Спорт
(Видео) Голден стејт Ворирос се збогуваа со Дејан Милојевиќ
Голден стејт Вориорс му оддадоа почит на покојниот Дејан Милојевиќ со интонирање на српската химна пред почетокот на натпреварот со Атланта.
Секој играч на Вориорс носеше дрес со презимето на починатиот тренер.
Голден стејт се вратија на домашен паркет за прв пат откако помошниот тренер на Вориорс почина минатата недела за време на вечерата во Солт Лејк Сити.
Видеото на големото платно во салата покажа фотографии од Дејан, а публиката скандира „Деки“, како што го нарекуваа во Голден Стејт.
Од другата страна, облечени во дресови на Атланта, беа пријателите на Милојевиќ, кошаркарот Богдан Богдановиќ и помошникот тренер Игор Кокошков. Сопругата на Милојевиќ, Наташа, држеше букет цвеќе, во друштво на децата Маша и Никола. На барање на тренерот Стив Кер, публиката ги поздрави со овации.
Кер ја коментираше насмевката на Милојевиќ и рече дека фотографиите прикажани на големиот екран одлично го прикажуваат неговиот лик.
„Насмевката е совршена. Деки секогаш беше насмеан. Беше многу емотивно да се излезе на теренот без Деки. Сè е премногу свежо и болно, на многу начини нереално. Трениравме неколку дена, но не можете да се подготвите за ова. Се држевме заедно, се обидовме да победиме, во чест на нашиот брат“, рече Кер.
Играчите и стручниот штаб на Атланта му оддадоа почит на Милојевиќ.
Голден Стејт славеше на својот паркет 134:112.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Почина еден од најдобрите фудбалери од минатиот век
На 73-годишна возраст почина Јохан Нескенс, еден од најдобрите фудбалери на 20 век.
Светско признание и слава стекна играјќи за холандската репрезентација, како и за клубовите Барселона и Ајакс.
Признаен како еден од најголемите фудбалери на 20 век, Нескенс, заедно со Јохан Кројф, беше дел од златната генерација на Ајакс која освои три европски купа на почетокот на 1970-тите, а исто така беше член на холандската репрезентација која стигна до две последователни финалиња Светско првенство во 1974 и 1978 година.
Johan Neeskens 🙏🏻
pic.twitter.com/YEsOykxim7— ᴇᴅᴜᴀʀᴅ ʟɪɴᴅᴇʙᴏᴏᴍ (@linde17) October 7, 2024
„Есенски ден кој започна сончево, додека не добивме порака од Алжир дека почина Јохан Нескенс. Јохан остана во Алжир поради проектот на нашата алијанса. Зборовите се несоодветни за оваа огромна, ненадејна загуба. Нашите мисли се со неговата сопруга Марлис, неговите деца, семејството и пријателите. Светот се збогува не само со надарениот спортист, туку особено од посветен, енергичен и прекрасен човек“, се вели на веб-страницата на Фудбалскиот сојуз на Холандија.
Спорт
(Видео) Што значи фудбалот за тебе? Одговорот на Иниеста е солзи
Андрес Иниеста пред неколку дена најави прес-конференција која ја закажа за 8 октомври во Барселона. Се шпекулира и сите очекуваат тој да објави дека става крај на својата играчка кариера.
Ден пред средбата со медиумите, Иниеста на социјалните мрежи објави кратко видео од кое треба да имаме претстава што не очекува.
Иако не беше конкретно наведено, се е јасно – Андрес Иниеста ја заврши кариерата.
„Што за тебе значи фудбалот?“, видеото започнува со тоа прашање.
Одговорот доаѓа по пауза и избришани солзи…
„За мене фудбалот беше…“ и нема крај на реченицата.
El Juego Continúa ❤️⚽️ 8️⃣🔟2️⃣4️⃣ pic.twitter.com/YLrDOfxVCB
— Andrés Iniesta (@andresiniesta8) October 7, 2024
Луис Енрике ќе каже дека се сеќава кога децата биле на улиците и кога мајките ги повикувале кога ќе се стемни и веќе не се гледа топката.
„Тоа е Андрес Иниеста за мене. Тој има 40 години и се уште не е сигурен – дали да продолжам да играм“.
И соиграчите и тренерите на Иниеста ќе се менуваат во своите изјави, ќе го фалат великанот што го имаше играта… Но, одговорот на Иниеста што е за него фудбалот – го нема.
Иако во двете минути од видеото наречено „Играта продолжува“, воздишките и солзите на Иниеста го кажуваат она што тој очигледно не може да го каже.
Спорт
Крај на сезоната и за Дуван Запата
Викендов сезоната која е на самиот почетоко заврши за уште еден фудбалер. Колумбиецот Дуван Запата, спроед прогнозите ќе паузари седум до девет месеци.
Запата се повреди во саботата на натпреварот против Интер.
Беше изнесен од теренот на носилки, па деталните анализи потврдија дека му се оштетени предните вкрстени лигаменти на коленото, а исто така го оштетил менискусот, што дополнително ја усложнува ситуацијата.
Запата е петтиот фудбалер кој во последниве две недели се здоби со тешка повреда поради која ја заврѓи сезоната.
Претходно тоа им се случи на Родри од Манчестер сити, десниот бек на Реал, Дани Карвахал, стоперот на Јувентус, Бремер, како и Марк-Андре тер Штеген и Марк Бернал од Барселона.