Спорт
(Видео) Јокиќ не може сам, Лесна победа за лидерот Кливленд во Колорадо

Никола Јокиќ продолжува да пишува историја во НБА, но неговиот фантастичен настап не беше доволен за да ги спаси Денвер Нагетс од нов пораз. Нагетс на натпреварот против лидерот во НБА, Кливленд Кавалирс примија дури 149 поени и запишаа пораз од 149:135.
Јокиќ се истакна со 27 поени, 14 скока и 13 асистенции, остварувајќи го својот 142. трипл-дабл во кариерата. Јокиќ ја забележа оваа импресивна статистика во третата четвртина, но ниту тоа не беше доволно за да ги запре разиграните Кавс Заедно со Јокиќ се истакна и Џамал Мареј со 27 поени и 11 асистенции, а Портер и Вотсон додадоа по 18 поени.
Сепак, ниту солидна екипа не можеше да ја надомести низата од 16:0 што ја направи Кливленд на крајот од втората четвртина, која целосно ја презеде контролата врз играта. Нагетс оттогаш не успеаја да ја намалат разликата под двоцифрена.
Кавалирс доминираа во шутото за три поени, тие станаа вториот тим во историјата на НБА кој постигнал 20 или повеќе тројки во четири последователни натпревари. Пред нив, само Бостон успеа да го направи тоа минатата сезона.
Донован Мичел одигра одлично за победничкиот тим, имаше 33 поени (10/17 од поле), 5 скока и 6 асистенции. Кливленд дури тројца играчи со повеќе од 20 поени. Еван Мобли го заврши натпреварот со 26 поени, 5 скока и 6 асистенции, центарот Џерет Ален додаде 22 поени и 10 скока, а плејмејкеротт Дариус Гарланд заврши со 25 поени и 7 асистенции.
Кливленд продолжува да доминира оваа сезона, го имаа најдобриот учинок во лигата со 27 победи и 4 порази.
Резултати
Орландо – Њујорк 85:108
Бостон – Индијана 142:105
Бруклин – Сан Антонио 87:96
Хјустон – Минесота 112:113
Њу Орлеанс – Мемфис 123:132
Денвер – Кливленд 135:149
Феникс – Далас 89:98
Лос Анџелес Клиперс – Голден Стејт 102:92
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Медисон ја пропушта целата сезона?

Лоши вести за Тотенхем. Повредата на Џејмс Медисон е сериозна и тој ќе биде надвор од терените долго време.
Креативниот играч од средниот ред се повреди на пријателскиот натпревар против Њукасл (1:1) во Јужна Кореја.
Во прашање се вкрстените лигаменти на десното колено. Според првите информации, тој сигурно ќе го пропушти поголемиот дел од сезоната, а можеби и целата сезона.
Минатата сезона Медисон забележа дабл-дабл од 12 гола и 11 асистенции.
Фото/ Принскрин
Спорт
Душан Тадиќ се договорил со Ал Вахда

Душан Тадиќ, во текот на преодниот рок се поврзуваше со Атлетико Мадрид и Црвена звезда, кариерата ќе ја продолжи во Обединетите Арапски Емирати.
Поранешниот играч на Фенербахче ќе биде член на Ал Вахда во следните две години, односно договорот ќе биде потпишан на една плус една година.
Минатата сезона, Ал Вахда заврши на третото место, што беше разочарувачки резултат, па затоа почнаа да го обновуваат тимот. Го ангажираа португалскиот стручњак Жозе Мораиш, а планот очигледно е Тадиќ да биде првата ѕвезда во кампањата за титулата.
Фото/ Принскрин
Спорт
Најскапиот играч во историјата на Сити ќе го напушти клубот

Најскапото засилување во историјата на Манчестер сити, играчот од средниот ред Џек Грилиш (29), би можел да ја оживее својата кариера во Евертон, објавија британските медиуми. Тренерот на Евертон, Дејвид Мојес, многу го почитува Грилиш и би сакал да го има во своите редови.
Евертон, кој оваа година се пресели на нов стадион вреден 900 милиони евра, би сакал да го откупи договорот на Грилиш доколку цената е прифатлива. Сепак, се разгледува и едногодишна позајмица.
Грилиш ангажирал личен тренер и сака да се врати во англиската репрезентација, но тоа не е можно додека Гвардиола е на чело на Сити. Затоа Грилиш сака да го напушти клубот.
Еден од најдобрите англиски дриблери пристигна во Манчестер сити пред четири години од Астон Вила во трансфер вреден 117 милиони евра. Неговиот договор со Сити истекува во јуни 2027 година, а тој заработува дури 18 милиони евра годишно. Во Сити, само норвешкиот Ерлинг Халанд има поголема плата од него, околу 30 милиони евра.
Грилиш од стандарден играч во првиот тим на Сити стана играч од клупата, па затоа беше во почетниот состав само еднаш во Премиер лигата минатата сезона. Тој одигра 39 натпревари за англиската репрезентација и запиша четири гола и осум асистенции.