Ерлинг Халанд ја потврди својата блескава форма оваа сезона со историскиот подвиг во норвешката репрезентација. Тој постигна два гола во победата над Словенија 3:0, во Лигата на нации.

Во 36. настап за репрезентацијата Халанд го постигна 34.гол и стана најдобар стрелец во историјата на Норвешка. Халнад го собори рекордот на Јорген Јове од 1937 година.

Но, вистинската прослава следуваше по натпреварот. Халанд се врати на тревникот на стадионот во Осло, ја стави топката под дресот во пределот на стомакот и палецот во устата и позираше пред фотографите. Тој веднаш ја објави сликата на социјалните мрежи со емоџи од мало дете и порака „наскоро“.

Тоа беше позитивен шок за неговите соиграчи и норвешката јавност. Секако, вака објави дека тој и неговата девојка Изабел Хаугсенг Јохансен, која беше на стадионот чекаат дете.

Грција го направи најголемото изненадување во досегашниот тек од Лигата на нации. Грците ја победија Англија на „Вембли“ со 2.1 во третото коло, во Групата 2. Ова е прв пораз на Англија на „Велмбли“ по четири години.

Грците до најголемата победа во последните 20 години, од финалето на ЕУРО 2004 во Португалија, ги предводеше Василис Павлидис.

Напаѓачот на Бенфика го постигна првиот гол во во 49. минута, тој постигна уште еден во 83.минута, но голот беше поништен поради офсајд.

Белингем во 88.минута изедначи на 1:1, но Англија сепак не успеа да го избегне поразот. Во 94.минута Павлидис го постави конечниот резултат.

Грција со максимални девет бода ја предводи Групата 2, Англија има шест.

Дефанзивецот на Манчестер Јунајтед, Нусер Мазрауи ќе паузира најмалку два месеци поради срцева аритмија.

Како што пренесуваат светските медиуми, 26-годишниот марокански фудбалер превентивно успешно бил подложен на помала корективна процедура откако почувствувал палпитации на срцето).

Репрезентативецот на Мароко се очекува целосно да закрепне за не повеќе од осум недели и би можел повторно да биде достапен за менаџерот Ерик Тен Хаг во декември.

Медиумите потсетуваат дека поради последиците од коронавирусот, Мазрауи мораше да отсуствува од фудбалот за да се избори со воспаление на срцевото ткиво во јануари 2023 година. Еден месец подоцна се врати на тренинзите, но повторно беше на терен дури во март .

Мазрауи се пресели во Манчестер Јунајтед во летото 2024 година од Баерн Минхен. Пред тоа играше за Ајакс. .

Оваа сезона Мазрауи беше стандарден во тимот на „црвените ѓаволи“. Ги започна сите седум натпревари во Премиер лигата, а одигра вкупно 10 натпревари во сите натпреварувања.