Горан Иванишевиќ е еден од кандидатите за иден тренер на најдобриот светски тенисер Јаник Синер. Ова го пишува „Газета дело Спорт“, потсетувајќи на успешната соработка помеѓу Иванишевиќ и Новак Ѓоковиќ и фактот дека актуелниот тренер Австралиецот Дарен Кејхил го напушта Синер на крајот од сезоната.

Горан Иванишевиќ, кој неодамна се раздели од Елена Рибакина, моментално е слободен агент. Поранешниот шампион на Вимблдон би можел значително да го подобри сервисот на Синер, како што тоа го правеше во годините на работа со Новак Ѓоковиќ.

Иванишевиќ беше клучен во претворањето на сервисот на Новак во моќно оружје. Плус, тој е дел од истата агенција како Синер, „Старвинг Спорт“ што ја олеснува потенцијалната соработка.

Да потсетиме, ова не би било првпат Синер да ги „превзема“ поранешните членови на тимот на Ѓоковиќ, бидејќи во својот тим веќе донесе двајца поранешни соработници на Новак.

Тоа се фитнес тренерот Марко Паники и физиотерапевтот Улисес Бади.

Покрај Горан Иванишевиќ како можни тренери на Синер се споменуваат Андре Агаси (кратко работеше со Ѓоковиќ) и поранешниот италијански тенисер Андреа Сепи.

Белгиските медиуми јавуваат дека славниот фудбалер и поранешен репрезентативец Раџа Наинголан е уапсен утринава и моментално се наоѓа во полициски притвор.

Се нагласува дека во рамките на истрагата за шверц на кокаин од Јужна Америка во Европа е приведен 36-годишниот играч на Локерен.

Неговото сослушување во моментов е во тек, а белгискиот јавен обвинител најави дека нема да има детали или коментари за истрагата која е во тек.

Контроверзниот фудбалер за деловен партнер го има Ибрахим Ахмадун, кој претходно беше поврзан со увоз на кокаин, а беше осуден во САД во 2016 година. .

„Бидејќи истрагата се уште е во тек, полициските служби не сакаат и не можат да дадат дополнителни коментари. Тие го почитуваат принципот на презумпција на невиност и како клуб се согласуваме со тоа. Можеме само да потврдиме дека играчот утрово не беше присутен на тренингот“, се вели во клупското соопштение.

Наинголан во кариерата играше за Каљари, Рома, Интер, Спал, Антверпен и индонезиски Бајанкари.

Неодамна му се приклучи на Локерен и постигна гол на своето деби против Лирс.

Поранешниот шампион на УФЦ Александар Волкановски наскоро би можел да се врати во натпреварувачки ритам.

Волкановски има јасна визија кога повторно сака да зачекори во октагонот. По тешкиот крај на 2023 година, ни 2024 година не беше ништо подобра за поранешниот шампион на УФЦ во перо категорија.

Прво доживеа тежок нокаут со „маваши“ удар на Ислам Махачев, а потоа, исто така со нокаут, го загуби појасот во својата класа во борбата против Илја Топурија.

Сега, откако конечно зеде подолг одмор Волкановски чувствува дека е подготвен да се врати. Зборувајќи за „Скај Спортс Нов Зеланд“, откри дека негова цел е оваа сезона да се врати, иако сè уште не се јасни плановите на УФЦ.

„Како што кажав, се уште ништо не е целосно договорено“, рече Волкановски. „Зборував дека ќе бидам подготвен за март или април. Тие сè уште немаат точен датум, но би рекол дека враќањето за неколку месеци е реална опција. Април звучи како добра можност, но никогаш не се знае“ .

Неговиот последен настап беше во февруари 2024 година, кога го загуби појасот од Топурија, што беше негов втор последователен пораз со нокаут.

Многумина ја поздравија неговата одлука да направи пауза за да се опорави физички и психички од серијата тешки порази, но се чини дека Волкановски наскоро повторно би можел да биде опасен противник.