Спорт
(Видео) Го нокаутираше противникот, па со адвокат отишол во полиција
![](https://makfax.com.mk/wp-content/uploads/2024/02/f_32433261_1280.jpg)
Натпреварот меѓу градските ривали Аполон и АЕЛ Лимасол во Купот на Кипар заврши со физичка пресметка.
Фудбалерот на АЕЛ, Луи де Лукас, кој неодамна пристигна од шкотскиот Ливингстон, со тупаници ја реши расправијата со Елиел Перец.
Израелецот, според пишувањата на кипарските медиуми, постојано расно го навредувал Де Лукас. Кога судијата означил крај на натпреварот 29. годишникот од Доминиканска Република физички се пресметал со него.
Де Лукас со соопштение им се извини на навивачите, пријателите на АЕЛ и Фудбалскиот сојуз на Кипар.
„Се извинувам и жалам за инцидентот по натпреварот од купот. Моите постапки се неприфатливи и непрофесионални. Сакам да му се извинам на колегата што го удрив, но и на другите жртви на моето неразбирливо однесување. Професионално се однесував во секој клуб“.
Тој не сакаше да ги оправдува своите постапки, но …
„Ми се замати умот… а противничкиот фудбалер беше непрофесионален и се однесуваше неприфатливо од моментот кога влезе во игра. Постојано ме навредуваше на расна основа, а јас не сакам да ги повторам зборовите со кои ме навреди. Никогаш во кариерата не сум доживеал ваков расизам. Поради фрустрација и понижување не размислувам, па и мојата реакција беше недостојна. Нема оправдување за тоа. Расистичките навреди ги пријавив во полиција, а со адвокат одам понатаму во Фудбалскиот сојуз на Кипар, УЕФА и ФИФА“.
Luiyi De Lucas, jogador do Ael Limassol, acertou um golpe no rosto do jogador Eliel Peretz do Apollon Limassol após o fim do jogo de ontem válido pela Copa do Chipre.
Ambos os jogadores foram expulsos. Não se sabe até agora o que Peretz disse para De Lucas. pic.twitter.com/pSlqLCbnR1
— Futebol Cipriota 🇨🇾 (@FutebolCipriota) February 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Донамура спречи дебакл на Италија – Шпанците го обезбедија првото место во Б групата
![](https://makfax.com.mk/wp-content/uploads/2024/06/12315238.jpg)
Шпанија ја победи Италија со 1:0 (0:0), во натпревар од Б групата на Европското првенство. Шпанците со овој триумф го обезбедија првото место во групата, додека актуелните европски шампиони ќе мора да се помачат за да се пласираат во нокау фазата.
Натпреварот на стадионот на Шалке во Гелзенкирхен речиси 80 минути беше еднонасочна улица. Шпанците ги надиграа своите противници, Џиџи Донамрума е причината зошто славеа само со 1:0.
Голманот на Италија имаше осум интервенции. од друга страна азурите
воопшто не се заканија кон голот на Симон.
Шпанските фудбалери упатија 20 удари, осум од нов оде аво рамката на голот, додека од трите италијански обиди ниту еден не одеше во голот на Симон.
Победникот го реши автоголот на Калафиори во 55.минута.
Во последното коло Шпанија ќе игра против Албанија, а Италија против Хрватска.
Спорт
(Видео) Англија освои бод против Данска
![](https://makfax.com.mk/wp-content/uploads/2024/06/12314733.jpg)
Репрезентациите на Данска и Англија ремизираа во натпреварот од второто коло од групата Ц на Европското првенство во Германија. Натпреварот во Франкфурт заврши 1:1 (1:1).
Антглија, слично како и против Србија одигра лош натпревар, без јасна идеја во играта, но за разлика од првото коло не успеа да победи.
Хари Кејн го постигна првиот гол на мечот во 18.минита. На голот му претходеше лоша реакција на Кристенсен, Вокер му ја украде топката, нафрли, Сака малку ја допре топката која дојде до Кејн.
Изаедначи Мортен Хјулманд со спектакуларен гол во 34. минута.
Англичаните и понатаму се лидери во групата Ц и имаат четири бода, Данска и Словенија имаат по два бода, а Србија еден.
Англија со нерешениот резултат прптив Данска зачекори во осминафиналето. Во последното коло, во понеделник од 21 часот ќе играат Данска и Србија, односно Англија и Словенија.
Спорт
Мбапе во трка со времето, сака да игра пртив Холандија
![](https://makfax.com.mk/wp-content/uploads/2024/06/3989604-80967789-640-480.jpg)
Килијан Мбапе, најдобриот француски фудбалер и еден од најдобрите играчи во светот, сепак би можел да се најде во тимот на триколорите во второто коло од групата Д против Холандија.
Иако првите информации беа крајно песимистички и француските медиуми пишуваа дека новата ѕвезда на Реал сигурно нема да биде во тимот против Холандија, РМЦ денеска пишува дека Мбапе сака да игра и дека сега е во трка со времето.
Мбапе во понеделникот го повреди носот, во самиот финиш на натпреварот од првото коло од групата Д, во Франција ја совлада Австрија со 1:0.
Ден по средбата со Австрија, Француската фудбалска федерација соопшти дека Мбапе нема да оди на операција за време на ЕП, туку ќе добие заштитна маска и ќе продолжи да игра.
РМЦ, пишува дека Мбапе денеска ќе добие заштитна маска, која би му овозможила да тренира со неа вечерва. Самиот најдобро ќе оцени дали ќе може да игра. РМЦ, додава дека Мбапе, со фластер на носот одработи лесен тренинг во средата. тенираше лесно во средата со завој на носот, но не учествуваше со остатокот од тимот, туку вежбаше сам. Она што ги охрабрува француските навивачи е фактот дека Мбапе сака по секоја цена да биде во тимот во петок навечер.