Спорт
(Видео) Гафови го обележаа отворањето на ЛОИ

Синоќа во Париз беа отворени 33. Летни олимписки игри. Церемонијата на свеченото отворање ја обележаа два големи пропусти на организаторот.
Министерството за спорт на Јужна Кореја побара средба со претседателот на Интернационалниот олимписки комитет (ИОК) Томас Бах поради гаф за време на церемонијата на отворање на Олимписките игри во Париз, каде што Јужна Кореја беше погрешно претставена како Северна Кореја за време на парадата на спортистите.
Додека јужнокорејската делегација пловеше покрај Сена на церемонијата на отворање на Олимпијадата, француски најавувач преку разглас објави „Демократска Народна Република Кореја“, што е официјалното име на Северна Кореја.
На ТВ екраните, сепак, точното име на државата беше наведено како „Република Кореја“.
ИОК објави извинување на корејски на платформата X.
„Длабоко се извинуваме за грешката што се случи при претставувањето на јужнокорејската делегација за време на церемонијата на отворањето“, се вели во соопштението.
Бродот со јужнокорејските спортисти беше 48-ми во низата, а севернокорејските спортисти во дефилето излегоа како 153.
Вториот гаф на организаторот му се случи пред крајот на церемонијата, кога олимпиското знаме беше подигнато, наопаку!
Инаку, на церемонијата на Сена продефилираа 85 чамци со околу 7.000 спортисти од 205 земји.
The big spectacle was washed out by the weather, the display was cringe & to top it all off the Olympic flag was hoisted upside down at the zenith of it all
This event is like a microcosm of modern France, an utter shamblespic.twitter.com/eZeyCrIXRQ
— Aaron Rankin (@Aaron_R_Rankin) July 26, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Тешки противници за Пелсистер во ЛШ

Шампионот на Максдонија, Еурофарм Пелистер, доби тешки противници во Лигата на шампионите.
Пелистер во сезоната 2025/2026 ќе се натпреварува во Б групата.
Противници ќе му бидат евеопслиот првак Магдебург, Барселона, Висла, ПИК Сегед, ГОГ Гудме, ПСЖ и Загреб.
Сезоната Пелистер треба да ја започне на домашен терен против ПСЖ.
Во А групата ќе се натпреваруваат: Фуксе Берлин, Алборг, Веспрем, Кјелце, Нанат, Спортинг, Динамо Букурешт и Колштад.
Спорт
Го оставија Ѓоковиќ за Синер – сега се разделија со Јаник

Улисес Бадио, физиотерапевт, и Марко Паники, тренер за кондиција, повеќе не се дел од тимот на Јаник Синер.
Веста прв ја објави италијанскиот „Скај Спорт“, со што се потврди раскинувањето на соработката што не траеше ниту една година.
Аргентинецот и Италијанецот се приклучија на тимот на Јаник во септември 2024 година, по неговата разделба со Умберто Ферара и Џакомо Налди поради скандалот со клостебол.
Претходно, Бадио и Паники беа во тимот на српскиот тенисер Новак Ѓоковиќ.
Се очекува во следните неколку часа да биде издадено соопштение, во кое ќе се прецизира што довело до разделбата. Во овој момент, италијанските медиуми не можат ни да шпекулираат што би можело да биде причината.
Остеопатот Андреа Чипола, со кого е на Вимблдон, останува во тимот на Синер.
Синер го освои Австралија Опен со Паники и Бадија во тимот на почетокот на годината, по што следеше пораз во финалето на Ролан Гарос. Значи, падот на формата можеме да го отпишеме од листата на причини, анализираат медиумите.
Спорт
Титулата во Шпанија не го спаси Чус Матео, Реал има нов тренер

Кошаркарите на Реал Мадрид станаа шампиони на Шпанија прексиноќа, бидејќи ја „исчистија“ Валенсија со победа од 3:0 во финалната серија, но таа титула не го спаси работното место на тренерот Чус Матео.
Тој беше заменет, а на негово место доаѓа закоравениот Серџо Скариоло, кој со тоа се враќа на клупата на Реал. Тој веќе беше тренер на „кралскиот“ клуб од 1999 до 2002 година, а за време на неговиот тригодишен мандат ја освои шпанската АЦБ лига во 2000 година.
По заминувањето од Реал, италијанскиот стручњак изгради брилијантна кариера. Како селектор на Шпанија, освои бројни медали, вклучувајќи злато на Европското првенство и Светското првенство во 2019 година.
Тој исто така раководеше со многу клубови од Евролигата, а беше и помошник тренер во Торонто Репторс, со кои ја освои титулата во НБА во 2019 година.
Чус Матео го однесе Реал на покривот на Европа пред две години, минатата сезона го загубија финалето на Евролигата од Панатинаикос, а оваа година не успеа да го однесе тимот до завршната четворка, бидејќи беше поразен од Олимпијакос во четвртфиналната серија.
Неуспехот во Евролигата, како и критиките за неговата нестабилна игра, го чинеа работа.