Спорт
(Видео) Јокиќ го надигра Адетокумбо, Дончиќ го растури Орландо

Кошаркарите на Денвер го победија Милвоки со 113:107, а Далас во драмтичен меч го победи Орландо со 131:129.
Никола Јокиќ со 14. трипл-дабл во сезоната, 119. во кариерата го предводеше Денвер. Српскиот кошаркар забележа 25 поени, 16 скока и 12 асистенции. Најефикасен кај Денвер беше Џамал Мареј со 35 поени. За Нагетс, Мајкл Портер Јуниор додаде 13 поени, а Кентавиус Колдвел-Поуп додаде 12 поени.
Во тимот на Бакс најефикасен беше Јанис Адетокумбо со 29 поени, 12 скока и четири асистенции, Брук Лопез додаде 19, а Демијан Лилард 18 поени.
Лука Дончиќ одигра уште еден фантастичен меч, го предводеше Далас со 45 поени, девет скока и 15 асистенции.
Покрај Дончиќ одличен беше и Тим Хардавеј Јуниор со 36 поени, по 20 постигнаа Дерек Лајвли и Џејден Харди.
Во тимот на Орландо најубедлив беше Паоло Банкеро со 36 поени, Франц Вагнер постигна 21, а Ентони Блек имаше поен помалку.
Резултати:
Шарлот – Њујорк 92:113
Кливленд – ЛА Клиперс 118:108
Бостон – Њу Орлеанс 118:112
Бруклин – Јута 147:114
Мајами – Феникс 105:118
Хјустон – ЛА Лејкерс 135:119
Мемфис – Сакраменто 94:103
Оклахома – Минесота 101:107
Сан Антонио – Вашингтон 113:118
Далас – Орландо 131:129
Денвер – Милвоки 113:107
Портланд – Филаделфија 130:104
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Роналдо покажа со прстот кон Гринвуд

Кристијано Роналдо продолжува да го обликува тимот според своите желби, а сега е пронајдено ново име кое би сакал да го види во тимот.
Според „Марка“, португалскиот фудбалер побарал од раководството на клубот да го доведе Мејсон Гринвуд.
Англискиот офанзивен играч се прероди и е најдобриот играч на Марсеј. Тој веќе имаше покани од Саудиска Арабија минатата сезона, но тогаш не сакаше да го промени средниот ред.
Не е лесно да останеш имун кога ќе те повика Кристијано Роналдо, иако медиумите тврдат дека Гринвуд не размислува за заминување, иако и Интер го има на својот радар.
Жоао Феликс неодамна пристигна во Ал Наср, а Роналдо сака по секоја цена да го освои првиот трофеј на Блискиот Исток.
Фото: ЕПА
Спорт
Штутгарт го изигра Атлетико – Мило на пат кон Саудиска Арабија

Францускиот фудбалер од редот за врска, Енцо Мило, долго време се поврзуваше со Атлетико Мадрид, но тој кариерата ќе ја продолжи во Саудиска Арабија.
Енцо Мило беше виден на стадионот „Метрополитано“, иако неговото пристигнување беше одложено поради Штутгарт, кој одолговлекуваше со условите за плаќање.
Се испостави дека „Швабите“, намерно ги одолжиле преговорите со шпанскиот клуб, чекале сигнал од Саудиска Арабија.
Мило беше поврзуван и со Тотенхем, но на крајот победи најбогатиот.
Усен договор меѓу Ал Ахли и играчот за врска веќе постои, и сè уште не е познато колку би можел да изнесува целиот договор. Се споменуваше дека Атлетико морал да плати 23.000.000 евра, па се очекува дека приближно иста сума ќе уплати Ал Ахли в касата на Штутгарт.
Спорт
Баер го продолжи договорот со Шик

Баер Леверкузен ја продолжи соработката со 29-годишниот централен напаѓач и чешки репрезентативец Патрик Шик, а голгетерот висок 191 см се обврза да остане во редовите на популарните „фармацевти“ до 2030 година.
Шик помина пет сезони во овој тим и значително придонесе пред две сезони, кога Баер ја освои Бундеслигата и ја прекина децениската апсолутна доминација на Баерн во германскиот фудбал.
Вкупно, Шик одигра 121 натпревар во Бундеслигата и постигна 64 гола, а постигна и девет гола во 33 натпревари во европските натпреварувања.
Кариерата на Шик започна во Спарта од неговата родна Прага, каде што не играше, а својата прва можност ја доби во дресот на Бохемијанс, каде што беше позајмен во сезоната 2015/16.
Следеше италијанската епизода, една сезона во Сампдорија и две во Рома, потоа неговото прво искуство во Бундеслигата во Лајпциг, каде што постигна 10 гола на 22 натпревари во елитниот ранг на германскиот фудбал во сезоната 2019/20.
Кога станува збор за чешката репрезентација, Шик постигна 24 гола на 46 натпревари.