Спорт
(Видео) Јокиќ не може сам против Кари и екипата

Никола Јокиќ повторно блесна, но тоа не беше доволно неговите Денвер Нагетс да победат во Сан Франциско. Голден Стејт беше подобар од тимот од Колорадо 118:104.
Српскиот центар беше убедливо најдобар во Нагетс. Тој постигна 33 поени, со 12 скока и девет асистенции. Сепак, победата на Вориорс им ја донесе Стеф Кари кој постигна 36 поени со седум тројки и одличната одбрана од стартот на вториот дел.
Денвер блескаво офанзивно го започна натпреварот. Првиот дел го добија со резултат 44:34. Домашниот тим се консолидираше веќе на стартот од втората четвртина. На Нагетс им дозволија само 16 поени. На другата страна постигнаа 32 и на големата пауза заминаа со плус шест.
Во третиот дел се „запали“ Јокиќ, но не можеше сам против мотивираните Вориорс. Јокиќ со тројка кон средината на третиот период успеа да намали на 84:82, а се испостави дека тоа е се од Денвер.
Амероиканците издвоија момент од последната четвртина кога Јокиќ седна на клупата да одмори и лути го фрли шишето со вода, зборувајќи им нешто на Дарио Шариќ и Влатко Чанчар. Медиумите во САД тврдат дека реакцијата била ваква затоа што игра сам.
Nikola Jokic PUTO da vida no banco dos Nuggets
— Coast to Coast Brasil | NBA (@brasilcoast2) April 5, 2025
Помош доби само од Мајкл Портер Јуниор (23 поени, девет скока) и Кристијан Браун (16 поени).
Вориорс брзо се одлепија на двоцифрена разлика и во четвртата четвртина мирно ја завршија работата. Кари одлично го следеше Подземски со 26 поени, додека Батлер постигна 19.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Челси не се откажува од ЛШ го победи Евертон на „Стенфрд Бриџ“

Фудбалерите на Челзи го победија Евертон со резултат од 1:0 во натпреварот од 34-то коло од Премиер лигата.
Ттимот на Енцо Мареска стигна до важни три бода со голот на Николас Џексон во 27.минута од натпреварот.
— OvoOno (@OvoOnoX) April 26, 2025
Џексон ја затресе и мрежата на гостите во 85.минута, но тој гол беше поништен веднаш и без проверка во ВАР собата поради офсајд.
Со овој триумф, „Сините“ ги престигнаа Нотингем Форест и Њукасл и моментално се четврти со 60 бода, но и натпревар повеќе од овие два тима.
Во следната рунда, Челзи го пречекува Ливерпул во можеби клучен натпревар во борбата за Лигата на шампионите, додека Евертон ќе игра дома против Ипсвич.
Спорт
(Видео) Марк Маркез најбрз во шпанскиот спринт

Мотоциклистот на Дукати, Марк Маркез, победи на спринт трката во Херез, пред Големата награда на Шпанија. Марк од почетокот на сеозната победи на сите пет трки, интересно неговиот брат Алекс петти пат го освои второто место.
Спринтот од пол-позицијата го стартуваше Фабио Квартараро. Возачот на Јамаха имаше добар старт ја задржа лидерската позиција, во во вториот круг натправи грешка, заврши надвор од патеката.
Марк Маркез ја презеде лидерската позиција и на крајот однесе рутинска победа.
Неговиот брат Алекс го освои второто место, а место на подиумот имаше и за Франческо Бањаја.
Главната трка во Херез се вози во недела од 14:00 часот, а пол-позицијата ја држи Квартараро.
Во генералниот пласман, Марк Маркез има 135 поени, 20 повеќе од Алекс и 31 повеќе од Бањја.
More angles of Fabio Quartararo's crash 💔#SpanishGP 🇪🇸 pic.twitter.com/RpV6zitLzl
— MotoGP™🏁 (@MotoGP) April 26, 2025
Спорт
Гери Невил: Не верував дека Ливерпул ќе оди погоре од петтото место, секоја чест за Арне Алот
Во својот подкаст, поранешниот играч на Манчестер Јунајтед, Гари Невил, зборуваше за актуелните настани во Премиер лигата и за новиот шампион Ливерпул. „Црвените“ се на прагот да ја освојат својата јубилејна 20-та титула во Премиер лигата, а тоа би можело да се случи утре доколку го победат Тотенхем (17:30 часот).
Ова значи дека Арне Слот, во својата дебитантска сезона на клупата на Ливерпул, ќе го направи она што многумена пред него не го направија.
„Мислам дека тој одлично ја врши работата, да бидам искрен. На почетокот на сезоната, немаше многу луѓе, дури и меѓу навивачите на Ливерпул, кои ја очекуваа титулата. Не се сеќавам дека некој од нас, професионалните консултанти или аналитичари, рече дека Ливерпул ќе биде шампион. Сите очекуваа трка помеѓу Манчестер Сити и Арсенал, па она што го направија е навистина голем успех“, рече Невил во својот подкаст, а потоа продолжи:
„Им ја прогнозирав петтата позиција. Очекував природен пад да следи по заминувањето на Клоп, како што се случи со Арсенал по Арсен Венгер или Јунајтед по Алекс Фергусон. Ваквите работи се вообичаени и затоа успехот на Слот добива дополнителна тежина.“
Невил, исто така, ги пофали преговарачките вештини на Слот, кој успеа да ги убеди Мохамед Салах и Вирџил ван Дајк да ги продолжат договорите со Ливерпул.
„Во текот на целата сезона, го следеа приказни околу договорите на најдобрите играчи, а тој успеа да убеди двајца од најважните играчи за тимот да ја продолжат својата лојалност кон клубот. Во исто време, тој беше смирен цело време и успеваше да го извлече најдоброто од тимот. Да не беше така, да беше поинаков тип тренер, малку е веројатно дека Ван Дајк и Салах ќе одлучеа да останат во клубот“, смета Невил.