Лука Дончиќ се пресели од Далас Маверикс во ЛА Лејкерс во сензационален трејд, во кој Маверикс го добија Ентони Дејвис.

Играчите, тренерите, аналитичарите, коментаторите, новинарите се во шок од трејдот во кој покрај Лејкерс и Далас учестуваше и Јута.

Никому не му е јасно зошто Далас, кој им понуди трејд на Лејкерси, би се ослободил од 25-годишниот играч кој е редовен член на идеалната петорка на лигата и кандидат за МВП.

Одговорот го понуди Тим МекМахон, репортер кој со години ги следи Далас Маверикс за ЕСПН.

Тој тврди дека во Далас биле загрижени поради физичката неподготвеност на Дончиќ на почетокот на секоја сезона, вишокот на килограми, поради што не сакале да му дадат максимално продолжување на договорот од 345 милиони долари за пет години, на што тој има право ова лето.

„Лука треба да престане да се појавува на подготвките со над 120 килограми и полека да влегува во форма во текот на целата сезона. Ова не може да се случува секоја година“, изјави неодамна МекМахон на подкастот „Лоу Пост“.

Дончиќ има проблем со виокот килограми, но секогаш наоѓа начин да доминира во НБА бидејќи може совршено да го контролира своето големо тело во играта. Но во Далас се свесни дека вишокот килограми носи поголем ризик од повреди. Доказ за тоа е повредата на листото со која се здоби на Божик, поради што повеќе од еден месец е на рехабилитација.

Денвер Нагетс благодарение на најдобриот играч во НБА лигата, Никола Јокиќ, ја прекинаа серијата од три порази. Кај еден од најлошите тимови во лигата, Шарлот Хорнетс, Нагетс славеа со 107:104.

Јокиќ забележа уште еден трипл-дабл, 22. оваа сезона. Натпреварот го заврши со 28 поени, 17 асистенции и 13 скока, а во последната минута им донесе клучни поени на Нагетс.

Во неизвесна завршница Јокиќ најпрвин со офанзивен скок го доближи Денвер на 103:104, а потоа поентираше под фаул на 41 секунда до крајот.

Домашните потоа ја загубија топката, а Јокиќ по изнуден фаул ги реализираше двата пенали и го сврте резултатот. Во следната акција Мајлс Бриџис промаши, а потоа повторно на сцена стапи Јокиќ, му асистираше на Мареј, кој погоди за два и го постави конечниот резултат.

Во преостанатото време Ник Смит не успеа да погоди за тројка.

Кристијан Браун со 24 поени беше расположен кај Денвер, а важен придонес во триумфот имаше и Џамал Мареј со 20 поени.

Кај Шарлот најефикасен беше Мајлс Бриџис со 24 поени, а го следеше Марк Вилијамс со 20.

Резултати

Хјустон – Бруклин 98:110
Минесота – Вашингтон 103:105
Оклахома – Сакраменто 144:110
Њујорк – Лос Анџелес Лејкерс 112:128
Сан Антонио – Мајами 103:105
Портланд – Феникс 127:108

Реал Мадрид неочекувано загуби на готувањето во Барселона од Еспањол. Единствениот гол го постигна Карлос Ромер во 85.минута. По мечот од таборот на Реал „удрија“ по главниот судија Руиз и ВАР судијата Вилануеа. Уверени се дека стречецот на голот требало да биде исклучен во 62.минута.

Поразот што Реал Мадрид го претрпе на гостувањето кај Еспањол дојде како резултат на добрата игра на каталонскиот тим, но за ваквиот расплет придонесоа и судиските одлуки, вели тренерот на европскиот шампион, Карло Анчелоти.

Es una locura que ni el árbitro ni el VAR sancionen este entradón a Mbappé con tarjeta roja.

Romero le clava los tacos en el gemelo a Kylian en una acción temeraria y debió ser expulsado.

Una más.pic.twitter.com/uDcdDZpp7E

— Helena 🇮🇨 (@HdeHelena_RM) February 1, 2025

Искусниот италијански стручњак смета дека судиите во Ла Лига водат своевидна војна против неговиот тим и го крена гласот за ваквите работи итно да се променат.

„Дали судиите водат војна против Реал Мадрид, не знам. Не би сакал да зборувам за тоа, но некои работи се очигледни, мислам дека целиот свет можеше да види дека Килијан Мбапе беше фаулиран одзади и дека тоа беше чист црвен картон. Судијата не се огласи и противникот остана со 11 играчи на теренот. Имаше и други ситуации кои беа на наша штета. Навистина не ја знам причината зошто се случува сето тоа. Тоа мора да се промени“, рече Анчелоти.

Што се однесува до самата игра, тренерот на Мадрид и не е толку незадоволен, бидејќи смета дека неговите избраници одиграле сосема добар натпревар.

„Од наша страна не беше толку лошо како што покажува резултатот. Игравме добар фудбал, а нашиот ривал очекувано беше фокусиран на одбраната и брзите контранапади. Знаевме дека ќе играат така, но не успеавме да триумфираме. Продолжуваме да се бориме, но Реал Мадрид е клуб кој мора да се почитува“, нагласи Анчелоти.