Спорт
(Видео) Хулиганите на Легија повредија четворица полицајци во Бирмингем
Полски фудбалски хулигани, повредија четворица полицајци, од кои еден заврши во болница, пред гостувањето на Легија во Бирмингем против Астон Вила.
Драматичните снимки доаѓаат од Бирмингем од жестоките пресметки меѓу полицијата и хулиганите на улиците на англискиот град во четвртокот вечерта, кои доведоа до 39 апсења.
Еден полицаец кој бил зафатен од пламен откако бил погоден од факел се здобил со изгореници и бил хоспитализиран.
На полските навивачи потоа им беше забрането да влезат на „Вила парк“, но мала група успеа да ја пробие безбедносната ограда и да се доближи доволно до стадионот и гласно да го прослават голот на Легија.
Вила подоцна успеа да направи пресврт и да победи со 2.1.
Навивачите насилно влегоа откако полицијата на Вест Мидлендс објави на социјалните мрежи дека не ги пушта навивачите на Легијата на стадионот откако ја нападнаа полицијата со факели.
„Ова требаше да биде одлична фудбалска вечер за навивачите на двата клуба требаа да уживаат. За жал, имаше ужасни сцени каде навивачите фрлаа факели и други проектили врз нашите полицајци“, рече главниот инспектор Тим Робинсон, командантот на органите за спроведување на законот кој беше одговорен. на натпреварот.
„Бевме таму за да помогнеме луѓето да бидат безбедни, но безбедноста на полицајците беше загрозена од жалните постапки на другите. Поради екстремното насилство, немаше друг избор освен да ги спречиме навивачите да влезат на стадионот. Безбедноста на сите е наша приоритет и јасно е дека немавме друга опција“, додаде Робинсон.
„Дејли мејл“, пренесува дека од Легија не биле задоволни од намалувањето на бројот на билети, кои требало да ги добијат нивните навивачи. Астон Вила од првичните 2.100 им доделила само 890 билети. Одлуката била донесена по консултации со полицијата.
Правилата на УЕФА му дозволуваат на гостинската екипа пет проценти од капацитетот на стадионот, што би било еднакво на 2.100 билети на „Вила парк“.
Во официјалното соопштение од Легија, тие ја обвинија англсикиот клуб, дека одбил да им додели билети на гостинските навивачи во согласност со прописите на УЕФА за натпревар од Лига Европа.
Полјаците тврдат дека на 21. септември договориле со своите колеги наместо 2.100, да добијат 1.700 влезници.
Соочена со оваа неодржлива ситуација, Легија постојано апелираше до Астон Вила, барајќи од нив да ги почитуваат прописите поставени на 21 септември.
Вила возврати со сопствена изјава во четвртокот вечерта, осудувајќи ги сцените на насилство на улиците пред нивниот стадион.
„Фудбалскиот клуб Астон Вила може да потврди дека ниту еден гостински навивачи не смеел да влезе во Вила Парк по совет на полицијата на Вест Мидлендс по големите немири надвор од стадионот предизвикани од гостински навивачи“.
Вила објасни зошто е намален бројот на билети за Полјаците.
„Безбедносните власти на Обединетото Кралство, УЕФА и Астон Вила, на 2. ноември објавија дека доделувањето билети за гостинските навивачи за овој натпревар ќе се намали на 1.002 по совет на безбедносните власти како резултат на претходните големи немири предизвикани од навивачите на Легија во Алкмар, претходниот месец”.
За време на нередите во Алкмар беа повредени неколку холандски полицајци. Поради тоа, УЕФА им забрани на навивачите на Легија да патуваат во Мостар на натпреварот против Зрињски.
„И покрај многубројните барања за соработка од Легија во однос на нивните навивачи, особено во последните два дена, од гостинскиот клуб не добивме никаква помош во врска со сериозните безбедносни прашања, односно дека навивачи без влезници ќе се обидат да влезат на стадионот“.
