Фудбалерот на Манчестер Сити, Нејтан Аке, е на „радарот“ на Барселона.

Каталонците влегуваат во зимскиот преоден рок со приоритет да ја стабилизираат дефанзивната линија.

Барселона мора да биде активна на пазарот, поради повредата на Андреас Кристенсен, на кого му се прогнозира долга пауза, но и поради отсуството на Роналд Араухо, за кого нема најави кога би можел да им се приклучи на соиграчите.

Според каталонскиот весник „Спорт“, Барселона во холандскиот репрезентативец гледа профил кој речиси совршено одговара на моменталните потреби на клубот. Разновиден играч кој може да покрие две позиции во одбраната.

Иако е дел од Манчестер Сити, Аке нема континуитет оваа сезона. Во Премиер лигата, тој започна само еден натпревар како стартер, додека акумулираше нешто повеќе од 700 минути на теренот во сите натпреварувања.

Новинарот Екрем Конур веќе потврди дека Барселона ја следи ситуацијата околу Аке, но исто така нагласи дека Манчестер Сити не е подготвен за лесни отстапки.

Од друга страна, Барселона, свесна за финансиските ограничувања, се обидува да најде пофлексибилен модел. Идеална опција за Каталонците би била позајмица со опција за откуп, по можност за шест месеци, за да се намали моменталниот финансиски притисок и да се остави простор за конечна одлука по завршуцвањето на сезоната.

Foto/ depositphotos

Фудбалерот на Бетис, Иско, ќе мора да направи уште една долга пауза.

Ова е негова трета сериозна повреда во последните две и пол години, во кои го носи дресот на зелено-белиот клуб од Севилја.

„Има рана за која беа потребни седум конци, предизвикана од силен удар што ја му скина кожата. По ударот, се развил значителен оток низ целата нога, кој се проширил до зглобот на глуждот и предизвикал мала интраартикуларна лезија во пределот на ‘рскавицата“, објасни доктор на Бетис.

Иско се повреди на натпреварот од Лигата на Европа против Утрехт, по судир со соиграчот Амрабат.

Да ве потсетиме дека поранешниот шпански репрезентативец доживеа фрактура на фибулата во својата прва сезона во Бетис, а се повреди во втората сезона за време на пријателскиот натпревар против неговиот поранешен тим, Малага. Станува збор за нова фрактура на фибулата.

Освен за Бетис и Малага, Иско (33) во својата богата кариера играл за Валенсија, Реал Мадрид и Севилја.

За девет години во Реал, освоил сè што може да се победи.

Тој го носеше шпанскиот дрес 38 пати и постигна 12 гола.

Foto/ depositphotos

Парискиот „Лекип“, најпочитуваниот спортски медиум во светот, го објави својот идеален тим од француската Лига 1 за 2025 година. 10 од 11 фудбалери во идеалниот тим го носат дресот на ПСЖ.

Покрај голманот Џанлуиџи Донарума, кој е голман на Манчестер Сити од летото, но е во идеалниот тим на француското првенство бидејќи бранеше во првата половина од годината за ПСЖ и Мејсон Гринвуд фудбалер на Олимпик Марсеја, во идеалнио тим се играчите на ПСЖ: Ашраф Хакими, Маркињос, Вилијан Пачо, Нуно Мендеш, Витиња, Жоао Невес, Фабијан Руиз, Усман Дембеле и Десире Дуе.

Тренер на идеалниот тим е Луис Енрике.

Доминацијата на ПСЖ во идеалниот тим од Лига 1 во последната година е оправдана со фактот дека овој клуб освои сè во него: домашното првенство и купот, Лигата на шампионите, Европскиот Суперкуп и Интерконтиненталниот куп.

Противниците на фактот дека 10 од 11-те играчи се од ПСЖ наведуваат дека треба да се земат предвид само резултатите во француското првенство, а не и во другите натпреварувања.

Како резултат на тоа, тврдат тие, треба да се земе предвид дека ПСЖ го дочекува крајот на оваа година и половина од тековната сезона на второто место зад Ленс. Затоа, сметаат тие, идеалниот тим од Лига 1 за 2025 година треба да вклучува и играчи од други клубови.