Легендарниот тренер Фабио Капело, верува дека Милан има добра основа за следната сезона и дека со две или три здрави засилувања, тимот може да се надева на врвни резултати.

Росонерите неодамна стигнаа до финалето на Купот елиминирајќи го Интер во големото дерби со 3:0, но моментално се на скроното деветто место во Серија А.

Во колумна за весникот „Ла Газета дело Спорт“, поранешниот тренер на Милан го оцени квалитетот на сегашниот тим.

„Клучот за иднината на Милан е да се доведат двајца или тројца врвни играчи кои би направиле разлика. Нема потреба од целосна револуција. Само неколку од нив, можеби играч од средниот ред, десен бек или крилен напаѓач кој може да има големо влијание.

Моменталната база на тимот е добра, но ова е она што фрустрираше: Дали Милан што го видовме во дербито е вистинскиот, и зошто толку долго време му беше потребно за да се покаже? Мора да почнеме од играчите кои моментално се во клубот и да процениме колку вредат. Милан е во голема конфузија оваа сезона, а играчите кои се истакнаа се Рејндерс, Пулишиќ и Фофана.

Видов голема посветеност кај Павловиќ. Бев изненаден што Томори беше турнат во втор план. Кога гледам како играше во дербито, ме изненадува што не беше во преден план порано.

Гледам дека Леао конечно е „гладен“. Ако игра со 80% од својот потенцијал, ќе биде незапирлив. Но, честопати се ограничува на 40%.

Би го задржал Мењан, тешко е да се најде подобар голман без да се потрошат многу пари. Пулишиќ носи квалитет и конзистентност, совршено се вклопува во Милан“, ја заврши Капело својата елаборација.

Претседателот на Социјалдемократскиот сојуз на Македонија, денеска со градоначалникот на општина Центар, Горан Герасимовски, ја посетија спортската сала „Работнички“, која во моментов се реконструира. Оваа спортска сала се реконструира за прв пат после 50 години и ќе добие комплетно нов и модерен изглед.

„Објектот кој што го одбележуваше развојот на спортот сега добива ново руво. Целосната реконструкција по европски стандарди ја отвора можноста во салата „Работнички“ да се одржуваат и европски натпревари. Но не е само квалитетот на новата сала, со нови трибини, кров и нова фасада, сметам дека со еден ваков обновен објект се враќа и духот на овој дел од Скопје, посебно на Градскиот парк“, рече Филипче.

Во моментов, во тек е втората фаза од реконструкцијата на салата, во рамки на која се врши целосна реконструкција и проширување на теренот, поставување нова еластична подлога според ФИБА стандардите, обновување на гледалиштето со нови седишта, реконструкција на соблекувалните и туш-кабините, како и поставување на климатизација и подно греење. Во првата фаза се постави нов кров и фасада, и целосно се реновираа канцелариските простории кадешто беа сместени спортските федерации.

Претседателот на СДСМ, Филипче посочи дека реконструкцијата на спортската сала „Работнички“ е само еден од многу проекти на општина Центар кои се од интерес на граѓаните, согласно нивните потреби.

„Општина Центар реализираше уште многу други значајни проекти, како обновувањето на основното училиште „Коле Неделковски“, градинката „Пролет“, претпријатието за производство и продажба на електрична енергија. Тоа се значајни проекти коишто го зголемуваат и сериозно го надградуваат капацитетот на општина Центар“, посочи претседателот на СДСМ, Венко Филипче.

„Салата Работнички е срцето на македонската кошарка. Таа е дел од нашето колективно паметење, генерации израснале тука – како спортисти, како навивачи, како луѓе. Денес стоиме на прагот на едно ново поглавје. Првата фаза од реконструкцијата е успешно завршена и отпочнавме со втората фаза. Во септември салата повторно ќе биде во функција, а нашиот Работнички се враќа дома – на својот победнички терен”, изјави Герасимовски.

Герасимовски, информираше дека секојдневно е во контакт со тимот на „Работнички“ и знае колку за нив значи ова место.

„Знам колку нетрпеливо чекаат да се вратат на својот терен. Во Центар испишуваме нова приказна – приказна за современа, динамична и просперитетна општина што пулсира со живот и напредок. Работиме посветено, и ја менуваме реалноста – чекор по чекор, проект по проект, заложба по заложба. Работнички е нашата гордост. Нашата сила. Наш поттик за нови победи”, посочи Герасимовски.

За изградбата на салата се обезбедени средства преку јавните повици од претходната и актуелната влада, со финансиска поддршка за двете фази на проектот. Целокупната реконструкција е согласно стандардите и процедурите на ФИБА.

Димитрис Јанакопулос, контроверзниот сопственик на Панатинаикос, сè уште не може да ги контролира емоциите по поразот од Анадолу Ефес (76:79).

Ефес направи брејк во „ОАКА“ и со 1:1 влегува во третиот натпревар на домашен терен во Истанбул.

Јанакопулос, не го прими добро овој неуспех, на неговиот тим. Нескротливиот гнев на сопственикот на Панатинаикос беше насочен кон Дејан Бодирога, претседателот на Евролигата, како и кон судиите. Јанакопулос „грмеше“ во камерата и се закани дека ќе ја напушти Евролигата.

„Во Грција има една изрека: „кога си фин, луѓето мислат дека си слаб“. Ние не сме слаби, верувајте ни, ние сме посилни од сите вас заедно. Погледнете нѐ. Го сакаш мојот потпис за следните 10 години? Еве го мојот потпис за следните 10 години. Играме сами во Евролигата. Одиме во НБА или одиме во ФИБА“, рече Јанакопулос.

Ги спомна Сретен Радовиќ, Илија Белошевиќ, Дамир Јавор, Саша Пукл, Урош Николиќ, Томислав Хордов.

Тој беше лут и поради победата на Олимпијакос, најголемиот ривал, над Реал Мадрид во Атина.

„Навистина не разбирам, клуб како Реал Мадрид, со толку многу историја, најмногу титули во Евролигата е прифатен еб..о лошо. .Браво, Дејан (Бодирога0“, рече Јанакопулос, меѓу другото.

View this post on Instagram

A post shared by B92 Sport (@b92.sport)