Спорт
(Видео) Јовиќ со личен рекорд ги сруши Милвоки Бакс
![](https://makfax.com.mk/wp-content/uploads/2024/02/6-5.jpg)
Она што не успеа на Никола Јокиќ, го направи Никола Јовиќ. Само еден ден по поразот на Денвер Нагетс од Милвоки, Мајами Хит пристигна во Висконсин и го декласираа Милвоки со 123:97.
Мајами до победата го предводеше 20-годишниот Јовиќ со 24 поени, што е негов рекорд во НБА кариерата. Покрај тоа, имаше седум скока и три асистенции. Посебно се истакна во шутот за три, погоди пет од осум обиди. Јовиќ беше 27.пик на Мајами на драфтот во 2022 година.
Мајами цело време ги контролираше случувањата на паркетот. Веќе по првиот дел имаа 12 поени предност (40:28) и продолжија да ја зголемуваат разликата.
Покрај Јовиќ, одличен натпреваро одигра Бем Адебајо, кој оствари трипл дабл со 16 поени, 12 скока и 11 асистенции. Данкан Робинсон постигна 23 поени, а Тајлер Хиро и Кевин Лав по 19 поени. Победата добива уште поголемо значење бидејќи е постигната без помошта на првата ѕвезда на тимот Џими Батлер.
На другата страна, Јанис Адетокунбо имаше 23 поени, 11 скока и осум асистенции. Малик Бисли и Демијан Лилард заедно постигнаа скромни 16 поени.
Во останатите натпревари, Феникс го совлада Сакраменто со 130:125, предводен од Кевин Дурант, кој постигна 28 поени. На другата страна, на кралевите не им помогна тоа што Диерон Фокс постигна 40 поени, а Сабонис оствари уште еден трипл-дабл, 18. оваа сезона (35 поени, 18 скока и 12 асистенции). Литванецот е осмиот играч во историјата со најмалку 18 трипл-даблови во една сезона.
Лејкерси лесно го добија Детроит 125:110, Бостон го совлада Бруклин со 118:110 во Њујорк, Оклахома го победи Орландо на гости со 127:113, додека Минесота славеше во Портланд 127:109.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Фото) Известувачот на Макфакс го сними оперираното колено на Новак Ѓоковиќ
![](https://makfax.com.mk/wp-content/uploads/2024/07/novak-koleno-2.jpg)
На прес конференција по натпреварот против Британецот Џакоб Ферли, Новак Ѓоковиќ за прв пат на Вимблдонскиот турнир се појави без да биде обечен во долен дел тренерки, или со стегач на коленото.
Тој дојде со кратки панталони, при што коленото, кое за време на Ролан Гарос го оперираше од менискус, му беше потполно откриено.
Известувачот на Макфакс Ненад Живановски го забележа тоа и успеа да направи неколку ексклузивни фотографии на кои може со зумирање да се забележат три мали кругови од зараснати рани.
На една од минатите прес конференција, Ѓоковиќ подетално објасни за каков вид на интервенцја станувало збор, при што кажа дека тоа била лапуроскопска операција, во која низ хируршки направена дупка на коленото биле внесени микро камера и скалпер, при што бил остранет оштетениот дел.
Спорт
Ѓоковиќ се пласираше во третото коло на Вимблдон
![](https://makfax.com.mk/wp-content/uploads/2024/07/GJOKOVIC.jpg)
Седумкратниот шампион Ѓоковиќ го победи Џејкоб Фернли со 6:3, 6:4, 5:7, 7:5 и в сабота ќе игра против Алексеј Попирин.
“Честитки за него за одличниот натпревар. Се бореше, веруваше иако беше во негатива од два сета и еден брејк.
Не бев ниту јас на ниво. Многу предизвикувачки услови, ветровито. Не беше лесно да се најде вистинското темпо. Мислам направив доволно за да победам“
„Имав и среќа што не заостанав. Се надевам дека ќе бидам подобар во иднина“ изјави Ѓоковиќ.
Негов следен ривал ќе биде Алексеј Попирин, кој го елиминира Томаш Мартин Ечевери по пет сета.
„Го видов како победи во трилер од пет сета. Сака да игра сервис+форхенд. Имавме одличен натпревар во Австралија.
Мислам дека има добри движења, Станува збор за комплетен играч.
Висок е, сервира добро, и ќе биде тешко да се игра против него.
Можеби клучот ќе биде ако добро ги прочитам неговите сервиси.
Затоа очекувам голем предизвик и пред се силен противник“, изјави Ѓоковиќ
Спорт
Кошаркарите на Словенија се изборија за полуфинале од квалификациите за ОИ
![](https://makfax.com.mk/wp-content/uploads/2024/07/dontsits.jpg)
Словенија се пласираше во полуфиналето од квалификациите за Олимписките игри
На Словенија и требаше победа од 10 или повеќе бодови за пласман во полуфиналето и 29 бода разлика за првото место, бидејќи беа убедливо поразени од Хрватска со 92:108. Во последниот напад Лука Дончиќ промаши шут за три поени со кој Словенија ќе и донесеше прво место во групата и полесен ривал во полуфиналето.
Лука Дончиќ до победата ги предводеше избраниците на Александар Секулиќ со трипл-дабл со 36 поени (3/12 тројки), 10 скока и 10 асистенции, Џош Ниебо даде 20 поени со 12 скока.
Од Нов Зеланд најмногу се истакна Шеј Или со 28 поени и 10 скока а Исаја Леафа додаде 12 поени.
Во полуфиналето на турнирот во Атина, Словенија најверојатно ќе игра против домаќинот Грција, кој ќе се сретне со Египет и тие се големи фаворити, додека ривал на Хрватска најверојатно ќе биде Доминиканската Република, доколку не се случи чудо и Египет не ја совлада Грција.
Пласман на Олимписките игри ќе обезбеди само победникот на секој од четирите квалификациски турнири.