Спорт
(Видео) Гњерманија во 92.минута до првото место во групата, Унгарија во 100.минита ја победи Шкотска
Драматични завршници го обележаа третото коло во А групата на Европското првенство во Германија. Домаќинот на турнирот од пораз се спаси со гол во 92.минута, додека Унгарија со гол во 100.минута ги задржа шансите за пласман во осминафиналето.
Германците против Швајцарија покажаа многу слабости, но успеа да се спаси од пораз и од првата позиција да влезе во осминафиналето.
Ндоје ја шокира Германија во 28.минута, кога со гол ја круниса одличната тимска акција на швајцарските фудбалери.
Германците имаа многу среќа во завршницата, ВАР поради мал офсајд го поништи голот на Варгас, а Ноер брилијантно реагираше кога се обиде Џака.
Во 92.минута Филкруг успеа да го совлада Зомер и да го постави конечниот резултат 1:1.
Унгарија ја надигра Шкотска, но до посакуваната победа дојде во 100.минута, откако Гулачи го одбрани ударот на Хендли. Следуваше контра на Унгарците од која Чобот го постигна голот за победа.
Дуелот го обележа и повредата на Варга во 69.минута. Напаѓачот на Унгарија долго лежеше на теренот, му се укажуваше лекарска помош, а потоа на носилки беше однесен од теренот и префрлен во болница на понатамошни испитувања.
Германија ја освои А групата со седум бода, два повеќе од Швајцарија, овие две селекции сигурно ќе играат во осминафиналето. Унгарија со три бода ќе го чека расплетот во останатите групи, додека Шкотска со еден бод го заврши тутнирот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милан со играч повеќе го победи Бриж, Монако со „петарда“ ја испрати Црвена звезда
Со победите на Милан и Монако започна третото коло во Лигата на шампионите. Милан го победи Бриж со 3:1, а Монако славеше над Црвена звезда со 5:1.
Милан на „Сан Сито“ ја отклуча одбраната на Бриж во 34.минута кога мајсторски погоди Пулишиќ. Репрезентативецот на САД го совлада ветеранот Мињоле директно од корнер. Во 40.минута Бриж остана со играч помалку, црвен картон доби Онједика.
Вториот дел добро започна за Бриж. Белгијците изедначија преку Сабе во 51.минута.
До крајот Рајнерс постигна два гола во 61. и 71.минута.
За Милан ова е прва победа и први бодови сезонава во Лигата на шампионите.
Во Монте Карло, Монако со добра игра во вториот дел славеше над Црвена звезда. Впечаток е дека играчите на српскиот шампион „сами“ си дадоа три гола, а еден беше спектакуларен во режија на Синго.
Минамино го отвори резултатот, откако во одбраната Силас заспа и не успеа да постави офсад стапица. Изедначи Црвена звезда преку Ндијае од пенал. Во 43.минута дискутабилна одлука пред голот на Монако, фаул имаше врз Олаинка од Закарија, но ВАР не се огласи. На истекот на првиот дел Емболо во 49.минута, повторно по грешка на одбраната на српскиот првск погоди за 2:1.
Во вториот дел уште три гола, Синго спектакуларно погоди од 25 метри, Минамино го постигна својот втор гол, а точка на мечот во 95.минута ги постави Аклиуш.
Црвена звезда последните 15 минути ги играше со играч помалку, Олаинка поради повреда го напушти теренот во ситуација кога беа извршени сите пет измени. Претходно исто така поради повреди теренот го напуштија Дуарте и Ндијае.
Монако по три рунди има седум бода, Црвена звезда се уште е без освоен бод.
Спорт
Фудбалската легенда на Уругвај ќе дебитира како тенисер
Диего Форлан, легендата на уругвајскиот фудбал, на 45-годишна возраст ќе дебитира во професионалниот тенис.
Како што пренесуваат медиумите во Монтевидео, поранешниот напаѓач на Манчестер јунајтед, Виљареал, Атлетико Мадрид и Интер е голем љубител на тенисот и наскоро ќе дебитира на АТП Челинџер.
На Светското првенство во Јужна Африка, Форлан ја подели титулата најдобар стрелец, го постигна најубавиот гол на турнирот и беше прогласен за најдобар играч на Светското првенство.
По фудбалот, Форлан најде нова страст, тенисот, а турнирот во Монтевидео, каде што ќе се појави, еднаш во 2005 година го освои шампионот на Ју-ес опен од 2009 година, Аргентинецот Хуан Мартин дел Потро.
„Внимание тениски и спортски фанови! Оваа година на на Уругвај опен имаме неверојатно дуо: аргентинскиот тенисер Федерико Корија и поранешниот уругвајски фудбалер Диего Форлан. Да, нашата „десетка“ е опсен тенисер. Оваа година Форлан се натпреваруваше на повеќе турнири во категоријата 40+ во Монтевидео, во Лима и на ИТФ мастерсот за ветерани. Форлан е леворак во тенисот, спротивно од тоа како играше фудбал. Што мислите за ова? Имате ли верба во ова дуо?“, порачаа организаторите на челинчерот во Уругвај.
Форлан има 45 години, а Корија 32. Аргентинецот моментално е 101. на АТП листата, а турнирот на кој ќе играат заедно започнува на 12 ноември.
Спорт
Мијатовиќ се врати во Партизан, но ќе работи од Шпанија
Предраг Мијатовиќ (55), легендарниот поранешен црногорски ас на Будуќност, Партизан, Валенсија и Реал, се врати во белградскиот клуб каде се прослави како играч. Мијатовиќ, напаѓач на Партизан од 1990 до 1993 година, е нов член на управата на белградскиот клуб, соопштено е по седницата на Собранието на Партизан.
Мијатовиќ доаѓа во Партизан во време кога српскиот гигант го тресе невидена резултатска, финансиска и организациска криза и кога долгот на клубот изнесува 60 милиони евра.
Партизан летово беше елиминиран од сите три европски натпреварувања во прелиминарните рунди. Во првенството по десет одиграни натпревари веќе заостануваат 11 бода зад актуелниот шампион и лидер Црвена звезда, од која сезонава како домаќини загубија со 4:0.
Мијатовиќ најави дека нема да се пресели во Белград. Ќе работи од Шпанија: „Искрено, се уште не знам како сум денес овде. Но, станува се појасно. Се сретнавме двапати, таа одлука ја донесовме завчера. Си реков: дали е можно дека сум овде. Тука дојдов без никаков финансиски интерес, едноставно нешто „одвнатре“ ме викна“, изјави Мијатовиќ.
Тврди дека го убедил новиот претседател на Партизан, Расим Љајиќ: „Му реков благодарам како успеа да ме „сршиш“ и дам е убедиш. Имв повици од многу луѓе, сега имам информации и кога Расим ме убедуваше, како ме убеди, можеби еднаш и ќе кажеме како било во некои посреќните времиња“.