Спорт
(Видео) Карабаг со играч помалку во 122.минута ја елиминира Брага, нестварен пресврт на Фрајбург

Нестварни реванши во Лига Европа вечерва се видени на стадионите во Фрајбург и Баку. Пласман во осминафиналето изборија Фрајбург и Карабаг.
Карабаг и Брага одиграа нестварен меч, кој кулминираше во продолженијата, во кои домашниот тим со играч помалку постигна два гола. Брага победи во Баку со 3:2, но доживеа елиминација бидејќи Карабаг во првиот натпревар славеше победа 4:2.
Откако Карабаг во 57.минута остана со фудбалер помалку, Брага ја започна доминацијата на теренот и со головите на Фернандеш и Џало избори продолженија.
Во 102. минута Силва го намали резултатот на преполниот „Стадион Тофик Бахрамов“. Но тука не беше крај на драмата, Банза во 115. минута реализираше пенал и повторно го изедначи вкупниот резултат. И кога сите очекуваа дека пеналите ќе го решат патникот во осминафиналето, во 122. минута Акундзаде предизвика нова експлозија на стадионот за вкупни 6:5 и солзи на тренерот Курбан Курбанов.
Драматично беше и во Фрајбург каде домашниот тим во 92.минута се избори за птродолженија, а во 99. за место во осминафиналето.
Фрајбург го елиминираше Ленс и покрај тоа што францускиот тим имаше предност од два гола, преку Давид Переира да Коста и Ели Ваи.
Унгарецот Роланд Шалај во 69-та го намали резултатот, а во 92.минута со вториот гол го однесе натпреварот во дополнителните 30 минути. Точка на натпреварот стави Австриецот Грегориќ.
2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Вардар ја победи Лозана
Вардар ја победи Лозана со 2:1, во првиот натпревар од второто квалификациско коло за пласман во главната фаза во Конференциската лига.
Вардар може да жали што не успеа да стекне поубедлива предност пред реваншот во Швајцарија наредниот четврток. Лошите 15 минути на почетокот на вториот дел, кога Вардар, впечатокот е без потреба за повлече и овозможи на Лозана да има активен резултата пред возвратниот дуел.
Црвено-црните апсолутно го контролираа натпреварот во првото полувреме, играчите на Лозана не упатија ниту еден удар кон голот на Талески. Во финишот на првиот дел, во 47.минута, Тодороски упати удар од 18 метри, голманот на Лозана ја одби топката на неа налета Мато и ја закова во голот.
Притисокот на стартот од второто полувреме, Швајцарците го материјализраа со прекрасниот гол на Дијаките. 19-годишникот со десната нога го погоди левиот горен агол од голот на Вардар.
Овој гол ги раздвижи Вардарци, Мато пропушти две шанси, а во 78.минута по една мешаница пред голот најдобро се снајде Омерагиќ кој го постави конечниот резултат.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6ug0yw”,”div”:”rumble_v6ug0yw”});
Спорт
Милтон доби отказ во Лејкерси па потпиша за Партизан

Шејк Милтон е новото засилување на кошаркарскиот клуб Партизан.
Како што пишува „Телеспорт“, 28-годишниот бек потпиша двегодишен договор со црно-белите и ќе заработува 1.200.000 долари следната сезона.
Исто така, неговото доаѓање значи дека Ифе Лундберг повеќе не е во плановите на Партизан.
Милтон играше во Филаделфија во период кога тимот редовно стигнуваше до полуфиналето на Источната конференција, а беше дел од тимот кој во сезоната 2020/21 во лигата го зазеде првото место на Истокот.
Таа сезона тој имаше и најдобра статистика во НБА со просек од 13 поени по натпревар, 3,1 асистенции, 2,3 скока за 23,2 минути. Тој беше и еден од најважните играчи кога ѕвездата на тимот, Џоел Ембиид, ја освои наградата за најкорисен играч во 2023 година.
По таа сезона, тој ја напушти Филаделфија и практично неговата кариера тргна надолу. Смени многу тимови, а во претходните две сезони беше во пет тима: Минесота, Детроит, Њујорк Никс, Бруклин и Лос Анџелес Лејкерс, кои неодамна го отпуштија.
Фото/ Принтскрин
Спорт
Дончиќ ќе добие 229 милиони долари од Лејкерси

Фото/ Принтскрин
Лука Дончиќ се согласи да ја продолжи соработката со Лос Анџелес Лејкерс и ќе отпатува во Соединетите Американски Држави пред репрезентативниот собир да го потпише договорот.
Лејкерси и Дончиќ постигнаа договор за продолжување на соработката до 2029 година.
Според словенечкиот „Спорт клуб“, Дончиќ ќе отпатува во Лос Анџелес пред својот прв тренинг со словенечката репрезентација за да го стави својот потпис на договорот.
Претходно беше објавено дека Словенецот ќе потпише максимален четиригодишен договор вреден 229 милиони долари.
Првиот ден кога Лејкерсите можат да му понудат договор е 2 август, а се очекува Дончиќ тогаш да го потпише договорот.
Во 28 натпревари за Лејкерси, тој забележа 28,2 поени, 8,1 скока, 7,5 асистенции и 1,6 украдени топки во просек од 35 минути на паркетот.
Во серијата од пет натпревари од плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.