Спорт
(Видео) Јоро на патерици, го пропушта почетокот на сезоната
Лени Јоро, засилувањето на Манчестер јунајтед, најверојатно нема да биде подготвен за стартот на сезоната. Фудбалерот кој неодамна пристигна на „Олд Трафорд“ од Лил за 62 милиони евра, се повреди неодамна на мечот со Арсенал (1:2) на американската турнеја.
Францускиот стопер се наоѓа во базата на Јунајтед во Лос Анџелес, тој е забележан како се шета со патерици и носи чизна за заштита на левата нога.
🚨🎥 – Leny Yoro spotted on crutches after today's training at UCLA.
This doesn't look good at all 😢
Speedy recovery, Leny ❤️ pic.twitter.com/uizo3hn4RV
— UF (@UtdFaithfuls) July 31, 2024
Јоро нема да игра во последните два подготвителни натпревари на Јунајтед, против Бетис и Ливерпул, а рРаботите да бидат полоши, многу е веројатно дека 18-годишниот дефанзивец ќе го пропушти и почетокот на сезоната.
На 10.август на „Вембли“, Јунајтед игра за Купот на Комјунити Шилд против Манчестер сити, додека во првото коло од Премиер лигата игра на домашен терен со Фулам шест дена подоцна.
Бидејќи Лисандро Мартинез се уште е на одмор по освојувањето на Копа Америка со Аргентина, Тен Хаг може да се потпре само на искусните Хари Мегваер, Џони Еванс и Виктор Линделоф.
Од друга страна, позитивно е што Расмус Хојлунд не е тешко повреден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
УЕФА му го одзеде финалето на Лигата на шампионите на „Сан Сиро“, се бара нов домаќин
Финалниот натпревар од Лигата на шампионите во 2027 година нема да се одигра на миланскиот Сан Сиро, како што беше првично планирано, официјално соопшти УЕФА.
По состанокот на Извршниот комитет на УЕФА во Прага, така одлучија челниците на европската чадор фудбалска организација бидејќи градот Милан не можеше да гарантира дека дотогаш ќе биде завршено реновирањето на стадионот и неговата околина.
Во исто време, УЕФА најави дека повторно ќе го отвори натпреварувањето со цел да се најде соодветен домаќин и локација за тој финален натпревар. Одлуката за домаќинот најверојатно ќе следи во мај или јуни следната година. Финалето на тековната сезона во Лигата на шампионите ќе се одржи на минхенската „Алијанц Арена“ на 31 мај следната година, додека Будимпешта ќе биде домаќин на финалето на Лигата на шампионите една сезона подоцна.
Спорт
Пешиќ останува селектор на Србија
Искусниот кошаркарски стручњак, Светислав Пешиќ, ќе остане селектор на Србија.
Трофејниот стручњак, кој неодамна ја предводеше Србија до бронзениот медал на Олимписките игри, има истечен договор, но тој ќе биде продолжен по изборот на нов претседател на Кошаркарскиот сојуз на Србија.
Пешиќ неодамна имал средба со новиот претседател на КСС, Небојша Човиќ, при што двајцата договориле соработка во наредните години, пишува српскиот весник „Курир“.
Неодамна Богдан Богдановиќ и Вања Маринковиќ разговараа за тоа како би било добро Светислав Пешиќ да остане на српската клупа, а се чини дека нивната желба ќе биде остварена.
Спорт
ЕХФ доживотно суспендираше српски судии поради местење натпревари
Двајцата српски ракометни судии, Александар Панџиќ и Иван Мошорински, добија доживотна суспензија поради местење натпревари.
Имено, како што пренесува „HandNews“, портал специјализиран за ракомет, српските судии Панџиќ и Мошорински се доживотно суспендирани од сите активности на ЕХФ.
Причината поради која е донесена оваа одлука е тоа што тие биле вклучени во местење натпревари, тврди „HandNews“.
Двајца судии добија доживотна суспензија бидејќи биле вмешани во местење натпревари на Европското првенство во ракомет.
Истиот додава дека покрај доживотна суспензија, биле казнети и парично со по 2.000 евра.
Се додава дека судиите не се појавијле на рочиштето, но барањето на ЕХФ ило прифатено и тие и официјално се избришани од списоците на функционери на ЕХФ за натпреварите што се организираат.
Останува да видиме дали и ќе ги суспендира и Ракометниот сојуз на Србија.
🇪🇺 #EHF
👨⚖️ Le binôme d'arbitres 🇷🇸 impliqué dans l'affaire des matchs truqués radiés à vie par l'EHF 😯
👉 https://t.co/21PEkNDcY8 pic.twitter.com/BbSGAi1oQ3
— HandNews (@HandNewsfr) September 24, 2024