Спорт
(Видео) Хејс-Дејвис со звукот на сирената го поништи кошот на Шортс – Фенер го победи Париз

Фенербахче и Париз, вечерва во Истанбул одиграа спектакуларен ме, еден од најдобрите оваа сезона во Евролигата. Фенер победи со 101:100, со тројката на најџел Хејс-Дејвис со звукот на сирената, откако претходно на 2,5 секунди до крајот Ти Џеј Шортс му донесе предност на Париз.
Париз одигра брилијантни три четвртини кај фаворизираниот противник. Тимот на Тиаго Сплитер во првите 30 минути погоди девет тројки од 16 обиди, водеше и со 15 поени разлика, а во последниот период влезе со предност од 13 поени.
Во решевачката четвртина Фенербахче одигра спектакуларна одбрана во првите речиси седум минути, на играчите на Париз им дозволија само два поени од линијата за слобидни фрлања.
Драмата ја режираше Хејс-Дејвис кој до 34.минута постигна само пет поени. Американецт постигна 11 поени по ред и му донесе предност на фенер 91:88. Дејвис кој шутираше тројки 0/6, во последната четвртина ги погоди трите шута за три поени. Париз одговори на ист начин со серија од осум поени.
Во драматичната завршница, Шортс погоди на 2,5 секунди до крајот за Париз, за 98:100, но Дејвис со звукит на сирената на Фенер му ја донесе 21.победа оваа сезона.
.@NIGEL_HAYES to send @FBBasketbol to the playoffs 🤯
What a SHOT! #MotorolaMagicMoment I @Moto I #RivalrySeries pic.twitter.com/65nR3rltKe
— Turkish Airlines EuroLeague (@EuroLeague) March 25, 2025
Најефикасен на натпреварот беше Марко Гудуриќ со 25 поени, но херојот е Најџел Хејс-Дејвис, кој постигна 14 од своите 19 поени во последните минути.
Ерик Мекколум мечот го заврши со 18 поени и пет скока, а двоцифрен кај домашниот тим беше и Тарик Биберовиќ со 14 поени и четири асистенции.
Кај Париз се истакна Ти Џеј Шортс со 19 поени и 10 асистенции, а идентичен поентерски учинок имаше и Надир Хифи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Манасков го постигна голот на колото во ЛШ

Поранешниот македонски репрезентативец, Дејан Манасков, го постигна најубавиот гол во петтото коло, во Лигата на шампионите.
Еурофарм Пелистер, во средата загуби од Барселона во Битола со 30:34. Манасков голот на колото го постигна во последната минута. Тоа беше цепелин, додавање од голманот Митревски, а левото крило на Еурофарм Пелистер погоди од невозможен агол.
Foto/ facebook.com/hceurofarmpelister
🔥 𝙏𝙊𝙋 5 𝙂𝙊𝘼𝙇𝙎 – Round 5 powered by Gorenje!
1️⃣ Dejan Manaskov – HC Eurofarm Pelister
2️⃣ Mathias Gidsel – Füchse Berlin
3️⃣ Martim Costa – Sporting Clube de Portugal
4️⃣ Lazar Kukic – OTP Bank-PICK Szeged
5️⃣ Felix Claar – SC Magdeburg#ehfcl #CLM #handball pic.twitter.com/ZVZpxxXnmg— EHF Champions League (@ehfcl) October 17, 2025
Спорт
Македонија назадуваше на ФИФА листата

Македонската фудбалска репрезентација назадуваше на новата ранг-листа на ФИФА за најдобрите селекции во светот.
Македонија се наоѓа на 65-то место, што во однос на претходното рабгирање, преставува пад од две места.
Фудбалската репрезентација на Македонија, минатата недела одигра два натпревари во квалификациите за пласман на СП. Двете средби со Белгија и Казахстан завршија 1:1.
Пред Македонија, меѓу другте на листата меѓудруготе се Албанија, Република Ирска, Буркина Фасо, Хондурас…
На новата ранг листата на ФИФА има промени во Топ 10. Германија е десетта, а Хрватска испадна од најдобрите 10 во светот.
На врвот е Шпанија, Аргентина ја скокна Франција на второто место, а а Холандија е шеста, пред Бразил.
Топ 10: Шпанија, Аргентина, Франција, Англија, Португалија, Холандија, Бразил, Белгија, Италија и Германија.
Фото/ Фудбалска федерација на Македонија
Спорт
Сакал да го купи Евертон, сега е обвинет за измама вредна над 500 милиони

Еден од основачите на инвестициската фирма „777 Partners“, која се обиде да го купи Евертон, е обвинет за наводна измама на инвеститори за повеќе од 500 милиони долари.
Наводно, Џош Вандер користел лажни финансиски документи за да донесе пари во „777 Partners“. Барем така велат федералните истражители од Њујорк.
Групата „777 Partners“ се обиде во јуни 2024 година да го купи Евертон, но тој обид неславно пропадна.
„Вандер ја користеше својата инвестициска фирма, „777 Partners“, за да ги измами приватните инвеститори и инвеститорите за стотици милиони долари, презентирајќи финансиски документи што се состоеја од фалсификувани банкарски извештаи и лажно претставувајќи ја финансиската состојба на фирмата во која тој беше ко-сопственик“, рече обвинителот Џеј Клејтон.
Специјалниот агент кој ја водеше истрагата, Рики Џ. Пател, рече дека Вандер ги фалсификувал финансиите на компанијата за да изгледа стабилна и дека злоупотребите биле долготрајни, а вистината била де ка фирмата е кула од карти.
Според инспекторите, сè започнало во 2018 година, кога Вандер почнал да инвестира во „нови сектори со помали финансиски текови, вклучувајќи платформи за стриминг, авиокомпании и професионални спортски тимови како Севилја и Џенова“.
Инспекторите наведуваат дека сè што направил Вандер го направил знаејќи дека компанијата или нема пари или веќе била во долг кон инвеститорите, и дека се обидел да има корист од тоа.
Вандер е обвинет за заговор за извршување тешка измама, тешка измама и заговор за извршување измама. Секоја од овие три точки носи максимална казна од 20 години затвор. Тој е обвинет и за заговор за извршување безбедносна измама, што е казниво со максимална казна од пет години затвор.
Адвокатот на Вандер, Џордан Естес, рече дека неговиот клиент ги негира обвинувањата и рече дека станува збор за „деловно недоразбирање што некој сака да го претстави како измама“ и дека ќе направи сè што може за да докаже дека неговиот клиент е во право.