Спорт
(Видео) Историски пресврт на Атланта – губеа со 30 разлика, на крајот победија
Изминатата ноќ во НБА лигата кошаркарите на Атланта Хокс направија спектакуларен пресврт против најдобриот тим во лигата, Бостон Селтикс. Хокс славеа со 122:120 и покрај тоа што во еден период имаа негатива од 30 поени.
Бостон Селтикс во натпреварот влегоа со серија од девет победи, односно со 20 победи на последните 22 натпревари.
На четири и пол минути до полувремето Селтикс водеа со 68:38, кога Атланта го започна нестварниот пресврт. Ова е најголемиот кам-бек на Хокс од сезоната 1997/1998, кога НБА почна да води детална статистика за секој посед.
Поените за победа ги постигна Диандре Хантер на девет секунди до крајот на натпреварот. Бекот на Хокс постигна тројка, мечот го заврши со 24 поени. Брилијантен натпревар одигра и српскиот репрезентативец Богдан Богдановиќ (22 поени), кој сериозно ја истакнува кандидатурата за најдобра шести играч во лигата.
Кај Селтикс Џејсон Тејтум постигна 37 поени.
Денвер Нагетс, без Арон Гордон и Џамал Мареј лесно славеа над Мемфис Гризлис 128:103. Денвер со 51.победа во сезоната ја минаа Оклахома на првото место во Западната конференција.
Никола Јокиќ стандардно беше доминантен со 29 поени (11-18 од поле), 11 скока и 8 асистенции. Јокиќ не играше во последната четвртина.
Далас Маверикс се обидуваат да го избегнат плеј-инот, моментално се на седмото место со ист скор како и шестопласираните Сакраменто Кингс. Маверикс како гости ја победија Јута Џез со 115:105.
Лука Дончиќ имаше 29 поени (10-24 од поле), 12 скока и 13 асистенции за четврта последователна победа на Мавс.
„Одбраната ни е одлична во последно време“, изјави Дончиќ.
Кајри Ирвинг постигна 27 поени, а на другата страна најдобар беше Лаури Марканен со 34 поени.
Резултати:
Њујорк – Детроит 124:99
(ДиВинченцо 40, Бренсон 28 – Богдановиќ 13, Сасер 24
Торонто – Бруклин 88:96
(Трент Џуниор 18 – Шредер 19, Ватфорд 19)
Сан Антонио – Феникс 104:102
Сохан 28, 18 ск., Васел 26 – Букер 36, Дурент 29)
Хјустон – Портланд 110:92
(Џејлен Грин 27, Лендејл 17 – Бентон 28)
Сакраменто – Филаделфија 108:96
(Фокс 23, Мареј 23, Сабонис 11п, 13ск, 10аст – Мекси 29)
ЛА Клиперс – Индијана 116:133
(Ленард 26, Џорџ 26 – Сијакам 31, Тарнер 24, Халибартон 21).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Салах и Клоп се скараа: Ако прозборам, ќе биде жестоко
Мохамед Салах, играчот на Ливерпул, не сакаше да застане и да даде изјава во микс зоната по мечот со Вест Хем (2:2). Напаѓачот на Ливерпул на минување на новинарите им кажа само една реченица.
„Ако прозборам, ќе биде жестоко“, порача Салах.
Неочекувано, Салах, натпреварот со Вест Хем го почна од клупата за резерви, а шанса да се најде на теренот доби дури во 79.минута. Кога влегуваше во игра имаше што да му каже на тренерот Јирген Клоп, па целата ситуација мораше да ја смири Дарви Нуњез.
„Ќе разговараме во соблекувалната, пред момците“, изјави Клоп.
Договорот на Египќанецот истекува следното лето, а минатата година беше блиску до заминување во Саудиска Арабија. Впечатокот е дека ги минува последните денови во Ливерпул, исто како и Клоп.
LEAKED: The pitch-side microphones picked up the sound of the argument between Klopp and Salah… pic.twitter.com/6ceIFBMFIi
— Not Match of the Day (@NOT_MOTD) April 27, 2024
🗣️ Mo Salah on his argument with Jurgen Klopp. “If the speak there will be fire.”
🎥 via @j_castelobranco pic.twitter.com/0hzlr4XuUH
— Ben Jacobs (@JacobsBen) April 27, 2024
Спорт
Лудница во спринтот во Херез, победи Мартин
Хорхе Мартин го освои првото место на спринт трка во Херез во рамките на Мото ГП шампионатот.
Шпанецот на Прамак Дукати беше убедлив, максимално ги искористи проблемите со кои се соочија неговите конкуренти и на крајот ја мина целта за 19:52.682 минути.
На второто место со речиси три секунди заостанување се најде младиот Педро Акоста (ГасГас) кој продолжи да постигнува одлични резултати во својата прва сезона во кралската класа.
Блесна и тоа не по своја вина и Фабио Кваратараро. Светскиот шампион со Јамаха од 2021 година од 23. дојде до третото место.
Спринтот во Херез сигурно е една од најинтересните и најчудните трки во Мото ГП во последните 10 години.
Буквално сите кандидати за висок пласман паднаа, а само Марк Маркез успеа да се врати и да ја продолжи трката. Шпанецот којс тартуваше од пол-позицијата, првото место го загуби во првите неколку свиоци.
Сепак не се откажа, во деветтиот круг успеа да го мине Мартин, но на чело на трката беше само еден круг, бидејќи падна, се врати на патеката и на крајот го освои осмото место.
Трката не ја заврши ниту актуелниот шампион, Пеко Бањаја, исто како и Вињалес, Басијанини, Алекс Маркез, Биндер…
Спорт
(Видео) Вест Хем (дефинитивно) го исфрли Ливерпул од шампионската трка
Вест Хем попладнево го исфрли Ливерпул од шампионската трка. Во рамките на 35.коло, Вест Хем и Ливерпул одиграа 2:2. Ливерпул остана на третата позиција со 75 бода, два помалку и натпревар повеќе од лидерот Арсенал. На третото место е Манчестер сити со 76 бода и два натпревар помалку од лидерот на на табелата.
Вест Хем поведе во 43. минута благодарение на Џерод Бовен, кој погоди по кронерот на Кудуз.
Бовен со овој гол влезе во историјата на Вест Хем. Ниту еден играч пред него не постигнал 16 голови во една сезона во Премиер лигата.
Ливерпул израмни на самиот почеток на второто полувреме. Робертсон во 48.минута го совлада Ареола.
Ливерпул направи пресврт 17 минути подоцна. Карамбол ситуација пред голот на Вест Хем, заврши со комичен авто-гол на голманот Ареола.
Голманот на Вест Хем одлчно реагираше по ударот на Дијаз во 73.минута.
Казната Ливерпул го стигна четири минути подцна кога Антонио гои постави конечните 2:2.