Спорт
(Видео) Го нокаутираше противникот, па со адвокат отишол во полиција

Натпреварот меѓу градските ривали Аполон и АЕЛ Лимасол во Купот на Кипар заврши со физичка пресметка.
Фудбалерот на АЕЛ, Луи де Лукас, кој неодамна пристигна од шкотскиот Ливингстон, со тупаници ја реши расправијата со Елиел Перец.
Израелецот, според пишувањата на кипарските медиуми, постојано расно го навредувал Де Лукас. Кога судијата означил крај на натпреварот 29. годишникот од Доминиканска Република физички се пресметал со него.
Де Лукас со соопштение им се извини на навивачите, пријателите на АЕЛ и Фудбалскиот сојуз на Кипар.
„Се извинувам и жалам за инцидентот по натпреварот од купот. Моите постапки се неприфатливи и непрофесионални. Сакам да му се извинам на колегата што го удрив, но и на другите жртви на моето неразбирливо однесување. Професионално се однесував во секој клуб“.
Тој не сакаше да ги оправдува своите постапки, но …
„Ми се замати умот… а противничкиот фудбалер беше непрофесионален и се однесуваше неприфатливо од моментот кога влезе во игра. Постојано ме навредуваше на расна основа, а јас не сакам да ги повторам зборовите со кои ме навреди. Никогаш во кариерата не сум доживеал ваков расизам. Поради фрустрација и понижување не размислувам, па и мојата реакција беше недостојна. Нема оправдување за тоа. Расистичките навреди ги пријавив во полиција, а со адвокат одам понатаму во Фудбалскиот сојуз на Кипар, УЕФА и ФИФА“.
Luiyi De Lucas, jogador do Ael Limassol, acertou um golpe no rosto do jogador Eliel Peretz do Apollon Limassol após o fim do jogo de ontem válido pela Copa do Chipre.
Ambos os jogadores foram expulsos. Não se sabe até agora o que Peretz disse para De Lucas. pic.twitter.com/pSlqLCbnR1
— Futebol Cipriota 🇨🇾 (@FutebolCipriota) February 22, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Самер Макинтош и Леон Маршан се најдобрите на планетата

Самер Макинтош во женска конкуренција и Леон Маршан во машка конкуренција се најдобри учесници на Светското првенство во пливање во Сингапур.
Признанијата беа доделени врз основа на достигнувањата во поединечни трки, не се броеја резултатите од штафетните трки.
Канаѓанката освои четири злата и една бронза во Сингапур. Таа победи на 200 и 400 метри мешано, 200 метри градно и 400 метри слободно, додека беше трета на 800 метри слободно. Во 200 метри делфин, таа го исплива и вториот најдобар резултат во историјата со 2:01,99, само 18 стотинки побавно од светскиот рекорд на Лиу Зига.
Французинот исплива само две поединечни трки, за разлика од Олимписките игри во Париз, каде што освои четири злата, но тоа беше доволно за да ја добие престижната награда.
Тој славеше на 200 и 400 метри мешано, и беше единствениот што успеа да го собори светски рекорд во поединечна конкуренција. Тој стигна до целта во трката на 200 метри мешано со време од 1:52,69, со кое се помести речиси секунда и пол над границата од соништата, која му припаѓаше на Американецот Рајан Лохти (1:54,00).
Спорт
Ѓоковиќ го сели турниот од Белград во Атина

Новак Ѓоковиќ, најдобриот тенисер на сите времиња, е во напредни преговори со Панатијаикос во врска со организацијата на АТП-турнирот.
Како што објави грчката СДНА, турнирот од серијата АТП 250 треба да се одржи од 2 до 8 ноември во атинската „ОАКА арена“.
Грчките медиуми пишуваат дека главна цел на јунската посета на Ѓоковиќ на грчката престолнина била префрлање на АТП-турнирот од Белград во Атина.
„Како што е познато, односите на Новак со претседателот на Србија, Александар Вучиќ, беа нарушени по трагедијата во Нови Сад и поддршката на 38-годишниот тенисер за протестите против режимот. Поради ова, семејството на Ѓоковиќ ги виде и модерните можности на арената ОАКА“, пишува „СДНА“.
За сè беше информирана и Евролигата, со цел да се организира Панатинаикос да игра во други сали во текот на ноември додека трае турнирот.
Од 1994 година, тениски турнир од ова ниво не е одржан во Атина. За прв пат, спортски настан на високо ниво, кој не е кошаркарски натпревар, треба да се одржи во „ОАКА Арената“, која се наоѓа во рамките на Олимпискиот комплекс во Атина. Планирано е натпреварите да се одржуваат на тврда подлога, под која има LED екран, кој се користи и за време на натпреварите на Панатинаикос.
АТП турнирот во Белград досега се одржа двапати. Првото издание во 2021 година го освои Ѓоковиќ, кога беше подобар од Алекс Молчан во финалето, а второто издание се одржа во 2024 година. Тогаш победи Канаѓанецот, Денис Шаповалов.
Спорт
Касадо од Барса во Атлетико?

Барселона мора да продава за да може да регистрира повеќе играчи во првиот тим, вклучувајќи ги Џоан Гарсија, Војчех Шчесни и Маркус Рашфорд.
Марк-Андре тер Штеген и Андреас Кристенсен се сметаат за главни кандидати за заминување, но засега ништо не се случува во таа насока. Двајцата гласно и јасно кажаа дека нема намера да го напуштата клубот.
Наместо тоа, меѓу потенцијалните заминувања се појавија нови имиња, а еден од нив е Марк Касадо.
Барселона го проценува Касада на 30 милиони евра, а се верува дека неговата продажба би овозможила регистрација на Гарсија, Шчесни и Рашфорд во Ла Лига.
Неколку клубови од Премиер лигата се заинтересирани за младиот дефанзивен играч од средниот ред, а според „Спорт“, интерес покажува и Атлетико Мадрид.
Тренерот на Атлетико, Диего Симеоне, е голем обожавател на Касадо, а по заминувањето на Родриго Де Паоло во Интер Мајами, се отвори простор за доведување на уште еден играч од средниот ред. Атлетико веќе го донесе Џони Кардосо од Реал Бетис претходно ова лето.