Новак Ѓоковиќ требаше да присуствува на последниот меч на Рафаел Надал, но поразот од Шпанија во четвртфиналето на Дејвис купот ги изненади сите, вклучително и самите организатори.

Долго време потоа се зборуваше дека збогувањето е недостојно за кариерата на еден од најголемите тенисери на сите времиња, па дури и Ѓоковиќ се согласи дека се можело да биде организирано подбро.

„Не ги знам точните детали за тоа како планираа да ја направат церемонијата, но знам дека планот беше тоа да се случи по полуфиналето, доколку Шпанија помине. Јас и Мареј планиравме да бидеме таму. Поради распоредот не можевме да се организираме за четвртфиналето, но планиравме да бидеме во Малга за полуфиналето. Па, испадна онака како што испадна, за жал. Не знам повеќе од тоа“, рече Ѓоковиќ и додаде:

„Ја видов снимката… Не знам, не знам дали Рафа сакаше да не прави нешто големо, бидејќи не сакаше да им прави проблеми на другите репрезентации и натпреварите на турнирот. Искрено не знам, се чувствувам лошо што не бев таму“, рече Србинот и дополни.

„Бев со него во Саудиска Арабија, бевме заедно на теренот. Тоа беше убав момент. Ролан Гарос, Олимпијадата… Според мене, тоа не беше направено како што треба. Можеби тој самиот не беше 100 отсто сигурен дали ќе игра или не, дали може да игра уште, а потоа беше доцна да се организира нешто поголемо“.

Претседателот на Барселона Џоан Лапорта се обрати до јавноста на прес-конференција по враќањето на тимот од Саудиска Арабија, каде што го освоија Суперкупот со победата против Реал Мадрид (5:2).

„Дестабилизаторите од внатре и однадвор ќе мора да работат напорно за да не соборат. Ќе мора да работат многу повеќе ако сакаат да дестабилизираат клуб со повеќе од 100 години историја. Излеговме од од сите проблеми посилни, со обновена енергија. Нема да успеат да не дестабилизираат во клучен момент од историјата. Имаме тим кој ќе им пружи големо задоволство на нашите навивачи“, рече на почетокот Лапорта и ја продолжи својата презентација.

„Секоја кампања против клубот нема да ја спречи Барселона да биде сакана и обожавана од милиони луѓе ширум светот. Нашите играчи не не напуштија затоа што ја завршивме нашата работа. Сакаа да не ликвидираат, но ние никогаш не се откажавме. Успеавме да го оствариме она што го сакавме, ги регистриравме Олмо и Виктор и го вративме „правилото 1:1“.

„Успеавме во ова бидејќи сите во клубот работеа добро, направивме извонредна работа“, заклучи тој, откривајќи и дека Барселона повеќе не е под посебен надзор од Ла Лига благодарение на договорите со спонзорите како Најк и Спотифај.

„Кога ги потпишавме Олмо и Виктор летово, разговаравме со Најк. Сепак, Кристенсен беше повреден долго време и тоа го искористивме за да ги регистрираме Олмо и Виктор. Мислевме дека ќе ги регистрираме подоцна благодарение на договорот со Најк, но ние сепак го потпишавме тој договор. Доколку договорот со Најк го потпишевме минатото лето ќе заработевме 300 милиони евра помалку“, продолжи тој и индиректно му се заблагодари на Реал Мадрид.

„Обично не откривам приватни разговори, но можам да кажам дека сум многу благодарен на клубовите кои не ни се спротивставија во овој случај. Можеби сме ривали на теренот, но можеме да подадеме рака за други работи. не бев среќен со оние што зборуваа против нас, а јас сум им благодарен на оние што не зборуваа. Зборував со Флорентино Перез во текот на Суперкупот во Саудиска Арабија и што може да се подобри во однос на организацијата. Можеби треба да бидеме подобро платени и да добиеме повеќе од се“, истакна Лапорта.

Во врска со регистрацијата на Олмо, тој рече дека клубот ја испратил документацијата на 27 декември, но дека Ла Лига побарала дополнителна документација.

„Веќе го исполнивме правилото (за финансиски фер-плеј) на 31 декември“, рече Лапорта.

„Но, Ла Лига сметаше дека треба да ја доставиме дополнителни документи, што го направивме на 3 јануари“, додаде тој.

Лапорта објасни дека Барселона на инвеститорите од Катар и Обединетите Арапски Емирати им дала долгорочен закуп на 475 од 9.600 ВИП места на стадионот „Камп Ноу“, кој моментално се реновира и ќе има вкупно 105.000 седишта.

„Инвеститор од Катар ги купи седиштата за 30 милиони евра и ни ги исплати тие пари кои ги претставивме во Ла Лига. Друг инвеститор од Емиратите ги купи седиштата за 70 милиони евра и требаше веднаш да ни плати 40 отсто од таа сума. Но, парите не легнаа ведаш на сметката. Сметката беше затворена на 31.декември бидејќи банките беа затворени (за новогодишната ноќ), па парите ги добивме на 3 јануари, кога ја испративме потврдата во Ла Лига. “ изјави претседателот на Барселона.

Рускиот тенисер Андреј Рубљов го заврши учеството на Австралија опен во првото коло. Бразилскиот тенисер Жоао Фонсека (112. на АТП листата) го победи Рубљов со 3:0 (7:6(1), 6:3, 7:6(5).

Од стартот искусниот Рус и 18-гдишникот од Бразил водеа голема борба. Немаше брејк во првиот сет, а во 13.игра, Фонсека го декласира Рубљов со 7:1 и го освои сетот. Борбата во првиот сет беше изедначена до крајот. Ниту еден од играчите не успеа да го избие сетот, па беше потребен тај-брејк.

Веднаш на стартот од вториот сет Бразилецот успеа со брејк да дојде до предност од 3:0, а потоа го одбрани својот сервис и поведе со 2:0.

Третиот решавачки сет исто така беше решен во тај-брејк. Бразилецот започна силно, дојде до водство од 4:0, но Рублев одговори и израмни (5:5). Фонсека тај-брејкот го доби со 7:5.

Бразилецот во второто коло на Австралија опен ќе се соочи со Италијанецот Лоренцо Сонего.

Фонсека стана вториот тинејџер од 1973 година кој победил Топ 10 играч во главниот ждреб на Грен слем.