Спорт
(Видео) Хамилтон му одговори на Ферстапен: Непријателства секогаш ќе има
Луис Хамилтон, поранешен светски шампион, се одговори на обвинивања која дојдоа од актуениот шампион Макс Ферстапен.
Холанѓанецот тврдеше дека Хамилтон е виновен за инцидентот на патеката Хунгароринг, кога двајцата возачи се судрија.
Се се случи кога Ферстапен сакаше да го заобиколи Хамилтон во борбата за третата позиција во финишот на трката. Ферстапен на крајот заврши на петтото место, а Хамилтон остана трет зад победникот Оскар Пјастри и Ландо Норис.
„Тргнав да го поминам. Некаде на средината на таа зона на минување, кога веќе решив да поминам, тој одеднаш тргна надесно. Да не свртев малку, ќе имаше посилен контакт со него. Така, закочив природно, бидејќи тој продолжи да оди надесно“, рече Ферстапен.
Од Хамилтон беше побарано да го коментира инцидентот и наводите изнесени од Ферстапен.
„Поминувавме покрај група болиди кои ги минувавме за цел круг и влегов во добра зона, кога се појави Макс, па зазедов одбранбена позиција. Му оставив многу простор внатре, но Макс реши да заземе поинаква траекторија кон мене. Имав чувство дека тоа е стандарден тркачки инцидент, бидејќи во тие ситуации е лесно да се направи грешка, па чувствувам дека нема причина за некакво непријателство, иако од друга страна секогаш ќе има такви работи“, изјави Британецот.
Во генералниот поредок на шампионатот, Ферстапен е прв со 265 бодови, Ландо Норис е втор со 189, додека Хамилтон е шести со 125 бодови.
Complete footage of the incident between Max Verstappen and Lewis Hamilton!#F1 #Formula1 #HungarianGP pic.twitter.com/RX6M9O3P4H
— Extreme Cars (@extremecars__) July 21, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Галатасарај со Осимен го растури Фенербахче на Жозе Мурињо
Во големото дерби на турскиот фудбал, актуелниот шампион Галатасарај победи со 3:1 на стадионот на Фенербахче. Галатасарај има шест победи со што го изедначи најдобриот старт на клубот во Супер лигата.
Гостите поведоа во 21. минута со автоголот на Доминик Ливаковиќ. Топката по ударот на Лукас Тореира се одби од стативата се одби од грбот на Ливаковиќ и заврши во голот.
Осум минути подоцна беше 2:0 за гостинскиот тим, а во главните улоги беа двајца поранешни играчи на Наполи.
Виктор Осимен, големото засилување на Галата оваа сезона, атрактивно со гради му асистираше на Дрис Мертенс, а ветеранот ја зголеми предноста на својот тим.
Кога во 60. минута 20-годишниот Бразилец Габриел Сара зголеми на 3:0, јасно беше дека Фенербахче ќе го доживее првиот пораз сезонава.
Две минути подцна Џеко од пенал постигна гол за Фенербахче. До крајот на мечот Фенербахче напаѓаше, имаа играчите на Жозе Мурињо две добри шанси но резултатот остана 1:3.
Галатасарај по првите шест кола има исто толку победи, на табелата има пет поени повеќе од Фенербахче.
Спорт
Шаховска партија во Торино, Јуве и Наполи ремизираа без голови
Фудбалрите на Јувентус и Наполи го разочараа фудбалскиот аудиториум во Италија, одиграа без гоови во дербито.
Првото полувреме мина во јалова иницијатива на Јувентус. Повеќе се играше на половината на Наполи, но без конкретна шанса за гол.
Во вторито дел Јувентус тргна поофанзивно кон голот на Наполи и со тоа покажа дека сака да победи.
Свои шанси имаа Веа и Јилдиз, но како се ближеше крајот на натпреварот се поизвесно беше дека ова дерби ќе заврши без голови.
Ова е трет натпревар во низа кој Јувнетус го одигра без голови. Избраниците на Тиаго Мота сепак не примија гол во домашниот шампионат.
Спорт
(Видео) Миовски стартер, Џирона загуби во Валенсија
Бојан Миовски го забележа првиот старт во Примера, но неговата Џирона доживеа пораз во Валенсија. „Љиљаците“ во шестото коло ја забележаа првата победа во новата сезона.
Првото полувреме беше здодевно, а двата гола беа постигнати во рок од две минути во второто полувреме. Капитенот на Џирона, Хуанпе Рамирез, си постигна авто гол во 56.минута, а две минути подцна топката во мрежата на Пауло Газанига ја смести Дани Гомез.
Миовски како и целиот тим на Џирона одигра просечен натшревар, очигледно врз екипата на Мичел остави трага тешкиот натпревар во Париз против ПСЖ во Лигата на шампионите.