Спорт
(Видео) Јокиќ доби рап химна со неверојатен спот
Никола Јокиќ, најдобриот кошаркар во светот е вистинска ѕвезда, тоа потврдува и нов хит на социјалните мрежи.
Станува збор за рап песна посветена на српскиот центар со фантастичен спот, со мотиви на српската традиција, но и клучни детали од кариерата на Јокиќ, најверојатно направени со помош на вештачка интелигенција.
Песната е направена од американскиот музичар и Ди-џеј Макулејт.
„Никола Јокиќ никогаш не би направил своја рап песна, па во последните пет недели го направив тоа за него. Ви го претставувам: Сомбор Шафлин (Shufflin). Со неверојатна анимациска работа на Алек Гвин. Најдобриот играч на сите времиња овој месец доби патики и книга, а сега има и химна“, изјави авторот.
„Јо, ова е Големиот Џокер, директно од Сомборската рамнина, трикратен МВП, но тие се обидуваат да го скротат моето владеење. Требаше да имам четири, но тие му ја дадоа круната на Џо. Молчам, излегувам на теренот и го затворам. Јас сум несебичниот крал, ме нарекуваат машина за асистенции. Нижам трипл-даблови, носам среќа за двајца“, се вели во дел од песната.
Nikola Jokic would never make his own rap song, so over the last 5 weeks, I did it for him. I present to you: Sombor Shufflin. Featuring the amazing work of @alecgwin all animated by me. The best player of all time got a shoe and a book this month and now he has an anthem. pic.twitter.com/zhlHkywa0n
— Maculate🌹 (@DJMaculate) December 9, 2024
Рап музиката нераскинливо поврзана со НБА и кошарката, особено во последните триесет години.
Нема атрактивно видео од најдобрите НБА потези без рап поддршк, ниту натпревар без рап битови во арените, а многу кошаркари се испробале како рапери.
Најпознат меѓу нив секако е Шекил О’Нил, а покрај него Ален Ајверсон, Демиен Лилард, Лонзо Бол, Андре Драмонд…
Јокиќ моментално ја игра најдобрата кошарка во кариерата со просек од 32,3 поени со 13,6 скока и 10,2 асистенции по натпревар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Столе одличен, Валенсија го победи Леванте
Фудбалерите на Валенсија го победија Леванте во градското дерби со 2:0 (0:0) во рамките на 24-то коло од шпанската Ла Лига.
„Лилјаците“, со победата кај градскиот ривал избегаа од опасната зона, сега се 14-ти, а во исто време го турнаа Леванте во бездната. Леванте се претпоследни на табелата со 18 поени.
Македонскиот репрезентативец, Столе Димитиревски, имаше впечатлив настап, успеа да ја одбрани својата мрежа.
Главни протагонисти на победата на Валенсија беа Белгиецот Ларџи Рамазани и Умар Садик.
Прво, белгискиот напаѓач постигна прекрасен гол во 64-та минута за водство на гостите, а потоа Умар Садик стави тошка на победата.
Foto/ EPA
Спорт
МЗТ лесно до нов трофеј во Купот на Македонија
МЗТ Скопје го одбрани пехарот во Купот на Македонија. Во финалето на завршниот турнир, МЗТ лесно го победи домаќинот Куманово со 96:70. Екипата од Аеродорм го освои четвртиот трофеј во низа, вкупни 14-ти во клупската историја.
Финалноот меч за трофејот не донесе ниту трошка неизвесност. МЗТ од почетокот се наметна на теренот, на стартото на вториот период стекна двоцифрена предност, која потоа само растеше. Највисоките +25, МЗТ ги достигна во средишницата на третиот период.
Меквин со 23 поен и Гил со 17 поени го предводеа МЗТ до трофејот во Купот. Кај Кумановоа Митевски, Ѓуроски и Луковиќ постигнаа по 13 поени.
Foto/ mkd.basketball
Спорт
Стрем е кралица на ски скоковите, Ника Превц леташе до бронзата
Норвешката ски-скокачка Ана Одине Стрем стана двократна олимписка шампионка, откако победи и на големата сколаница на Игрите во Милано и Кортина. Словенката Ника Превц, која важеше за главен фаворит пред Олимписките игри, мораше да се задоволи со бронзениот медал.
Стрем стана првата олимписка шампионка на големата скокалница, бидејќи никогаш порано немало две дисциплини за жени на Олимписките игри. Првите скокови во женска конкуренција се одржаа на Игрите во Сочи во 2014 година.
Сега двократната олимписка шампионка го освои своето второ злато со 284,8 поени, по скокови од 130,5 и 132 метри. Еирин Марије Квандал ѝ донесе на Норвешка двоен триумф со 282,7, додека Ника го заврши натпреварувањето со 271,5 поени.
Младата Словачка немаше среќа со условите за време на првиот скок, но во втората серија успеа да се подобри и да освои уште еден медал.
Ника ги завршува Зимските олимписки игри во Милано и Кортина со по едно злато, едно сребро и една бронза. Таа освои злато во екипна конкуренција, сребро на малата скокалница и бронза, како што веќе споменавме, на голема скокалница.
Постариот брат на Ника, Домен, додаде злато на големата скокалница во семејната колекција, и има шанса дополнително да го зголеми бројот на медали, бидејќи следува натпреварот во екипна конкуренција.
Foto/ EPA

