Спорт
(Видео) Јокиќ со тројки ѝ пресуди на Индијана, Клиперси ја добија градската пресметка со Лејкерси
Денвер Нагетс ја забележаа третата победа во низа, на турнејата по Источната конференција, а Клиперси лесно ја добија градската пресметка против Лејкерси.
Денвер Нагетс победија против Индијана 114:109. Никола Јокиќ оствари трипл дабл и повторно беше најзаслужен за победата на актуелните шампиони во НБА.
Јокиќ мечот го заврши со 31 поен (13/19 шут од поле, 3/4 тројки), 13 скока и 10 асистенции, тој три тројки постигна во последниот период во моментите кога се решаваше победникот.
Ова беше 118. трипл дабл за Јокиќ во регуларниот дел од сезоната и се зацврсти на четвртото место на вечната листа.
Индијана со тоа стана 28-та екипа во лигата против која Јокиќ има барем еден трипл дабл. Единствениот тим против кој досега не успеал да има двоцифрени бројки во три статистички категории е Вашингтон. Интересно, тој играше против Визардс пред два дена и му недостигаа две две асистенции за трипл-дабл.
Српскиот ас брилијантно го следеше Џамал Мареј кој имаше 31 поен, осум скока и седум асистенции. Кај Индијана најефикасен беше Тарнер со 22 поени, Меконел постигна 17, додека Паскал Сијакам имаше 16 поени и 10 скока во дебито за Пејсерси на домашен терен.
Клиперси се многу подобар тим од Лејкерси во НБА во моментов. Во дербито во Лос Анџелес, помалку популарната и помалку успешна франшиза победи со 127:116.
Клиперси водеа практично од почетокот на мечот, а најблиску Лејкерси беа на почетокот на четвртата четвртина (110:108).
Сепак, следеше серија од 8:0 и Клиперси ја обезбедија победата. Предводникот во победата беше Кави Ленард со трипл дабл учинок од 25 поени, 11 скока и 10 асистенции. Харден постигна 23 поени и 10 асистенции, а Пол Џорџ постигна 17 поени.
Кај Лејкерси најефикасен беше Расел со 27 поени со 10 асистенции, додека Ентони Дејвис постигна 26 поени и 12 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Хезоња за својата иднина: „Немам идеја“
Кошаркарот на Реал Мадрид, Марио Хезоња изјави дека се уште нема поим што ќе се случува со неговата кариера во иднина.
Договорот на хрватскиот кошаркар со „кралскиот клуб“ истекува на крајот од сезоната, па прашање на сите прашања е дали тој ќе остане во Мадрид.
„Немам идеја. Флорентино Перез ми се заканува секој пат кога ќе ме види во трпезаријата дека морам да останам овде. Се надевам дека е така. Сите работиме да биде така“, изјави Хезоња за Ел Мундо.
Грчките медиуми го поврзаа со Панатинаикос, а има навестувања и за други потенцијални дестинации за најдобриот стрелец на Реал.
Хезоња сезонава имаше просек од 13,7 поени и 4,4 скока на 36 натпревари во Евролигата.
Хезоња и Реал во петок се соочуваат со фајналфорот во Евролигата, а во полуфиналето во Берлин ќе играат против Олимпијакос, што ќе биде реприза на ланското финале во кое подобри беа избраниците на Чус Матео.
Спорт
Англија со најголемите ѕвезди ќе настапи на ЕУРО 2024
Селекторот на Англија, герет Саутгејт го објави спискот на фудбалери за ЕУРО 2024. На спискот има 33. фудбалери, што значи дека до почетокот на првенството ќе седуммина од кои еден сигурно ќе биде голман.
На ЕП нема да патува долгогодишниот член на националниот тим, Џордан Хендерсон.
Списокот на Саутгејт:
Голмани: Дин Хендерсон, Џордан Пикфорд, Арон Рамсдејл, Џејмс Трафорд
Одбрана: Џеред Брантвајт, Луис Данк, Џо Гомез, Марк Гуеи, Езри Конса, Хари Мегваер, Лук Шо, Џон Стоунс, Киеран Трипиер, Кајл Вокер.
Среден ред: Трент Александар-Арнолд, Конор Галагер, Кертис Џонс, Коби Мајно, Деклан Рајс, Адам Вартон, Џерод Боувен
Напад: Џуд Белингем, Џерод Бовен, Еберечи Езе, Фил Фоден, Џек Гралиш, Ентони Гордон, Хари Кејн, Џејмс Медисон, Кол Палмер, Букајо Сака, Ајван Тони, Оли Воткинс.
Англија на ЕП е во Ц групата заедно со Данска, Словенија и Србија.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.