Спорт
(Видео) Галатасарај не успеа да го победи РФС Рига
Второто коло во Лига Европа започна со големо изненадување. Еден од фаворитите во ова натпреварување, Галатасарај, не успеа да победи во Рига, против РФС, тим чија вкупна вредност според „Трансфермаркт“ изнесува девет милиони евра, колку што изнесува годишната плата на Мауро Икарди.
Турскиот тим добро влезе во мечот стекна предност од два гола, преку Мертенс во 12. и Акгун во 38.минута и тука застана. Две минути подоцна РФС намали преку Икауниекс, а во 55.минута Одишерија го постави конечниот резултат.
Резултати:
Олимпијакос – Брага 3:0 (1:0)
/Ел Каби 45, 59, Есе 53/
Ференцварош – Тотенхем 1:2 (0:1)
/Варга 90 – Сар 23, Џонсон 86/
Карабаг – Малме 1:2 (1:1)
/Жунињо 15 – Ботејм 19, 47/
Макаби Тел Авив – Митјиланд 0:2 (0:1)
/Франкулино 39, Чилуфја 89/
Лацио – Ница 4:1 (2:1)
/Педро 20, Кастеланос 35, 53, Закањи 67пен – Бога 41/
Славија Прага – Ајакс 1:1 (0:1)
/Чори 67 – Ван ден Бомен 18пен./
Хофенхајм – Динамо Киев 2:0 (1:0)
/Хложек 22, 60/
Реал Сосиедад – Андерлехт 1:2 (1:2)
/Пабло Марин 5 – Луис Васкез 28, Леони 39/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Мегваер херој – Јунајтед во Порто испушти водство 0:2
Комплетирано е второто коло во Лига Европа, а во дербиto Порто и Манчестер jунајтед ремизираа 3:3 (2:2) на „Драгао“.
Овој натпревар може да биде последен за Ерик тен Хаг, бидејќи Јунајтед има само два бода по две кола во Лигата на шампионите, против Порто „црвените ѓаволи“ испуштија предност од два гола, а бод спасија во 91.минута.
Веќе во седмата минута погоди Маркус Рашфорд, а истиот играч му асистираше на Расмус Хојлунд во 20. минута за 0:2.
Сепак, ниту тоа не вредеше бидејќи само осум минути му беа доволни на Јунајтед да прими два гола.
Најпрвин Пепе постигна гол во 27. минута за 1:2, а Саму Омородион израмни во 34. минута.
Порто продолжи да игра уште поофанзивно и тоа им донесе резултат во 50. минута, кога Саму Омородион со својот втор гол направи целосен пресврт.
Манчестер Јунајтед не успеа да најде одговор по тој колапс, а се изгледаше завршено во 81. минута кога Бруно Фернандеш доби втор жолт картон. Капитенот на Манчестер јунајтед втор натпревар по ред доби црвен картон.
Две минути подоца Гул имаше шанса да го реши мечот, меѓутоа Онана излезе како победник во дуелот „еден на еден“.
Казната Порто го стигна во 91. минута кога Хари Мегваер изедначи на 3:3.
Најголемото изненадување го припреди Елфсборг. Шведскиот тим со голот на Баиду од пенал ја победи Рома.
Резултати:
Бешикташ – Ајнтрахт 1:3 (0:2)
/Масуаку 93 – Мармус 19п, Ебимбе 22, Кнауф 82/
Твенте – Фенербахче 1:1 (1:0)
/Клапа 29 – Тадиќ 71/
ПАОК – ФЦСБ 0:1 (0:1)
/Бирлигеа 45+8/
Атлетик Билбао – АЗ Алкмар 2:0 (0:0)
/Вилијамс 72, Сансет 86/
Сен Жилоа – Боде Глимт 0:0
Пилсен – Лудогорец 0:0
Ренџерс – Лион 1:4 (1:3)
/Лоренс 14 – Фофана 10, 55, Лаказет 19, 45/
Елфсборг – Рома 1:0 (1:0)
/Baidu 44/
Спорт
Димитиријевиќ добар, Милано декласиран во Монако
Новата сезона во Евролигата започна со победи на Монако, Панатинаикос и Жалгирис. Во елитното натпреварување дебитираше Ненад Димитријевиќ, чии Милано доживеа пораз од Монако 93:80.
Милано во „малото кнежевство“ одигра катастрофално прво полувреме. Во првите шест минути постигнаа само два поени (од линијата за слободни фрлања), а во првото полувреме само 26.
На полувреме Монако имаше водство 47:26. Во второто полувреме Милано се обиде, но неколку пати дојде до минути од 10 поени, но разликата по првиот дел беше преголема за некаков престврт.
Димитријевиќ за 24 минути на теренот забележа 11 поени, шест скока и пет асистенции. Ист број на поени постигна и Ледеј, а најефикасен кај Милено со 16 поени беше Брукс.
Монако, во чии редови петмина постигнаа двоцифрен број на поени го предводеше Окобо со 20 коша.
Жлагирис славеше против Барселона со 74:67. Победата на Жалгирис му ја донесоа Игнас Браздеикис со 17 поени и Силван Франциско со 14 поени.
Кај Барса, Кевин Пантер и Џабари Паркер постигнаа по 11, Николас Лапровитола 10, Вили Ергагомез осум, Јан Весели седум поени.
Европскиот првак Панатинаикос, одбраната на титулата ја започна со победа во Берлин над Алба 87:77.
Кендрик Нан беше најефикасен со 16 поени, 3 скока и 4 асистенции, а Лесор имаше 14 и 8 скока, Ернангомес 11, Грант и Слукас по 10 поени.
На другата страна 13 поени постигна Мекдауел-Вајт, 12 и 8 асистенции имаше Хермансон.
Спорт
(Видео) Германците „удрија“ по Ноер: Тој е виновен за поразот на Баерн
Германската јавност жестоко удри по голманот на Баерн, Мануел Ноер. Тој е виновникот за поразот на Баварците од Астон Вила (1:0) во второто коло, во Лигата на шампионите.
Ноер само беше Ноер претходната вечер во Бирмингем, тој беше надвор од шеснаесетникот за време на акцијата на Астон Вила и беше казнет поради тоа.
Колумбиецот Џон Дуран додека се уште беше на дуелот со Упамекан ја забележа „дупката“ што ја остави Ноер и фин лоб го совлада германскиот голман.
Баерн по којзнае кој пат настрада поради несериозноста на својот голман, кој не бега од вината, туку вели дека според планот бил поставен токму онаму каде што требало да биде.
„Сите кои ги гледаат нашите натпревари знаат дека генерално стојам подалеку од голот. Така играме и тоа го бара тренерот. Можеби требаше да застанам два метри поблиску до голот, но не сум сигурен дека и во тој случај ќе можев да стигнам до топката и да спречам гол“, изјави Ноер.
„Голот очигледно е негова вина“, изјави поранешниот играч на Ливерпул Дитмар Хаман за „Скај Спортс“ и дополни.
„Не знам што правеше надвор од 16 метри. Немаше опасност бидејќи Упамекано се уште беше во дуел со Дуран“.
Со Хаман се согласил и Михаел Балак.
„Ману е виновен за голот што го прими Баерн“, кратко и јасно изјави поранешниот германски репрезентативец.