Навивачите на Легија се упатија кон стадионот пред почетокот на натпреварот, но беа пречекани со бариера и ѕид од полицајци кои носеа шлемови со штитници за да се заштитат.
Ова ги налути полските навивачи кои ги гаѓаа со факели и други пиротехнички сретства.
На теренот, Вила се одмазди за нивниот претходен пораз во групата во Полска победувајќи ја Легија со 2-1 благодарение на головите на Муса Дијаби и Алекс Морено.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Поранешен играч ќе го преземе Манчестер Јунајтед
Откако Манчестер Јунајтед го отпушти Рубен Аморим минатата недела, тимот привремено го презеде Дарен Флечер, кој не успеа да го „врати во живот“.
„Црвените ѓаволи“, одиграа 2:2, кај Барнли во Премиер лигата и доживеа елиминација во третото коло во ФА купот. Вчера Јунајтед загуби од Брајтон, на домашен терен (1:2).
Клупските челници интензивно се во потрага по нов менаџер, откако и Флеер изјави дека на тимот му е потребен вистински лидер.
Оле Гунар Солскјер јавно кажа дека сака да се врати во Манчестер Јунајтед, но се чини дека клупските челници имаат поинакви планови.
Прва опција за нов тренер е во моментов е Мајкл Карик, кој одржуваше позитивен контакт со групацијата „ИНЕОС“, под водство на Сер Џим Ратклиф, објавуви Фабрицио Романо.
Мајкл Карик веќе беше на клупата на Манчестер Јунајтед, како помошник на Оле Гунар Солскјер, а кога Норвежанецот беше отпуштен, тој го водеше тимот десет дена пред Ралф Рангник да биде назначен за нов менаџер.
Спорт
(Видео) Денвер без Јокиќ и Мареј го победи Милвоки
Денвер Нагетс, без Никола Јокиќ, ги победија Милвоки Бакс со 108:104. Покрај Јокиќ, натпреварот го пропушти и Џамал Мареј. Инаку, Нагетс играат над очекувањата по повредат на Јокиќ, имаат скор од четири победи и три порази.
Денвер Нагетс, против Милвоки на Јани Адетокумбо, играа добро во првите три четвртини, во последната влегоа со предност од 11 поени, потоа попуштија во одбраната, му дозволија на притивникот да се доближи на два поени, но Арон Гордон, во финишот погоди три од четирите слободни фрлања за триумф на својот тим.
Гордон имаше 23 поени, шест скока и четири асистенции, а Тим Хардавеј беше поефикасен со 25 поени. Пејтон Вотсон запиша 19 поени, осум скока и шест асистенции.
Кај Бакс, Јанис Адетокумбо беше најдобар со 31 поен, 11 асистенции и осум скока. Мајлс Тарнер имаше 16 поени и пет скока, а Еј Џеј Грин забележа 14 поени, пет скока и четири асистенции.
Резултати:
Орландо – Њу Орлеанс 128:118
/Блек 26 – Вилијамсон 22/
Мемфис – Бруклин 103:98
/Кауард 21 – Клоуни, Мартин 17/
Торонто – Филаделфија 116:115 пп
/Барнс 31 – Макси 38/
Портланд – Њујорк 123:114
/Авдија 25 – Брансон 26/
Минесота – Сан Антонио 104:103
/Едвардс 23 – Вембањама 29/
Оклахома – Мајами 124:112
/Гилџис Александер 29 – Вигинс 23/
Финикс – Вашингтон 112:93
/О’Нил 19 – Сар 19/
Голден Стејт – Атланта 111:124
/Кари 31 – Александар Вокер 24/
Сакраменто – Хјустон 111:98
/ДеРозан 22 – Томпсон 31/
Спорт
(Видео) Мбапе лош губитник, Фермин и Кубарси вулгарно го славеа трофејот
Барселона го освои Суперкупот на Шпанија со триумфот над Реал (3:2). Каталонците 16-ти пат го освоија Суперкупот, кој во формат на турнир веќе неколку години е игра во Џеда, Саудиска Арабија.
