Спорт
(Видео) Јокиќ и Денвер се лидери на Западот, заврши нестварната серија на Дончиќ
![](https://makfax.com.mk/wp-content/uploads/2024/03/usatsi_17565282.jpg)
Денвер Нагетс победија во Мајами со 100:88, во реприза на финалето од минатата сезона. Изминатата ноќ заврши серијата на Лука Дончиќ, кој имаше трипл-дабл на седум последовни натпревар, Василије Мициќ постигна личен рекорд, Сакраменто предводени од Домантас Сабонис славеа над ЛА Лејкерс, а ветеранот на Чикаго Демар Дерозан постигна 46 поени.
Никола Јокиќ, шутна од поле само осум пати, постигна 12 поени, на кои прододаде 14 скокови и шест асистенции. Сепак Денвер лесно славеа во Мајами. Мајкл Портер Јуниор со 25 поени го предводеше тимот до победата, со која Денвер од Оклахома ја презедоа челната позиција во Западната конференција.
Шарлот Хорнетс победија во дуелот со Мемфис Гризлис. Поранешниот МВП на Евролигата, Василије Мициќ постави личен рекорд, за 30 минути на теренот постигна 25 поени со осум асистенции и два скока. Забележа одличен процент на шут од поле, 9/10, погоди 5/6 тројки.
Сакраменто Кингс четврти пат во сезоната славеа над ЛА Лејекрс. Во победата 120:107 блескаше Домантас Сабонис со 17 поени, 19 скокови и 10 асистенции. Литванецот сезонава има најмногу одиграни натпревари со трипл-дабл учинок. Против Лејекрси го забележа 23. во сезоната.
Далас Маверикс со 109:99 ги победија Голден стејт Вориорс. Лука Дончиќ натпреварот го заврши со 21 поен, три скока и девет асистенции.
Чикаго по едно продолжение ја победи Индијана 132:129. Ветеранот Дерозан во последните секунди му обезбеди продолженија на Чикаго, а во дополнителното време му ја донесе победата на својот тим. Дерозан натпреварот го заврши со 46 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва