Спорт
(Видео) Гринвуд исклучен против Рајо Валјекано, судијата тврди дека го опцул

Рајо Ваљекано, синоќа стави крај на серијата од осум натпревари без пораз, во која беа фудбалерите на Хетафе.
Рајо Ваљекано, со голманот Столе Димитриевски, забележа победа 2:0. Двата гола ги постигна Серхио Камељо.
Хетафе натпреварот го заврши со двајца играчи помалку на теренот, а црвен картон на клупата доби и Дамијан Суарез.
Судијата Хорхе Фигуероа Васкез, покажа и девет жолти картони.
Во 37.минута Хетафе остана без Латаса, кој го доби вториот жолт картон, а во 50.минута црвен картон доби Мејсон Гринвуд поради приговор.
Гринвуд во 50. минута предводеше брз напад на својот тим. Двајца играчи на Рајо Ваљекано се обидоа да го спречат со фаул, на крајот тоа им успеа. Гринвуд, лут што не беше досуден фаул, му дофрли нешто на судијата, а Фигуероа Васкез без размислување му покажа црвен картон. Гринвуд шокиран, побара објаснување од судијата зошто го исклучил, но не доби одоговор.
Видео од спорниот момент:
Подоцна, записникот од натпреварот ја откри верзијата на главниот судија. Образложи дека црвенот картон на Гринвуд му го доделил бидејќи фудбалерот му рекол „F*ck You“, што на англиски значи „е.и се“.
Англискиот фудбалер и неговиот тренер Хосе Бордалас, тврдат дека тоа не е точно, туку дека Гринвуд ја коментирал одлуката на судијата да не му досуди прекршок извикувајќи „F*ck sake“ или „да ти е.ам“.
⚠️💥 #Oficial | Acta del Getafe – Rayo Vallecano.
🗣️ Según Figueroa Vázquez, Greenwood se dirige a él en los términos "Fuck you".
▪️ El jugador del Getafe asegura a sus compañeros que la expresión fue "Fuck sake".
❌ El inglés se expone a una sanción de entre 1 y 4 partidos. pic.twitter.com/ADpiesL7KO
— Archivo VAR (@ArchivoVAR) January 2, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Пулишиќ ќе го продолжи договорот со Милан

Американскиот фудбалер Кристијан Пулишиќ се согласил да го продолжи договорот со челниците на Милан, објави италијанскиот весник „Газета дело Спорт“.
Како што тврди „Газета“, 26-годишниот капитен на репрезентацијата на Соединетите Американски Држави ја прифатил понудата да потпише нов договор до јуни 2029 година со зголемување на годишната плата од четири на пет милиони евра.
Пулишиќ е најдобар стрелец на Милан оваа сезона со 16 постигнати голови на 45 натпревари во сите натпреварувања.
Пред Милан, американскиот играч од средниот ред играше за Челзи и Борусија Дортмунд.
Во дресот на САД, тој постигна 32 гола на 78 натпревари.
Спорт
Алекс Баена се договорил со Атлетико

Фудбалскиот клуб Атлетико Мадрид планира големи летни инвестиции. Алекс Баен од наредната сезона се сели на „Метрополитано“ во Мадрид.
Извори од Мадрид блиски до Атлетико денес открија дека Баена веќе бара куќа во шпанската престолнина, дека ја договорил платата и сега чека клубовите да се договорат за обештетувањето.
Баена има 23 години, ја мина Академијата на Виљареал, но стигна до првиот тим преку Џирона, каде што играше како позајмен играч во сезоната 2021/22.
Во меѓувреме, Баена стана член на шпанската репрезентација, а според статистичките податоци, тој е еден од најдобрите плејмејкери во Ла Лига, иако игра на левата страна во редот за врска.
Тој ќе биде идеален во системот 4-4-2 на Диего Симеоне. Атлетико и минатото лето преговараше за неовиот трансфер, но тогаш клубовите не се договорија. Претходно се шпекулираше дека Виљареал очекува отштета од 50 милиони евра за неговиот потпис, што Атлетико очигледно е подготвен да го плати.
Но, Баена не е единственото бомбастично засилување, бидејќи се споменува дека Атлетико Мадрид наскоро ќе го официјализира трансферот на напаѓач. Анхел Кореа е на излезна врата, Антоан Гризман е во години, а Симеоне сака уште едно големо име покрај Хулијан Алварез, бидејќи Александар Серлот е решение од клупата.
Не е познато за кого се работи, но медиумите пишуваат дека Атлетико наскоро ќе објави со кој играч постигнале договор.
Спорт
Монако му нуди тригодишен договор на Миротиќ

Монако блеска оваа сезона во Евролигата, тие се на чекор до пласман на завршниот турнир, но во Кнежевството веќе размислуваат за засилувања за следната сезона.
Монако води со 2:0 во плејоф серијата од елитното натпреварување против Барселона и уште една победа би им обезбедила пласман на завршниот турнир во Абу Даби.
За следната сезона, според медиумите, прва желба е крилниот центар на Армани Милано, Никола Миротиќ.
Миротиќ не му донесе успех на Армани оваа сезона, но беше лидер на тимот на Еторе Месина.
Црногорецот со шпански пасош има договор со Миланезите уште една година, но има опција со која би можел да ја раскине соработката.
Како што објави новинарот Чема де Лукас, Монако е подготвен да му понуди тригодишна соработка на Миротиќ, кој оваа сезона постигнува 17,7 поени со 6,4 скока и две асистенции по натпревар.