Главната приказна од Ел Класико е потегот на Килијан Мбапе по натпреварот и однесувањето на младите играчи на Барселона, Фермин Лопез и Пау Кубарси.
Реал ги доби медали за пласман во финалето, а играчите на Барселона формираа шпалир во чест на своите ривали. Потоа следеше церемонијата на доделување медали и трофеи на победниците, но играчите на Реал не им вратија иста мерка на своите ривали.
Според каталонските медиуми, Килијан Мбапе одиграл клучна улога во таа одлука. Под наслов „Лошиот губитнички потег на Мбапе – побара од соиграчите да не ѝ аплаудираат на Барселона“, е насловот на Мундо Депортиво.
„Играчите на Барселона формираа шпалир за Реал, но потоа Французинот беше забележан како им кажува на играчите три пати да не ѝ аплаудираат на Барселона кога играчите ги добиваат медали и им наложи да ја напуштат церемонијата на доделување трофеи“.
Каталонците додадоа: „Мбапе покажа однесување на лош, фрустриран губитник, што предизвика гнев кај навивачите на Барселона на стадионот во Џеда. Особено затоа што играчите на Барса покажаа почит кон своите противници“.
Мунди Депортиво заклучува: „Некои од соиграчите на Мбапе ја послушаа неговата неспортска препорака, додека други сепак покажаа почит кон Барселона за време на нивната прослава.“
Каталонската ТВ3, со приложено видео од потегот на Мбапе напиша: „Мбапе е лош губитник. Тој ги замоли своите соиграчи да не формираат шпалир за играчите на Барселона. Тие го послушаа и Барса така остана без потег за да покаже почит кон победникот.“
Kylian Mbappé stopping his teammates from giving Barcelona the champions guard of honor last night. He moved the away. pic.twitter.com/ddDXa3CBLp
— Prince 👑 (@Princeutd1P) January 12, 2026
💥 MAL PERDRE DE MBAPPÉ
🤬 El francès del Reial Madrid no ha volgut que els seus companys fessin el passadís al Barça
❌ Els altres jugadors l'han seguit i els blaugranes no han tingut passadís de campions#ElClàssic
📲 https://t.co/xhB56dlluh pic.twitter.com/ezq5yRCuuN
— Esport3 (@esport3) January 11, 2026
Од друга страна камерите на Мовистар, еден од реализаторите на преносот, исто така, фатија прилично несоодветна прослава на две млади ѕвезди на Барселона.
Камерите го фатија Фермин Лопез за време на прославата на титулата против Реал Мадрид, како се обраќа на трибината на која беа сместени навивачите на „кралскиот клуб“, со презир. „Еве! Пушете го, пушете го, марширајте дома!“, јасно може да се види како играчот на Барселона вели додека скока покрај Јамал и Касадо.
Фудбалерите на Барселона, додека ја славеа титулата, во еден момент влегоа во вербален конфликт со навивачите на трибините кои ги провоцираа и им викаа. Тука можеше да се забележи како Пау Кубарси покажува среден прст, иако на видеото не е јасно кон кој дел од трибините е насочен.
Foto/ EPA
Генералниот секретар на ОН: Шокиран сум од насилството и прекумерната употреба на сила од страна на иранските власти
Генералниот секретар на ОН, Антонио Гутереш, во неделата ги повика иранските власти да „покажат максимална воздржаност“ по смртоносните протести што...
Иран најави враќање на интернетот и му порача на Трамп: Подготвени сме за војна, но и за дијалог
Интернетот наскоро повторно ќе биде достапен низ целиот Иран, објави иранскиот министер за надворешни работи, Абас Арагчи, објави Ал Џезира....
Алиу: Предлог-законот за заштита од пушење објавен на ЕНЕР, отвораме јавна расправа пред неговото усвојување
Министерството за здравство информира дека предлог-законот за заштита од пушење е објавен на електронскиот национален регистар на прописи (ЕНЕР), каде...
