојуваше Лигата на шампионите, во 2008 година со Манчестер Јунајтед, а во 2014, 2016, 2017 и 2018 година со Реал.
Тој го држи и рекордот по бројот на голови во една сезона од Лигата на шампионите, во сезоната 2013/2014 постигна 17 гола.
Спорт
Шчесни замина во пензија
![](https://makfax.com.mk/wp-content/uploads/2024/08/Wojciech-Szczesny.jpg)
Десет дена по објавата дека Јувентус го отпушти Војчех Шчесни (34), полскиот голман ја шокира јавноста со објавата дека заминува во пензија.
Шчесни во 2017 година, од Арсенал за сума од 19 милиони евра пристигна во Јувентус како наследник на Џанлуиџи Буфон. Претходно осум сезони беше во Арсенал.. Откако доби отказ се поврзуваше со трансфер во Монца, но сепак тој реши да се пензионира.
Интересно, тој запиша точно 200 првенствени настапи за црно-белите од Торино.
„На оваа игра и дадов 18 години, секој ден, без иговори. Денес, иако моето тело е подготвено за нови предизвици, моето срце вели поинаку.
Чувствувам дека сега е вистинското време да се посветам на моето семејство. На оваа приказна и дојде крајот, но секој крај е нов почеток.
Што ќе ми донесе овој нов пат ќе покаже времето. Но, во последните 18 години научив дека ништо не е невозможно и верувајте, имам големи сништа“, напиша Полјакот во објавата на Инстаграм.
Спорт
Кепа замина на позајмица – Челси сега во ростерот има „само“ пет голмани
![](https://makfax.com.mk/wp-content/uploads/2024/08/d6e354a2-c150-43ae-a335-7e1cd7097922.jpg)
Кепа Аризабалага (29) е новиот голман на англискиот клуб Борнмут. Тој заминува на едногодишна позајмица од Челзи, со кој претходно го продолжи договорот до летото 2026 година, објави Фабрицио Романо.
Кепа минатата сезона беше на позајмица и во Реал Мадрид, каде беше доведен на местото на Белгиецот Тибо Куртоа, кој тешко се повреди на подготовките пред стартот на сезоната.
Меѓутоа, во ноември минатата година, Кепа заработи повреда на адукторот, испадна од тимот, а кога ја залечи повредата не можеше да дојде до првиот тим бидеќи во извонредна форма бранеше Андриј Лунин. Реал имаше опција но не сакаше да го откупи дфоговорот на Кепа.
Кепа пристигна во Челзи летото во 2018 година од Атлетик Билбао во трансфер вреден 80 милиони евра, што се уште е светски рекорд за платено обештетување за голман.
Со заминувањето на Кепа од клубот на позајмица, Челзи сега има „само“ пет голмани. Тоа се Санчез (26), Филип Јоргенсен (22), Ѓорѓе Петровиќ (24), Маркус Бетинели (32) и Лукас Бергстром (21).