Спорт
(Видео) Јокиќ стандардно добар, Дончиќ трагичар на Далас, Ембид и Мекси ја добија Минесота
Никола Јокиќ со дабл-дабл го предводеше Денвер до победа во Торонто, Дончиќ и Далас доживеаја пораз од Клиперси, а Џоел Ембид со 51 поен ја предводеше Филаделфија до победа во дербито против Минесота.
Никола Јокиќ прв пат во кариерата постигна 30+ поени против Торонто. Сега има ваков учинок против сите тимови во лигата. Денвер славеше со 113:104. Јокиќ забележа 31 поен, 15 скока и шест асистенции.
Јокиќ против Торонто за прв пат зигра во новите патики на кинескиот бренд „361 Degrees“ и со тоа стана водечко лице на компанијата покрај Арон Гордон.
Клиперс ја извојуваа деветтата победа по ред. Тоа е најдолгата победничка серија на Клиперс од нивната серија од 10 победи во 2015/2016 година. Клиперс славеа против Далас со 120:111.
Во победничкиот тим седум играчи постигнаа двоцифрен број на поени: Кави Ленард 30 поени, 10 скока и пет асистенции, Норман Пауел постигна 21 поен, а Џејмс Харден 17 поени, 11 асистенции и пет скока.
Во тимот на Далас Лука Дончиќ постигна 28 поени со 10 асистенции и девет скока, Тим Хардавеј додаде 21 поен, а Дерик Џонс 19. Кајри Ирвинг го пропушти натпреварот поради проблем со петицата.
За Дончиќ може да се каже дека од херој стана трагичар, бидејќи речиси сам го предводеше камбекот на Мавс од -21 до изедначување, а потоа прокоцка три напади за водство и голем пресврт.
Кошаркарите на Филаделфија ја победија Минесота со 127:113 и ја забележаа седмата победа во последните осум натпревари.
Сиксерси ги предводеше Џоел Ембиид со 51 поен и 12 скока. Тоа беше 12-ти последователен натпревар за Ембиид со најмалку 30 поени и 10 скока и најдолга ваква серија во лигата, од серијата од 16 натпревари на Карим Абдул-Џабар како играч на Милвоки во 1971/72 година.
Во победата придонесе Тајрис Макси со 35 поени и пет асистенции.
Минесота влезе во мечот по девет победи во последните 10 натпревари, а најефикасни во тој тим беа Ентони Едвардс со 27 поени, седум скока и пет асистенции и Карл Ентони Таунс со 23 поени и 13 скока.
Кошаркарите на Чикаго го победија Лос Анџелес Лејкерс со 124:108. Двоцифрен број на поени постигнаа осум играчи на Чикаго, а најефикасен беше Демар Дерозан со 27 поени, девет асистенции и седум скока. Коби Вајт постигна 17 поени, Алекс Карузо 15, а Никола Вучевиќ 13 поени и 10 скока.
Во тимот на Лос Анџелес, кој загуби по четврти пат во последните пет натпревари од освојувањето на НБА купот, Леброн Џејмс беше најдобар со 25 поени, 10 скока и девет асистенции. Ентони Дејвис додаде 19 поени и 14 скока, а Торин Принс 16 поени.
Во другите натпревари, Мајами го победи Орландо со 115:106, додека Индијана го победи Шарлот со 144:113 и ја прекина серијата од четири порази.
Кливленд ја победи Јута со 124:116, а Бостон го победи Сакраменто со 144:109. Њујорк го совлада Бруклин со 121:102 и ја забележа првата победа на гостувањето против Нетс во последните четири години, односно од 26 декември 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Димитиревски договорил четири годишна соработка со Валенсија
Репрезетативецот на Македонија Столе Димитиревски од наредната сезона ќе го носи дресот на Рајо Ваљекано. Бројни шапнски медиуми и најпознатиот транфер-инсајдер, Фабрицио Романо, објавија дека голманот со Валенсија потпишал четири годишен договор.
Столе Димитриевски по шест сезони, како слободен играч ќе го напушти Рајо Ваљекано. Од „Ваљехас“ ќе замине како голман со најмногу одиграни натпревари во клупската историја.
Во последното коло, против Атлетик Билбао на домашен терен Македонецот по 192. пат ќе застане на голот на Рајо Ваљекано.
Трансферот на Димитриевски значи дека Валенсија ќе ја напушти Грузиецот, Гиорги Мамрдашвили. Од неговиот трансфер Валенсија треба да заработи 30 или повеќе милиони евра.
Спорт
Тиквеш и Воска најавуваат голема борба за трофејот во Купот
Извор/ ffm.mk
Тиквеш и Воска Спорт утре од 19:00 часот на Националната арена „Тодор Проески“ во Скопје ќе се соочат во 31. финале од Купот на Македонија.
На денешната прес-конференција, тренерите и капитените на двата тима ги споделија своите очекувања во пресрет на утрешното финале.
„Кога сме веќе во финалето, секако дека сме тука и да го освоиме. Нема да бидеме скромни, сакаме да го освоиме пехарот. Верувам дека моите фудбалери ќе бидат максимално мотивирани и дека ќе ја заокружиме оваа сезона на најдобар можен начин. Победникот може да го реши еден момент, грешка или инспирација на одреден фудбалер“, изјави тренерот на Тиквеш, Ѓорѓи Мојсов.
„За разлика од Тиквеш ние сме млад клуб кој постои неколку години, ова е прва година во Прва лига за Воска и веднаш стигнуваме до историско финале што е голем успех. Првенството го завршивме на посакувано место, па сега одиме да се надигруваме против Тиквеш во Купот на Македонија. Тие се хит во пролетниот дел од сезоната и сакам да им честитам за четвртото место на табелата кое е одлично остварување за Тиквеш. Играат добро, но сепак и ние сме во добра форма, долго време сме без пораз и дојдовме во Скопје да се надигруваме и да го освоиме Купот на Македонија. Еднаш бев учесник во финале како тренер на Металург и загубивме од Работнички. Се надевам дека сега со Воска Спорт ќе бидеме поуспешни и дека ќе ги оствариме нашите цели“, рече тренерот на Воска Срѓан Захариевски
Спорт
Бензема по секоја цена сака да замине од Саудиска Арабија
Карим Бензема како актуелен освојувач на Златната топка, на почетокот на јуни минатата година реши да го напушти Реал Мадрид и да замине во Саудиска Арабија. Потпишал договор до јуни 2025 година, за како што тогаш објави трансфер инсајдерот, Фабрицио Романо, плата од 200 милиони евра по сезона. Во платата се вклучени и бројни комерцијални придобивки.
Шпанските медиуми, повикувајќи се на извори блиски до фудбалерот, тврдат дека тој по само една сезона сака да се врати во Европа. Наводно му недостига фудбалот на повисоко ниво, а му пречи ниското ниво на професионализам и тоа што постојано е критикуван од навивачите.
Според овие извори, нема да му биде лесно да си замине. Според договороте, тој може да го смени клубот, но не и да ја напушти лигата. Саудискиот инвестициски фонд, кој стои зад напливот на скапи фудбалски ѕвезди, не сака да му го дозволи тоа бидејќи ќе го наруши угледот на лигата.
Бензема одигра 29 натпревари за Ал Итихад, постигна 13 гола и забележа осум асистенции.