Трамп: Иран нè контактираше за преговори
Американскиот претседател Доналд Трамп во неделата изјави дека Иран побарал да започне разговори со САД, додека земјата се справува со...
Иранската револуционерна гарда му се закани на Трамп
Иранската револуционерна гарда јавно му се закани на Доналд Трамп поради неговото споменување на потенцијална американска воена акција против владата...
Телеграф: Лондон планира да испрати војници на Гренланд, Велика Британија: Тоа е поради Русија
Велика Британија вчера соопшти дека дискусиите со другите членки на НАТО за одбивање на руската активност на Арктикот се „рутински“,...
Почувствуван земјотрес во Прилеп и околината
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Русите го замрзнуваат Киев, Зеленски: Ситуацијата е исклучително тешка
Повеќе од 1.000 станбени згради во Киев остануваат без греење по разорниот руски напад во петок наутро, соопштија локалните власти....
(Видео) ДИК со првични неофицијални резултати од повторените локални избори во четири општини
Државната изборна комисија (ДИК) вечерва ги објави првичните, неофицијални резултати од повторените избори во општините Врапчиште, Гостивар, Маврово Ростуше и...
(Видео) Мицкоски: Победата во Маврово-Ростуше е знак дека граѓаните наградуваат резултати, а кланот на Филипче доживува нов дебакл
„Денешниот изборен ден во четирите општини помина во демократска, мирна и достоинствена атмосфера. И покрај тешките временски услови и одредени...
(Видео) Иран во пламен – објавени нови снимки од протестите, додека бројот на загинати надмина 500
Бројот на загинати во протестите во Иран се искачи на 538 лица, објави Ројтерс. Меѓу нив се 490 демонстранти и...
Трамп размислува за можна воена интервенција во Иран, вели Си-Ен-Ен
Претседателот на САД, Доналд Трамп, разгледува низа можни воени опции за Иран по смртоносните протести во земјата, изјавија двајца американски...
Стармер преговара со европските сојузници за испраќање на воени сили на Гренланд
Британскиот премиер Кир Стармер е во преговори со европските сојузници за распоредување на воени сили на Гренланд, со цел да...
Францускиот министер за надворешни ги повика САД да престанат со „уцената“ за Гренланд
Францускиот министер за надворешни работи Жан-Ноел Баро ги повика САД да „престанат да ја уценуваат“ Данска за да добијат директна...
Иран ги предупреди американската војска и Израел дека ќе бидат „легитимни цели“ ако САД нападне поради протестите
Иранскиот парламент денеска се состана за да разговара за смртоносните антивладини протести кои беснеат повеќе од две недели. За време...
Болниците во Иран преплавени со повредени од протестите, доктори опишуваат „ужасни сцени“
Протестите во Иран продолжуваат, а улиците на градовите, особено Техеран, се исполнети со илјадници демонстранти, и покрај блокадата на интернет...
Вашингтон одржа „прелиминарни“ разговори за потенцијален удар врз Иран, објави Волстрит журнал
Американски официјални лица разговарале за планови за можни напади врз Иран, вклучувајќи потенцијални цели, објави Волстрит журнал, повикувајќи се на...
Детален список: каде целосно ќе се забранат сите видови цигари со новиот закон за заштита од пушење
Државата подготвува целосно нов и значително построг Закон за заштита од пушење, со кој драстично се заоструваат правилата за употреба,...
Состојба по обилните дождови во Македонија: пресек на ЦУК до 18:30 часот
Центарот за управување со криви направи пресек на состојбата по обилните врнежи до 18:30 часот. Источен регион – Штип Во...
УХМР: Водостоите остануваат високи, вечерва се очекува заладување и снег
Според податоците од хидролошките станици се уште е висок водостојот на река Сатеска, како и на река Коселска кој почнува...
